Sawltak 27:1 - Tedim Bible

¹ Italy gamah teembaw tawh ka pai ding uh thu a khenkhit uh ciangin Paul le thongkia dangte pawlkhat, “Kumpipa’ Galkapte,” a kici Rom galkapte a uk bu Julias’ khut sungah a ap uh hi.

Tedim Bible Revision 2017

¹ Italy gamah teembaw tawh ka pai ding uh thu a khen khit uh ciangin Paul le thong kia dangte pawl khat, “Kumpipaʼ Galkapte,” a kici Rom galkapte a uk bu Juliasʼ khut sungah a ap uh hi.

Sawltak 27:1 Referans Kwoze

Sawltak 25:25

Ahi zongin sihna thuak nadingin ama gamtat khialhna bangmah ka mu het kei hi. Amahmah in gam uk kumpipa tungah a zu khan khin ahih manin kumpipa kiangah puak dingin ka ngaihsutsa ahi hi.

Sawltak 25:12

Tua ciangin Festas in, “Gam uk kumpipa tungah a zu khan khin na hih manin ama kiangah na pai ding hi,” a ci hi.

Sawltak 10:1

Sisaria khua-ah Kornelias a kici mi khat om a, Rom galkap honte sung panin “Italy Galkapte,” a kici sungah galkapbu a sem ahi hi.

Sawltak 27:11

Ahi zongin galkap bupa in Paul’ thugen sangin teembaw ukpa le teembaw nei pa’ thugen umzaw hi.

Sawltak 18:2

Tua lai-ah Pontas gam a suak, Jew mi Aquila a kici mi khat tawh a kimu hi. Gam uk Kumpipa in Jew mi khempeuh Rom khua panin a taikhiat nadingun thu pia ahih manin Aquila le a zi Prisilla pen Italy gam panin Korin khua a hong tun uh a sawt nai lo ahi hi. Tua nupate tawh a kimu dingin Paul zong a inn uhah va hawh a,

Hebru 13:24

Na makaite uh le Pasian’ mi khempeuh na hopihsak un. Italy gam panin a hong pai mite in note hong hopih uh hi.

Sawltak 28:16

Rom khua ka tun khit uh ciangin Paul pen ama ututna-ah a om theih nadingin thu kipia a, a taikhak loh nadingin galkap khat bek kicingsak hi.

Sawltak 27:43

Ahi zongin galkap bupa in Paul suaktasak nuam ahih manin tua bangin a thah ding uh a kham hi. Tua ahih manin tuipeek thei khempeuh in teembaw panin a nawlah tui va peekin,

Sawltak 27:6

Tua lai panin bupa in Alexandria khua pan Italy gam a manawh ding teembaw khat hong mu ahih manin tua teembaw tungah kote hong tuangsak hi.

Sawltak 24:23

Paul cin ding tavuan a la bupa kiangah thu pia a, “Paul hoihtakin cingsak inla, ahi zongin a lawmte in a kisapna peuhpeuh a piaktheih nadingun kimuh theih nading hun pia zel in,” ci-in a vaikhak hi.

Sawltak 23:17

Tua ciangin Paul in galkapbute khat samin ama kiangah, “Galkap mangpa kiangah hih tangvalpa va paipih in. Amah in thugen ding khat a nei hi,” a ci hi.

Sawltak 23:11

Tua zanin Paul kiangah Topa hong ding a, “Hang takin om in. Hih Jerusalem khua sungah keima thu genin teci na pan’ mah bangin Rom khuapi-ah zong keima thu genin teci na pang ding hi,” a ci hi.

Sawltak 22:26

Galkap bupa in hih thu a zak ciangin galkap mangpa kiangah pai-in, “A bangci na hi hiam? Hua mipa, Rom gammi ahi hi,” a cih ciangin,

Sawltak 21:32

Galkap mangpa in zong thakhatin galkapbute le galkapte samin mihonte lak a va kidenna uh hi. Mihonte in galkapte tawh hong pailam a muh uh ciangin Paul a sat nawn kei uh hi.

Sawltak 19:21

Hih bang thuteng a piankhit ciangin Masedonia gam le Akhaia gamah Paul zinin Jerusalem-ah paisuak ding a ngaihsun hi. Tua khit ciangin Rom khua-ah zong pai ning, a ci hi.

Sawltak 16:10

Paul in maang a muhkhit phetin, tua lai-a om mite kiangah Lungdamna Thu a hilh dingin Pasian in eite hong sam hi, ci-in ngaihsun ka hih manun Masedonia gamah a pai dingin ka kithawi pah uh hi.

Sawltak 10:22

Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zaktheih nadingin a inn-ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

Luka 23:47

Galkap mangpa in hih thupiang a muh ciangin Pasian phat a, “Hih pa, mihoih taktak khat ahi hi,” a ci hi.

Luka 7:2

Tua khua sungah Rom mi galkapbu khat om a, tua bupa in a it mahmah nasem khat a nei hi. Tua a nasempa a ci na-in a si dektak hi.

Mattiu 27:54

Jesuh enin a om galkap bupa le galkapte in zinlinna le a thupiangte a muh uh ciangin lamdangsa mahmah uh a, “Hih pa, Pasian’ Tapa taktak mah ahi hi,” a ci uh hi.

Daniel 4:35

Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.

Kah la 3:27

Na khangno lai-in thuakzawh hat ding kisin leteh hoihpen hi.

Paunak 19:21

Mihing’ ngaihsutna-ah thu tampi om a, ahi zongin Topa’ deihna tawh a kituakte bek kimang ding hi.

Late 76:10

Mihingte’ hehna in nang hong kiphatna ding piangsak ding a, na hehna panin a suakta mite in nangmah pahtawina pawi a bawl ding uh hi.

Late 33:11

Topa’ thungaihsutna kip ngitnget a, ama lungsim ngaihsutna khang tawntungin a kip hi.

Piancilna 50:20

Note in ahihleh, kei’ tungah a sia dingin na ngaihsun uh hi. Ahih hangin Pasian in tuhuna mah bangin mi tampite a nuntak theihna a pian nadingin a hoih dingin a ngaihsut ahi hi.

Sawltak 28:1

Leilak ka tunkim khit uh ciangin tua mun pen Malta tuikulh ahihna thu ka thei uh hi.