Sawltak 27:3 - Tedim Bible

³ A zing ciangin Sidon khua ka tung uh a, Paul tungah bu Julias dik mahmah ahih manin a lawmte tawh a kimu ding le a lawmte in a kisapnate a piaktheih nadingin a paikhiasak hi.

Tedim Bible Revision 2017

³ A zing ciangin Sidon khua ka tung uh a, Paul tungah bu Julias dik mahmah ahih manin a lawmte tawh a kimu ding le a lawmte in a kisapnate a piak theih nadingin a pai khiasak hi.

Sawltak 27:3 Referans Kwoze

Sawltak 24:23

Paul cin ding tavuan a la bupa kiangah thu pia a, “Paul hoihtakin cingsak inla, ahi zongin a lawmte in a kisapna peuhpeuh a piaktheih nadingun kimuh theih nading hun pia zel in,” ci-in a vaikhak hi.

Sawltak 28:16

Rom khua ka tun khit uh ciangin Paul pen ama ututna-ah a om theih nadingin thu kipia a, a taikhak loh nadingin galkap khat bek kicingsak hi.

Sawltak 27:43

Ahi zongin galkap bupa in Paul suaktasak nuam ahih manin tua bangin a thah ding uh a kham hi. Tua ahih manin tuipeek thei khempeuh in teembaw panin a nawlah tui va peekin,

Sawltak 27:1

Italy gamah teembaw tawh ka pai ding uh thu a khenkhit uh ciangin Paul le thongkia dangte pawlkhat, “Kumpipa’ Galkapte,” a kici Rom galkapte a uk bu Julias’ khut sungah a ap uh hi.

Sawltak 12:20

Taia khuamite le Sidon khuamite tungah Herod heh mahmah ahih manin Herod tawh a kimu dingin hih khua nih mite hong paikhawm uh hi. A masa-in kumpi innsunga ulian nasem ahi Blastus a pawlmat phot uh hi. Hih khua nihte’ annek tuidawn pen hih kumpipa’ gam panin a ngah uh ahih manin Blastus makai sakin Herod kiangah va pai-in kilem nading thu a va gen uh hi.

Mattiu 11:21

“Khorazin khuapi mite le Bethsaida khuapi mite aw, gimna lianpi na thuak ding uh hi. Bang hang hiam cih leh note khua sungah a hong kilak na lamdangte, Taia le Sidon khua sungah kilak hileh amaute in kisikna limin sawtpekin puanhampi silhin vut kinuh ding uh hi.

Zekhariah 9:2

Hadrak tawh a kigizawng Hamath zong, Topa-a’ mah hi a, siamna a nei Taia khuapi le Sidon khuapite zong, ama a’ mah ahi hi.

Isaiah 23:12

Amah in, “Sidon khuapi aw, na lungdamna teng bei khinta hi. Na mite in nenniamna thuak uh a, Saipras tuikulh-ah a va tai uh hangin, tua lai nangawnah lungnopna hun nei lo ding uh hi,” ci hi.

Piancilna 49:13

“Zebulun, tuipi gei-ah teng ding hi. Amah, teembaw khawlna mun suak ding a, Sidon ciang dongah a gamgi om ding hi.

Piancilna 10:15

Kanaan pen ama sung pan a suak masa Sidon, Heth,

Joshua 19:28

Ebron, Rehob, Hammon, Kanah, le a Lian Sidon ciang dong paito lai hi.