Sawltak 26:10 - Tedim Bible

¹⁰ Tua mah bangin Jerusalem khua sungah ka sempah a, siampi liante tung panin thu ngahna tawh Pasian’ mi tampi thong sungah ka khum hi. Tua mite a sih nadingun thu a kikhen ciangin zong a thukimpih pawl ka hi hi.

Tedim Bible Revision 2017

¹⁰ Tua mah bangin Jerusalem khua sungah ka sem pah a, siampi liante tung panin thu ngahna tawh Pasianʼ mi tampi thong sungah ka khum hi. Tua mite a sih nadingun thu a kikhen ciangin zong a thukimpih pawl ka hi hi.

Sawltak 26:10 Referans Kwoze

Sawltak 8:3

Ahi zongin Saul in pawlpi suksiat ding hanciam a, inn khat pan inn khatah pai kawikawi-in, thu um numei le pasalte kai-in thong sungah a khia hi.

Sawltak 9:21

Ama thuhilh a za mi khempeuh in lamdangsa uh a, “Pasian a bia mi peuhpeuh, Jerusalem khua sungah a that pa hi lo ahi hiam? Hih lai-ah zong thu um mite manin siampi liante kiangah a ciahpihkik dingin a hong pai hi lo ahi hiam?” a ci uh hi.

1 KORIN MASA 15:9

Bang hang hiam cih leh kei pen Pasian’ pawlpi a bawlsia mipa ka hih manin sawltak cih dingin zong a kilawm lo zah dongin sawltakte lakah a neupen ka hi hi.

Sawltak 9:26

Jerusalem khua-ah Saul pai a, thu um mite tawh kipawl dingin a vaihawm hi. Ahi zongin amaute in Saul pen thu um dingin na ngaihsun zo lo uh ahih manin na kihta mahmah uh hi.

Sawltak 8:1

Hih Stefen thahna thu-ah Saul in zong thukimpih hi. Tua ni a kipanin Jerusalem khua-a om pawlpite in nakpitakin bawlsiatna thuak ding kipan uh hi. Sawltakte simloh, thu um midang khempeuh, Judea gam le Samaria gamah kithehthang gawp uh hi.

Sawltak 7:58

khua pualamah kaikhia-in suang gol pipi a khiat uh hi. Hih thu-ah teci pangin Stefen a deng mite in a puantungsilh uh suahin Saul a kici tangval khat kiangah lawnin a kemsak uh hi.

Mangmuhna 17:6

Tua ciangin mi siangthote le Jesuh tungah a cihtak uh manin a kithat mite’ sisan dawnin zukham a batna ka mu hi. Tua numei ka muh ciangin lamdang ka sa mahmah hi.

Efesa 1:1

Pasian’ sawlna tawh Jesuh Khrih’ sawltak ahi keimah Paul in, Efesa khua-ah a om thu um mite tungah lai ka hong khak hi.

Galati 1:13

Jew biakna sungah ka omlai hunin Pasian’ pawlpi tuamtuamte bawlsiat ding kin mahmahin, a beimang nading uh ka hanciamna,

Sawltak 9:41

Peter in a khut khakin a dingtosak hi. Tua ciangin thu um meigong numeite a kipanin thu um khempeuh samkikin amaute kiangah Dorkas a nungta-in a lak hi.

Sawltak 9:32

Peter khualzinin pai kawikawi a, khatvei Lydda khua-a teng Pasian’ mite kiangah a hawh hi.

Late 16:3

Leitungah a om mi siangthote ahih le, amaute nampi hi a, amaute sungah ka lungkimna teng om hi.