Sawltak 26:16 - Tedim Bible

¹⁶ Tu-in tho-in na khe-in ding in. Keima na a sem dingin a hong sawl dingin nang tungah a hong kilang ka hi hi. Tuni-a kei nong muhna thuteng le nang tungah ka hong lah lai ding thu khempeuh, midangte tungah a gen ding na hi hi.

Tedim Bible Revision 2017

¹⁶ Tu-in tho-in na khe-in ding in. Keima na a sem dingin a hong sawl dingin nang tungah a hong kilang ka hi hi. Tu ni-a kei nong muhna thu teng le nang tungah ka hong lah lai ding thu khempeuh, midangte tungah a gen ding na hi hi.

Sawltak 26:16 Referans Kwoze

Daniel 10:11

Amah in, “Daniel aw, Pasian in nang hong it hi. Ding inla kong thugente limtakin ciamteh in. Na kiangah thu a gen dingin kei hong kisawlzo hi,” a hong ci hi. Amah in hih thuteng a hong gen khit ciangin ling kankan kawmin ka ding hi.

Ezekiel 2:1

Tua awging in, “Mihing ahi Ezekiel aw, dingto in. Nang tungah thu kong gen nuam hi,” hong ci hi.

1 TIMOTI MASA 1:12

Hih bangin na sepzawh nadingin thatang hatna a hong pia i Topa Khrih Jesuh tungah ka lungdam hi. Ama nasem dingin kei hong muangin hong seh ahih manin ka nuam hi.

Galati 1:12

Mi khatpeuh tung panin ka ngah hi lo a, mi khatpeuh in hong hilh zong hi lo hi. Jesuh Khrih in kei tungah a hong lahna hang bekin hih thu a thei ka hi hi.

ROM (Romans) 15:16

Gentail mite tungah na a sem dingin Khrih Jesuh sawltak hih theih nading hamphatna lianpi Pasian in kei a hong piakna hang ahi hi. Gentail mite pen Kha Siangtho in Pasian’ tungah a piak, ama santheih biakpiaknate a suahtheih nadingin Pasian kiang panin a hong pai Lungdamna Thu ka hilhna-ah siampi bangin na ka sem hi.

Kolose 1:25

Pasian’ thu a kicing takin note’ phattuam nadingin a hilh dingin pawlpi nasem dingin Pasian in kei a hong bawl hi.

Kolose 1:23

Ahi zongin note in lungdamna thu na zak cil lai-un na neih uh lametna panin ling hetloin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuhah a kihilh lungdamna thu mah ahi hi.

Galati 2:2

Pasian’ hong sawlna tawh tua lai-ah a pai ka hi hi. Ka nasepnate a mawkna a suahkhak ding ut lo ka hih manin makai lian a kineite tawh a tuamin kimuhna khat ka nei a, Gentail mite lakah ka hilh lungdamna thute amaute kiangah gentelna khat ka nei hi.

Sawltak 23:11

Tua zanin Paul kiangah Topa hong ding a, “Hang takin om in. Hih Jerusalem khua sungah keima thu genin teci na pan’ mah bangin Rom khuapi-ah zong keima thu genin teci na pang ding hi,” a ci hi.

2 TIMOTI NIHNA 4:5

Ahi zongin nang na hih leh thu khempeuhah na lungsim ki-ukin haksatnate na thuak inla, Pasian’ thugen nasep semin, na nasepna-ah maa na tun in.

1 TIMOTI MASA 4:6

Nang in na zuihsa upna thu le thuhilhna man na zuih kawmin hih ka hong thugente, i sanggamte kiangah na gen nakleh Khrih Jesuh’ nasem a hoih khat na hi ding hi.

1 THESALONIKA MASA 3:2

Khrih Lungdamna Thu hilhna-ah Pasian a dingin kote tawh na a semkhawm i sanggampa Timoti hong paisak le-ung hoihpen ding hi, ci-in ka ngaihsun uh hi. Amah in note hong hanthawnin na upna uhah hong kipsakin,

Kolose 1:7

Hih thu pen, Khrih nasepna sungah kote’ tangin citakin na a sem, kote’ naseppih Epafras tung panin na zak uh ahi hi.

2 KORIN NIHNA 5:18

Hih thu khempeuh Pasian’ vaihawm hi a, eite pen Pasian’ gal hinapi-in Khrih hangin amah tawh a kilem mi hong hisak a, kote tungah tua kilem nading nasep hong pia hi.

2 KORIN NIHNA 4:1

Pasian in hong hehpihna tawh hih nasep hong pia ahih manin ka thaneem hetkei uh hi.

ROM (Romans) 1:5

Minam khempeuh in ama thu umin a zuihtheih nadingun Khrih hangin sawltak nasep sep theih nading hamphatna thu Pasian in Khrih’ na sep nadingin kote a hong pia hi.

Sawltak 22:10

Tua ciangin kei zong, ‘Topa aw, bangci gamtat ding ka hi hiam?’ ci-in ka dot ciangin amah in, ‘Tho inla, Damaskas khua-ah pai in. Nang’ hih dingin Pasian in a sehsa thu khempeuh, tua khua panin hong kigen ding hi,’ a hong ci hi.

Sawltak 21:19

Paul in amaute hopih a, Pasian in amah Paul tungtawnin Gentail mite lakah na a sepna khempeuh a banbanin a cingtakin a gen hi.

Sawltak 20:24

Ahi zongin Topa Jesuh in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna-ah bangbang hong piang taleh a thupi-in ka ngaihsun kei hi.

Sawltak 6:4

Tua hileh kote in ka hun khempeuh uh thungetna le thuhilhna-in kong zang thei ding uh hi,” a ci uh hi.

Sawltak 1:17

Judas pen eite tawh na a semkhawm dingin a kiteelkhia ahih manin eima pawl mi ahi hi.

Luka 1:2

A kipat cil a kipanin amau’ mit mahmah tawh a mu mite in hong gente uh a gelh uh ahi hi.

Sawltak 26:15

‘Topa aw, kua na hi hiam?’ ci-in ka dot ciangin Topa in, ‘Na hong bawlsiat Jesuh ka hi hi.

Efesa 3:3

Lai ka hong khaksate sungah a tomno-in kong gensa bangin Pasian in ama thusim kei tungah hong hilh khinzo hi.