Sawltak 27:23 - Tedim Bible

²³ Bang hang hiam cih leh kei tawh a kipawl ka biak Pasian’ vantungmi, tuzanin ka kiangah hong pai a,

Tedim Bible Revision 2017

²³ Bang hang hiam cih leh kei tawh a kipawl ka biak Pasianʼ vantungmi, tu zanin ka kiangah hong pai a,

Sawltak 27:23 Referans Kwoze

Sawltak 23:11

Tua zanin Paul kiangah Topa hong ding a, “Hang takin om in. Hih Jerusalem khua sungah keima thu genin teci na pan’ mah bangin Rom khuapi-ah zong keima thu genin teci na pang ding hi,” a ci hi.

Hebru 1:14

Vantung mite pen Pasian’ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

2 TIMOTI NIHNA 4:17

Ahi zongin Topa in kei hong ompih a, Gentail mi khempeuh tungah Pasian’ thu a kicingin ka gentheih nadingin thahatna a hong pia hi. Tua ahih manin sih nading thukhenna pan hong suaktasak hi.

Sawltak 5:19

Ahi zongin tua zanin Topa’ vantungmi khat in thong kongkhakte hong a, sawltakte a paikhiatpih khit ciangin amaute kiangah,

ROM (Romans) 1:9

Ama Tapa hangin Lungdamna Thu ka lungsim khempeuh tawh hilhin a na ka sep Pasian in hih ka thugente a man taktak ahihna thu hong thei hi.

Sawltak 18:9

Zan khat, Paul in maang mu a, a maang sungah Topa in, “Lau kei in. Lungkia kei inla, na thugen zom in.

Titu 2:14

I mawhna khempeuh panin hong honkhia ding le ama neihtuam i suahtheih nadingin Jesuh amahmah hong kipumpiak a, eite pen gamtat hoih gamtat ding a lawp mahmah ihi hi.

Sawltak 8:26

Topa’ vantungmi khat in Filip kiangah, “Kithawi inla, Jerusalem khua panin Gaza khua paina lampi zuan dingin leitaw lam manawhin pai in,” a ci hi. (Tua lampi tu-in kizang pha nawn lo hi.)

Daniel 6:22

Pasian in a vantungmi hong sawl a, ka liam loh nadingin humpinelkaite’ kam a humcipsak hi. Kumpipa aw, mawhna ka bawl lohlam leh, nang tungah zong khialhna ka bawl lohna amah in hong thei ahih manin tua bangin a hong bawl hi,” a ci hi.

Daniel 6:16

Tua ciangin kumpipa in humpinelkai kikhumna sungah Daniel a khiat dingun thu a pia hi. Amah in Daniel kiangah, “Thuman takin na biak tawntung na Pasian in hong honkhia ta hen,” a ci hi. Tua ciangin humpinelkai kikhumna sungah Daniel a khia uh hi.

Isaiah 44:21

Jakob aw, hih thu phawk in. Israel aw, ka nasempa na hi hi. Nang kong bawl a, nang pen keima nasem na hi hi. Israel aw, nang kong mangngilh kei ding hi.

Mangmuhna 22:16

“Keimah Jesuh in pawlpite a dingin hih thute nang kiangah a hong gen dingin ka vantungmi ka hong sawl hi. Kei pen David’ zung le a suan ahi, zingsol ka hi hi,” a hong ci hi.

Titu 1:1

Pasian’ sila, le Jesuh Khrih’ sawltak ahi keimah Paul in, Thuzuau a gen ngei lo Pasian in tangtawng pekin thu hong ciamin, a hunhoih a tun ciangin thuhilhna tawh a hong kilatsak nuntak tawntungna thu lametna tawh, Pasian’ teel mite’ upna le thuman thutak a theihna uhah biakna thu tawh kituakin a khan semsem nading thu a hilh dingin eite hong Hon Pasian’ thupiakna tawh nasep hong kipia ahih manin,

2 TIMOTI NIHNA 2:24

Topa’ na a sem mite, kitot a hatte hi lo ding a, mi khempeuh tungah lungsim nemin, thugen siamin, thuakzawhna nei-in,

2 TIMOTI NIHNA 1:3

A sun a zanin ka thungetna-ah nang ka hong phawk tawntung a, ka pu ka pate’ sep mah bangin kisuanna lungsim om hetloin a na ka sep Pasian tungah ka lungdamna ka ko hi.

1 KORIN MASA 6:20

Note pen Pasian in a hong leisa na hih manun na pumpi uh Pasian’ minthan nadingin na zang un.

ROM (Romans) 6:22

Ahi zongin tu-in mawhna bawlnopna panin suakta-in Pasian’ khutsung mi na hita uh hi. Tua thu hangin na ngah uh na pen Pasian a dingin a kipia khin nuntakna hi a, a tawntung nuntakna tawh a kizom ahi hi.

ROM (Romans) 1:1

Pasian kiang panin a hong pai Lungdamna Thu a hilh dingin Pasian’ teelna tawh sawltak ahi, Jesuh Khrih’ sila keimah Paul in lai ka hong khak hi.

Sawltak 16:17

Tua numei in Paul le kote hong zui-in, “Hih mite, A Lianpen Pasian’ nasemte ahi uh hi. Note a hong kihotkhiat theih nading thu a hong gen uh ahi hi,” ci-in a kiko hi.

Sawltak 12:23

Herod in mite, Pasian phatsak loin amah phatsak ahih manin thakhatin Topa’ vantungmi in Herod cinasak a, a hut in amah netumin a si hi.

Johan 12:26

Ka nasemte keima omna-ah a omtheih nadingin ka na a sem nuam peuhmah in kei hong zui ding uh a, ka Pa in ka na a sem mite a pahtawi ding hi,” a ci hi.

Malakhi 3:17

Vanglian Topa in hih bangin ci hi: “Tua a kiciamteh mite pen keima mite hi ding uh hi. Keimah in na ka sep ni ciangin amaute pen keima neihtuam taktak mite hi ding uh hi. Pa in ama thu a mang a tapa a hehpih mah bangin kei zong amaute ka hehpih ding hi.

Zekhariah 13:9

Tua a suakta sehkhatte pen meikhukah ngun a kisiansak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ thungetna ka pia ding hi. Keima mi ahihna uh amaute tungah ka gen ding a, amaute in kei pen amau’ Pasian ka hihna thu a kam uh tawh pulak ding uh hi,” a ci hi.

Daniel 6:20

Humpinelkai kikhumna a tun dektak laitakin aw ling kawmin, “Daniel, a nungta Pasian’ nasempa! Thuman takin na biak tawntung na Pasian in humpinelkai kamsung panin a hong honkhia thei hiam,” ci-in a kiko hi.

Daniel 3:28

Tua ciangin kumpipa in, “Shadrak, Meshak, le Abednego-te’ Pasian phat un. Amah in a vantung mite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang’ mai-ah kun nuam lo, bia nuam lo uh ahih manin mei phualpi sungah khul ding a utzaw uh ahi hi,” a ci hi.

Daniel 3:26

Tua ahih ciangin Nebukhadnezzar zong mei phualpi kong gei-ah paito a, “Shadrak! Meshak! Abednego! A lianpen Pasian’ nasemte hong paikhia un,” ci-in a sam hi. Tua ciangin amaute zong thakhatin a hong paikhia pah uh hi.

Daniel 3:17

Mei phualpi sung panin a hong honkhia thei pasian a om leh ka biak ka Pasian uh hi ding a, na khutsung panin a hong honkhia ding hi.

Ezekiel 36:38

Tuhunin a sia-in a omcip khuapite pen a kiseh pawi hun ciangin biak nadingin a kipaipih, Jerusalem-a tuuhonpi om muamua bangin, mi tampi tawh kidim ding uh hi. Tua ciangin Topa ka hihna thu hong thei ding uh hi,” hong ci hi.

Jeremiah 32:38

Amaute keima mi hi ding uh a, kei pen amaute’ Pasian ka hi ding hi.

Jeremiah 31:33

Ahih hangin Topa in kong cihin-ah, tua hun hong tun ciangin Israel minamte tawh hih bangin thuciamna ka bawl ding hi: Amaute’ sungah ka thukham ka koih ding a, amaute’ lungtang tungah ka gelh ding hi. Kei pen amaute’ Pasian ka hi ding a, amaute pen keima mite ahi ding uh hi.

Isaiah 44:5

“Khat in, ‘Kei pen Topa ka hi hi,’ ci-in, adang khat in Jakob min tawh ama min lo ding a, adang khat leuleu in, ‘Topa-a’, ci-in ama khut tungah gelhin, Israel min tawh amahmah kinophuah ding hi,” ci hi.

Solomon la 6:3

Ka ngaihno kei a’ hi a, kei zong ama a’ hi’ng. Amah in unok pak lakah a tuute gamtasak hi.

Solomon la 2:16

Ka ngaihno keima a’ hi; kei zong ama a’ hi’ng. Amah in unok paakte lakah a tuu cing a,

Late 143:12

Kei pen nangma nasem ka hih manin na itna kip tawh kituakin ka galte khenkhia inla, ka langte khempeuh susia in.

Late 135:4

Bang hang hiam cih leh Topa in ama a dingin Jakob teel a, ama neihsa dingin Israel teel khinta hi.

Late 116:16

Topa aw, kei pen nangma nasem ka hi hi. Nangma nasem ka hi a, na nasemnu’ ta ka hi hi. Keimah hong kikhihnate nong sutkhiatsak zo hi.

Thu-hilhkikna 32:9

Ahi zongin Topa’ tanh pen ama mite hi a, Jakob’ suante pen a kipia ama luah ahi hi.

Paikhiatna 19:5

Tua ahih ciangin tu-in note in ka thu mangin ka thuciamna na zuih uhleh mite khempeuh lak panin note pen keima mi na hi ding uh hi. Bang hang hiam cih leh leitung khempeuh keima a’ hi a,