Sawltak 26:3 - Tedim Bible

³ Nangmah in Jew mite’ nuntakzia le amau’ thu kituh theihna thute khempeuh limtakin na theih khitsa ahih manin hampha ka kisa diak hi. Tua ahih manin lungduai takin ka thugente nong ngaih nadingin ka hong thum hi.

Tedim Bible Revision 2017

³ Nangmah in Jew miteʼ nuntak zia le amauʼ thu kituh theihna thute khempeuh limtakin na theih khit sa ahih manin hampha ka kisa diak hi. Tua ahih manin lungduai takin ka thugente nong ngaih nadingin kong thum hi.

Sawltak 26:3 Referans Kwoze

Sawltak 6:14

Hih Nazareth khuami Jesuh in biakinnpi phelgawpin, Moses tung pek panin a hong kipan ngeina khempeuh khelmang ding hi, ci-in a thuhilhna ka za uh hi,” a cisak uh hi.

Sawltak 26:26

“Kumpi Agrippa aw, hih thu khempeuh na theihsa ahih manin nangma mai-ah hangtakin thu ka gen ngam hi. Hih thu pen kuama theih lohna munsimtham a thupiang hi lo ahih manin, a vekpi-in theikhin dingin ka hong um hi.

1 KORIN MASA 13:2

Thuhilh siamna nei-in, thusim khempeuh thei-in, na khempeuh thei-in, mualte kinsak zawh nading upna ka neih hangin itna ka neih kei leh ka kimanna bangmah om lo hi.

Sawltak 28:17

A tunzawh ni thum khit ciangin Paul in Jew makaite sam a, amaute hong kikhop ciangin amah in, “Ute naute aw, i mipihte tung ahi a, i pu i pate’ ngeina tawh kisai-in ahi zongin khialhna bangmah nei lo napi-in Jerusalem khua-ah hong kimanin thongah hong kikoih a, Rom kumpite’ khut sungah hong ki-ap hi.

Sawltak 25:26

Ahi zongin kumpipa tungah bangteng taktak gelh ding cih ka thei kei hi. Tua ahih manin ama thu a kikan khit ciangin ka gelh ding thu ka theih nadingin note mai-ah, a diakdiakin kumpipa Agrippa mai-ah amah kong paipih hi.

Sawltak 24:10

Paul in thu a gen nadingin menzipa in a khut tawh a lah ciangin Paul in, “Hih minamte tungah thukhenin sauveipi na omkhitna thu ka hong thei hi; kei hong kimawhsaknate nangma mai-ah pheltheih nading hun ngah ka hih manin ka nuam mahmah hi.

Sawltak 24:4

Na hun tampi tak hong beisak nuam lo ka hih manun thu a tom theithei a kong gennate uh hehpihna tawh nong ngaih nadingin ka hong thum uh hi.

Sawltak 21:21

Gentail mite lak a om Jew mi khempeuh tungah na thuhilhna, amaute in Moses thukham zui loin, Jew ngeina zui nawn loin, a tate uh zong vun a at loh nadingun na thugente khempeuh, hih lai-a om Jew mite tungah kigen hi.

Thu-hilhkikna 17:18

Ama kumpi tokhom tungah a tut ciangin Levi siampite’ kep hih thukhamte ama a dingin laibu khat sungah gelh ding hi.

Sawltak 26:2

“Kumpi Agrippa aw, Jew mite in kei hong mawhsakna thu ka kiphelna dingin nangma mai-ah tuni-in hun ngah ka hih manin hampha ka kisa mahmah hi.

Jeremiah 32:11

Tua ciangin ka kithukimna teng uh a ki-atna, gip a kikhen lai pen le gip a kikhen lo lai pen ka la a,