Sawltak 28:11 - Tedim Bible

¹¹ Tua lai-ah kha thum ka omkhit uh ciangin Alexandria khua panin a hong pai, tua tuikulh tungah phalbi sung a taam, “Pasian Nih,” lim a kisuang teembaw tungah ka tuang leuleu uh a,

Tedim Bible Revision 2017

¹¹ Tua lai ah kha thum ka om khit uh ciangin Alexandria khua panin a hong pai, tua tuikulh tungah phalbi sung a taam, “Pasian Nih,” lim a kisuang teembaw tungah ka tuang leuleu uh a,

Sawltak 28:11 Referans Kwoze

Sawltak 27:6

Tua lai panin bupa in Alexandria khua pan Italy gam a manawh ding teembaw khat hong mu ahih manin tua teembaw tungah kote hong tuangsak hi.

1 KORIN MASA 8:4

Tua ahih manin biakna sa tawh kisai thu panin: Milim i cih pen bangmah a om lopi khat lim dingin a kibawl na hi a, Pasian khat bek a om ahihna thu i theih ciat ahi hi.

Isaiah 45:20

“Minamte sung panin a suaktalai note aw, nomau kikaikhawmin hong pai unla, hong nai un! Sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.

Sawltak 6:9

Ahi zongin mi pawlkhat in Stefen langpan’ uh hi. Tua mite pen mite in, “Sal Suakta Mite,” a cihte pawl uh hi a, Sairin khua le Alexandria khua panin a hong pai Jew mite ahi uh hi. Hih Jew mite, Silisia le Asia gam pan a hong pai Jew mite tawh kipawlin Stefen tawh thu kisel dingin hong kipan uh hi.

Jonah 1:16

Tua ciangin tua mite in Topa kihta mahmah uh a, Topa’ tungah biakna pia-in thuciamna a bawl uh hi.

Jonah 1:5

Tua ciangin teembaw hawlte lau uh a, a pasian ciat uh’ kiangah a kiko ciat uh hi. Teembaw a zantuam nadingin a sunga vante tuipi sungah a paai uh hi. Tua bang hinapi-in teembaw sungtawng lamah Jonah na lutsukin a na ihmu hithiat hi.

Sawltak 13:6

Tua tuikulh tung khempeuhah zin kawikawi-in Pafos khua a tun uh ciangin mitphial a bawl, kamsang a kineih, Barjesuh min nei Jew mi khat a tuak uh hi.

Sawltak 28:10

Amaute in na tampi tak hong pia uh a, teembaw tungah ka tuankik uh ciangin lamkal a zat ding a kisam khempeuh hong puak uh hi.

Sawltak 28:12

Sirakus khua ka tun uh ciangin tua lai-ah ni thum sung ka taam uh hi.