Sawltak 26:22 - Tedim Bible

²² Ahi zongin Pasian in tuni ciang dong hong huh ahih manin milian mineu, a kuamah peuh tungah thu a hilh ka hi hi. Keima thuhilhte pen kamsangte le Moses in hong tung ding hi, ci-in a gen thute mah ahi hi.

Tedim Bible Revision 2017

²² Ahi zongin Pasian in tu ni ciang dong hong huh ahih manin mi lian mi neu, a kuamah peuh tungah thu a hilh ka hi hi. Keima thuhilhte pen kamsangte le Moses in hong tung ding hi, ci-in a gen thute mah ahi hi.

Sawltak 26:22 Referans Kwoze

Sawltak 24:14

Ahi zongin nangma kiangah kong pulaknop thu in: Amaute in man lo hi, a cih uh tua Thu zui-in kote’ pu le pate’ Pasian ka bia hi. Moses’ Thukham laibu sunga a kigelh thu khempeuh le kamsangte’ laibu sunga a kigelhte khempeuh zong ka um hi.

Johan 5:46

Moses in keima thu gen belin nei ahih manin Moses um taktak hi le-uhcin kei zong na hong um ding uh hi.

Sawltak 10:43

Amah a um mite khempeuh in ama min hangin a mawhna uh a mai nading thu, kamsangte khempeuh in zong gen belin a neih khat uh ahi hi,” a ci hi.

Luka 24:44

Tua ciangin Jesuh in amaute kiangah, “Tu-a thupiang khempeuh pen note tawh kong omkhawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Luka 24:27

Tua ciangin Jesuh in Lai Siangtho sungah ama thu a kigennate khempeuh, Moses laibu a kipanin kamsangte’ laibu khempeuh a khiatna a gen hi.

Mangmuhna 15:3

Amaute in Pasian’ nasem Moses la le Tuuno la sa uh a, “A Vanglian Topa Pasian aw, na nasepnate lamdangin lian mahmah hi. Khang tawntung a Kumpipa aw, na nasepnate-ah thumanin na thutang hi.

ROM (Romans) 3:21

Ahi zongin tu-in thukham zuihna hang hi loin thudang khat hangin Pasian tawh kipawl theih nading lampi hong kilangzo a, Thukham le kamsangte in zong hih thu-ah teci a pang uh hi.

1 SAMUEL MASA 7:12

Tua ciangin Samuel in suangtum khat la-in Mizpah le Jeshanah kikalah phut a, a min Ebenezer a phuak hi; bang hang hiam cih leh amah in, “Hih pen Topa in eite hong huhna teci ahi hi,” a ci hi.

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasian’ Ukna thu gentel a, Jesuh’ thu man hi, ci-in a uptheih nadingun Moses Thukham le kamsangte’ laigelhte siksanin a gen hi.

Sawltak 26:17

Israel mite le Gentail mite lakah nang kong sawl ding a, amaute in nang hong suksiat loh nadingun ka hong kem ding hi.

Sawltak 26:6

Ko Israel minam sawm le nihte in Pasian’ thuciam ngah ding lametna tawh a sun a zanin Pasian ka biabia uh a, ka pu ka pate uh tungah Pasian in a thuciamna ngah ding lamenin ka omna hangin hih lai-ah thusitna thuakin a ding ka hi hi. Kumpipa aw, hih thu ka lametna hangin Jew mite in kei hong mawhsak ahi uh hi.

Johan 5:39

Nuntak tawntung ngahtheih nading lametna tawh Lai Siangtho sung na lim sim mahmah uh a, tua na sim uh Lai Siangtho in keima thu mah genin teci pang napi-in,

Johan 1:45

Nethanel tawh a kituah ciangin Filip in, “Moses in Thukham laibu sungah a gelh mipa, le kamsangte in zong a gelh mipa ka mu khin uh hi. Amah Jesuh hi a, Nazareth khuami Josef’ tapa ahi hi,” a ci hi.

Johan 1:17

Pasian in Moses tungtawnin Thukham hong pia a, ahi zongin Jesuh Khrih hangin itna le cihtakna thu hong pai hi.

Luka 24:46

amaute kiangah, “Khrih in sihna thuakin, a ni thum ni-in sihna panin hingkik ding a,

Late 124:8

Van le lei a bawl Topa’ tung panin eite huhna hong pai hi.

Late 66:12

Ka galte uh nong tuancilsak a, tui le mei lauhuainate ka thuak uh hi. Ahih hangin nangmah in a tanzau munah kote nong paipih hi.

Late 18:47

hong thuhkik sakin keima nuai-ah mite a hong zawhsak Pasian,

Ezra 8:31

Tua ciangin Jerusalem a zuan dingin kha masa a ni sawm le nih ni-in Ahava lui panin ka ding khia uh hi. I Pasian in kote hong ompih ahih manin lamkalah galte le pansimna a tuamtuamte tawh hong kipelhsak hi.

Mangmuhna 20:12

A lian a neu misite tua tokhom mai-ah dingin laibute a kilem ka mu hi. Tua ciangin a nungta mite a kigelhna laibu a dang khat zong a kilem ka mu hi. Amaute’ gamtatna tua laibute sungah a kigelhna tawh kizui-in misite tungah thu a kikhen hi.

Mangmuhna 11:18

Na hehna hong kilat hun hong tungta a, misite thukhen nading hun hong tungta ahih manin minam dangte heh mahmah uh hi. Nangma nasem kamsangte, a lian a neu, nang hong kihta mi khempeuhte thaman na piak ding hun hi ta a, leitung a susia mite na suksiat ding hun hi ta hi,” a ci uh hi.

2 TIMOTI NIHNA 3:11

bawlsiatna ka thuakna, gimna ka thuakna, le Antiok, Ikonium, le Lystra khuate-ah kei tunga thupiang, nasia takin bawlsiatna ka thuaknate na theih na phawksa ahi hi. Ahi zongin Topa in hih haksatnate khempeuh panin kei hong suaktasak hi.

Mattiu 26:24

Mihing Tapa ahihleh Lai Siangtho sungah a kigelhsa mah bangin a si ding ahi hi; ahi zongin Mihing Tapa a lehhek pa in gimna thuak ding hi. Tua mipa pen a piang vet lo hileh ama a dingin hoihzaw ding hi,” a ci hi.

Luka 16:28

Inn-ah nau pasal nga ka nei lai a, ke’n gim ka thuakna hih lai munah hong tunkhak loh teitei nadingun kei’ gamtat bangin a gamtat loh nadingun hong hilhsak hen,’ a ci hi.

Sawltak 13:29

Lai Siangtho in Jesuh’ thu a gen bang teekteekin a bawlkhit uh ciangin singlamteh tung panin lakhia sukin han sungah a koih uh hi.

1 KORIN MASA 15:3

Kei tungah a hong kihilh a thupi pen note tungah ka hong gensawn a, tua in: Lai Siangtho sungah a kigelh mah bangin eite’ mawhna tang dingin Khrih hong si-in

1 KORIN MASA 15:4

kivui a, Lai Siangtho sungah a kigelh mah bangin a ni thum ni-in Pasian in hingkiksak hi.