Sawltak 26:13 - Tedim Bible

¹³ Tua hi a, kumpipa aw, Damaskas khua ka tunma sun laitakin kei leh ka tonpih mite’ kiimah sun sangin a taangzaw khuavak khat vantung panin hong taangzaih hi.

Tedim Bible Revision 2017

¹³ Tua hi a, kumpipa aw, Damaskas khua ka tun ma sun laitakin kei leh ka tonpih miteʼ kiimah sun sangin a taang zaw khuavak khat vantung panin hong taangzaih hi.

Sawltak 26:13 Referans Kwoze

Mattiu 17:2

Tua lai mun panin amaute’ muhtangpi mahin Jesuh a mel kikheel a, a maitang ni bangin taangin, a puante khuavak bangin a ngo hi.

Mangmuhna 21:23

Pasian’ minthanna vang pen khuavak hi a, Tuuno zong meivak hi khin ahih manin tua khuapi in nitaang le khataang cihte kisam lo hi.

Mangmuhna 1:16

A taklam khutah aksi sagih tawi-in, a kam sung panin langnih a hiam namsau khat hong pusuak a, a maitang sun nitaang a bang hi.

Sawltak 22:6

“Damaskas khua a zuan dingin pai-in ka tun dektak sunkim pawl laitakin, thakhatthu-in van panin ka kimkot hong taangzaih hi.

Sawltak 9:3

Damaskas khua a zuan dingin pai a, a tun dektak ciangin thakhat thu-in van panin ama kimkotah a hong taangzaih khat a om hi.

Isaiah 30:26

Tua tham loin, Topa in ama mite’ liamma tuamin ama satna meimate a damsak ni ciangin, khataang pen nitaang bang ding a, nitaang pen ni sagih sunga taangzah bangin a zah sagihin a taang ding hi.

Isaiah 24:23

Tua ciangin khapi mial ding a, ni taang nawn lo ding hi. Bang hang hiam cih leh Vanglian Topa in Zion Mual tung le Jerusalem khua sungah uk ding a, ama upate’ mai-ah ama minthanna vang kilangsak ding hi.

Sawltak 22:9

Ka tonpih mite in a khuavak taang mu uh a, ahi zongin kei’ tungah thu hong gen pa’ awging za lo uh hi.

Sawltak 26:12

“Hih thu hang mahin siampi liante tung panin thu ngahna lai tawh Damaskas khua-ah ka va pai hi.

Sawltak 26:14

Ka vekpi-un leilakah ka puk uh a, tua laitakin kei kiangah Hebru pau tawh thu hong kigen a, ‘Saul, Saul aw, bang hangin kei hong bawlsia na hi hiam? Bawngtal in a hawlte’ ciangzum peek le na a sakzawk bangin kei’ thu nong nial manin nang a dingin nazaw hi,’ hong ci hi.