Sawltak 26:6 - Tedim Bible

^6-7 Ko Israel minam sawm le nihte in Pasian’ thuciam ngah ding lametna tawh a sun a zanin Pasian ka biabia uh a, ka pu ka pate uh tungah Pasian in a thuciamna ngah ding lamenin ka omna hangin hih lai-ah thusitna thuakin a ding ka hi hi. Kumpipa aw, hih thu ka lametna hangin Jew mite in kei hong mawhsak ahi uh hi.

Tedim Bible Revision 2017

^6-7 Ko Israel minam sawm le nihte in Pasianʼ thuciam ngah ding lametna tawh a sun a zanin Pasian ka biabia uh a, ka pu ka pate uh tungah Pasian in a thuciamna ngah ding lamenin ka omna hangin hih lai ah thusitna thuakin a ding ka hi hi. Kumpipa aw, hih thu ka lametna hangin Jew mite in kei hong mawhsak ahi uh hi.

Sawltak 26:6 Referans Kwoze

Sawltak 24:15

Amaute’ up le lamet mah bangin, Pasian in miphate le misiate a kibangin sihna panin hingkiksak khawm ding hi, ci-in umin ka lamen hi.

Sawltak 28:20

Israel mite in a lamet uh mipa’ hangin sikkhau khihna thuakin thongkia mi ka suak hi. Hih thute khempeuh note kiangah hong gennuam ka hih manin a hong samsak ka hi hi,” a ci hi.

ROM (Romans) 15:8

Hih banga kong genna pen, Pasian thuman hi, ci-in a kilat nadingin pupite tungah Pasian’ thuciamna a tungsak dingin, Jew mite hoih nading,

Sawltak 23:6

Paul in tua uliante lakah Saddusi mi le Farisi mi a omlam a muh ciangin amaute kiangah, “Lawmte aw, kei pen Farisi mite’ suan ahi Farisi mi ka hi hi. Mi site hingkik ding hi, ci-in lamenin upna ka neih manin hih lai-ah thusitna ka thuak hi,” a ci hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang ding a, ka tuute gim ka pia ding hi.

Micah 5:2

Bethlehem Efrathah khua aw, nang pen Judah gamah khua neupen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Thu-hilhkikna 18:15

“Topa na Pasian un note lak ahi na sanggamte uh lak panin note a dingin kei tawh a kibang kamsang khat hong khangsak ding hi. Note in ama thu na ngai ding uh hi.

Piancilna 26:4

Na suanlekhakte vana aksi bangin tampi ka phasak ding a, na suanlekhakte tungah hih leitang khempeuh ka pia ding hi. Na suanlekhakte thupha ka piak bangin leitung minam khempeuh in thupha a ngah nadingun hong ngen ding uh hi.

Piancilna 22:18

na suanlekhakte thupha ka piak bangin, leitung minam khempeuh in thupha a ngah nadingun hong ngen ding uh hi. Bang hang hiam cih leh nang in ka thu na mang hi,” a ci hi.

Piancilna 12:3

Nang thupha hong piate thupha ka pia ding a, nang hong samsiate ka samsia ding hi. Nang’ thupha ngah bangin thupha a ngah nadingun leitung midang khempeuh in hong ngen ding uh hi,” a ci hi.

Galati 4:4

Ahi zongin a hun a cin ciangin eite khempeuh Pasian’ tate i suahtheih nadingin Thukham nuai-ah a om mite a hong tankhia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Sawltak 26:8

Bang hangin no Jew mite in Pasian in misite a thawhkik sakna thu um thei lo na hi uh hiam?

Sawltak 24:21

Amaute’ mai-ah, ‘Mi site hingkik ding hi, ci-in ka upna hangin kei tungah thu nong khen uh hi,’ ci-in ka gen simloh amaute’ heh nading bangmah om lo hi,” ci-in thu a gen hi.

Sawltak 3:24

Samuel a kipan ama nunga hong piang kamsang khempeuh in tu laitak a thupiangte mah genkhol ciat uh hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawlkhol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Zekhariah 13:1

“Tua ni hong tun ciangin David’ suanlekhakte le Jerusalem khuamite’ mawhna le nitnateng khempeuh a silsiang dingin tuinak khat hong phul ding hi.

Zekhariah 9:9

Zion mite aw, nakpitakin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh lano tungah hong tuang hi.

Zekhariah 6:12

Ama kiangah, ‘Vanglian Topa in hih bangin ci hi: “Hih mipa pen sing bangin A Sel a kici mipa ahi hi. A omna peuhpeuhah amah cithei ding a, Topa’ biakinn lamkik ding hi.

Micah 7:20

Ka pu ka pate uh tungah na ciamsa bangin, Abraham’ suanlekhakte ahi nangma mite tungah na cihtakna le nong itna kip nong lak ding hi.

Obadiah 1:21

A gualzo Jerusalem khuamite in Esau’ gam simin uk ding uh a, tua gam pen Topa’ gam ahi ding hi.

Joel 2:32

Ahi zongin Topa’ tungah huhna a ngen khempeuh in hotkhiatna a ngah ding uh hi. Topa’ gensa bangmahin Zion Mual le Jerusalem khua sungah a suakta mi om ding uh hi. Topa in a teel mite, suakta ding uh hi.

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

Ezekiel 37:24

Ka nasempa David pen amaute’ kumpi hi ding a, mi khat’ ukna nuai-ah amaute kigawmin, ka thukhamte hoihtakin zui ding uh hi.

Ezekiel 21:27

Siacip! Siacip! Hih khuapi ka siacimitsak ding a, a mel a mang zong kimu nawn lo ding hi. A uk dingin a kilawm mipa hong om ciang bekin ama khut sungah ka pia ding hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Isaiah 4:2

Tua ni ciangin Topa’ bulsel pen melhoihin minthang ding a, leitung panin a piang gahte pen, a suakta lai Israel mite’ kiphatsakna le minthanna hi ding hi.

Late 132:17

Keimah in tua lai-ah David’ suanlekhakte kumpi lianin ka koih ding a, ka sathau nilh pa’ ukna ka kipsak ding hi.

Late 132:11

Topa in a pelh loh ding kiciamna taktak khat David tungah kiciam a, “Nang’ sung pana na tate khat na kumpi tokhom tungah ka koih ding hi.

Late 98:2

Topa in ama gualzawhna kitheisak khinzo a, amah in minamte’ muhna-ah ama thumanna langsak khin hi.

Piancilna 49:10

Judah in kumpi ciangkhut len tawntung ding a, a suan a khakte in zong ukna aana nei tawntung ding hi. Minam dangte in ama tungah siah puak ding a, zahtakna tawh ama mai-ah kun ding uh hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim ding a, nang in ama khetul na sunim ding hi,” a ci hi.