Sawltak 26:23 - Tedim Bible

²³ Tua thu in: Khrih pen sihna thuakin a hingkik masa pa hi ding a, Jew mite le Gentail mite tungah hotkhiatna khuavak thu a hong gen pa hi ding hi, cihna thu ahi hi,” a ci hi.

Tedim Bible Revision 2017

²³ Tua thu in: Khris pen sihna thuakin a hingkik masa pa hi dinga, Jew mite le Gentail mite tungah hotkhiatna khuavak thu a hong gen pa hi ding hi, cihna thu ahi hi,” a ci hi.

Sawltak 26:23 Referans Kwoze

Luka 24:26

Khrih in minthanna a ngah nadingin hih bangteng a thuak ding kisam hi lo ahi hiam?” a ci hi.

Mangmuhna 1:5

thuman takin teci a pang, sihna panin a kithokiksak Tapa upa, leitung kumpite tungah ukna aana a nei Jesuh Khrih kiang panin note tungah hehpihna le nopsakna thupha hong tung tahen. Tua Jesuh Khrih in eite hong it a, ama sihna tawh i mawhna panin eite hong suaktasak a,

Kolose 1:18

Na khempeuhah amah a lianpen ahih theih nadingin, amah pen pawlpi ahi ama pumpi lutang hi a, pawlpi’ nuntakna a kipatna hi a, sihna panin a kithokiksak Tapa cil ahi hi.

Hebru 2:10

Na khempeuh ama a dingin a piangsak Pasian in tate tampi minthanna a ngahsak theih nadingin a thuakna tawh hotkhiatna thu-ah a makai dingin Jesuh a bawl ding a kilawm mah ahi hi.

Zekhariah 12:10

“David’ suanlekhakte le Jerusalem khuamite’ tungah hehpihna lungsim le thungetna lungsim ka guan ding hi. Amaute in a sutlup uh mipa enin, ta khat neihsun a sihsuah mite bangin kap ding uh a, tacil a khuaisuahte bangin nakpitakin kapin thum ding uh hi.

1 KORIN MASA 15:3

Kei tungah a hong kihilh a thupi pen note tungah ka hong gensawn a, tua in: Lai Siangtho sungah a kigelh mah bangin eite’ mawhna tang dingin Khrih hong si-in

Luka 2:32

Gentail mite in khuavak a muh nading le nangma mi Israel-te a minthan nadingin na vaihawm hi,” a ci hi.

Zekhariah 13:7

“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang ding a, ka tuute gim ka pia ding hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim ding a, nang in ama khetul na sunim ding hi,” a ci hi.

Johan 10:18

Kuamah in ka nuntakna hong laksak thei lo a, keima utthu tawh ka piak hizaw hi. Ka nuntakna piakkhiat theih nading le lakkik theih nading thu ka Pa in kei tungah a hong piak ahi hi,” a ci hi.

Sawltak 26:18

Pasian’ teel mite’ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theihna dingin Satan’ khutsung panin Pasian’ khut sungah a heikhia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Sawltak 26:8

Bang hangin no Jew mite in Pasian in misite a thawhkik sakna thu um thei lo na hi uh hiam?

Sawltak 13:34

Muatna a thuakkik ngei nawn lo dingin sihna panin amah a hinkiksakna tawh kisai-in Pasian in a thugenna-ah, ‘David tungah ka ciamsa mah bangin note tungah thupha siangtho kong pia takpi ding hi,’ ci hi.

Sawltak 3:18

Ama Khrih in a thuak nading thu, Pasian in tanglai pekin kamsangte khempeuh tungtawnin genkhol a, tu-in hih bangin a thugen kholhna a hong tungsak ahi hi.

Johan 11:25

Tua ciangin Jesuh in, “Keimah in a sisa mite thosakin a hingsak thei pa ka hi hi. Kei hong um mi peuhmah a sih hangin nungta ding hi.

Luka 24:46

amaute kiangah, “Khrih in sihna thuakin, a ni thum ni-in sihna panin hingkik ding a,

Mattiu 27:53

Hankhuk panin amaute paikhia uh a, sihna panin Jesuh a thawhkik khit ciangin, amaute zong khuapi siangtho sungah hong lut uh a, mi tampi in a mu uh hi.

Isaiah 42:6

“Kei pen Topa ka hi a, thumanna tawh nangmah hong samin, ka khut tawh hong lenin nang ka hong kem hi. Mittawte a vaksak ding, leinuai thong sung panin thongkiate a lakhia ding, thong sung a mialna munah a tu mite a lakhia ding, mite tungah thuciamna ahi ding, minam dangte tungah khuavak ahi dingin nang ka hong koih khin hi.

Isaiah 49:6

Amah in, “Jakob minamte a laamto ding le a suaktalai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

Mattiu 26:24

Mihing Tapa ahihleh Lai Siangtho sungah a kigelhsa mah bangin a si ding ahi hi; ahi zongin Mihing Tapa a lehhek pa in gimna thuak ding hi. Tua mipa pen a piang vet lo hileh ama a dingin hoihzaw ding hi,” a ci hi.

Sawltak 3:24

Samuel a kipan ama nunga hong piang kamsang khempeuh in tu laitak a thupiangte mah genkhol ciat uh hi.

2 KORIN NIHNA 4:4

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khrih minthanna hangin amaute tungah a hong taang lungdamna thu khuavak mu thei lo uh hi.