Sawltak 26:29 - Tedim Bible

²⁹ Paul in, “Nangmah a kipan tuni-a ka thugen a za mi khempeuh hun tomno sung ahi a, hunsau sungin ahi zongin, hih bangin sikkhau hong kikhihna simloh, keimah nong batkim nadingun Pasian kiangah thu ka ngen hi,” a ci hi.

Tedim Bible Revision 2017

²⁹ Paul in, “Nangmah a kipan tu ni-a ka thugen a za mi khempeuh hun tomno sung ahi a, hun sau sungin ahi zongin, hih bangin sikkhau hong kikhihna sim loh, keimah nong batkim nadingun Pasian kiangah thu ka ngen hi,” a ci hi.

Sawltak 26:29 Referans Kwoze

Efesa 6:20

Pasian’ thu genin taangmi ka sepna hang mahin sikkhau khihna thuakin thongkia ka hih manin ka hilh dingin a kilawm bangin hangtakin ka gen ngam nadingin thu hong ngetsak ta un.

Kolose 1:28

Tua ahih manin a milip tungah Khrih’ thu ka hilh uh a, Khrih tawh a kipawlna uh hangin a milipin a khangcingin Pasian’ omna-ah ka tunpih theih nadingun a milip tungah hilhin ka genkhol uh hi.

ROM (Romans) 10:1

Sanggamte aw, i mipihte in hotkhiatna a ngah nading deihsakin lungsim takpi tawh Pasian kiangah thu ka ngetsak hi.

Sawltak 21:33

Paul kiangah galkap mangpa hong pai-in man a, sikkhau nih tawh Paul a khih nadingun thu a pia hi. Tua ciangin, “Hih mipa kua hi a, bang gamta ahi hiam?” ci-in a dot ciangin,

2 KORIN NIHNA 11:1

Ka hai ahi phial zongin ka haina mah hong thuakpih le-uhcin ka ut hi. Hong thuakpih taktak ta un.

1 KORIN MASA 7:7

Mi khempeuh keimah bangin om ciat le-uh hoih ka sa hi. Ahi zongin mi khempeuh in Pasian’ piak hihzawhna a tuamtuam nei a, khatlekhat kibang lo hi.

1 KORIN MASA 4:8

Na deih khempeuh uh neikhin na kisa uh a, haukhin na kisa uh hi. Kote’ om loh kalin kumpi a suak khinin na kingaihsun uh hi. Note tawh kumpi hikhawm ding ihih manin kumpi taktak a suak takpi na hi le-uhcin ka ut mahmah hi.

Sawltak 25:14

Tawlkhat a taam khit uh ciangin Festas in tua kumpipa’ kiangah Paul’ thu gen a, “Feliks in thong sunga a na nusiat mi khat hih lai-ah a om hi.

Sawltak 12:6

Herod in Peter thu sit dingin a lakkhiat ding ma a zan sungin, Peter a khut nih tuakin sikkhau kikhihin a langtuakah galkapte in lenin tua galkap nih kikalah kilumsak a, tua banah thongcingte in a kongah cing lai uh hi.

Johan 5:34

Keimah in mihingte’ teci panna a kisam ka hi kei a, note in hotkhiatna na ngahtheih nadingun note a’ ding ngaihsutna tawh hih thuteng a hong gen ka hizaw hi.

Jeremiah 13:17

Ahih hangin ka thu nong ngaih kei uhleh na kisaktheihna uh hangin ka kapsim ding a, khitui luangin nakpitakin ka kidik ding hi. Bang hang hiam cih leh Topa’ tuuhonte sal dingin kikaikhia zo hi.

2 KUMPI NIHNATE 5:3

Amah in a tonu kiangah, “Samaria-ah a om kamsangpa tawh ka topa kimu thei leh! Amah in a phakna damsak ding hi,” a ci hi.

2 SAMUEL NIHNA 18:33

Tua ciangin kumpipa’ lungsim nakpitakin sukha a, kulhkongpi tunga inndei sungah paito-in a kap hi. A paikawmin amah in, “Aw ka tapa Absalom, ka tapa, ka tapa Absalom! Nangma tangin kei sizaw taleng. Aw Absalom, ka tapa, ka tapa!” a ci hi.

Gamlak-vakna 11:29

Ahih hangin Moses in ama kiangah, “Keima tangin hong hazatsak na hi hiam? Topa’ mi khempeuh kamsang hi hen la, Topa in amau’ sungah ama Kha guan leh ka cih laitak hi,” a ci hi.

Paikhiatna 16:3

amaute tungah, “Kote, sabeel phungah tu-in ka kham takun an ka nek lai-un Egypt leitangah Topa in hong that khin hizaw taleh maw! Bang hang hiam cih leh mihon buppi a puksisak dingin note in sehnel gamah nong paikhiatpih uh hi,” a ci uh hi.

Jeremiah 38:20

Kei zong, “Amaute’ kiangah nang hong kipia lo ding hi. Tu-a kong gen bangin Topa’ thu mang in. Tua hileh nang a dingin hoih ding a, na nuntakna hong kimap ding hi.