Sawltak 25:2 - Tedim Bible

^2-3 Tua lai panin siampi liante le Jew upate in Paul a mawhsakna thu uh ama kiangah na gen uh hi. Amaute in lamkalah Paul thatlum nuam uh ahih manin Jerusalem khua-ah Paul a paisak nadingin Festas kiangah nakpitakin a thum uh hi.

Tedim Bible Revision 2017

^2-3 Tua lai panin siampi liante le Jew upate in Paul a mawhsakna thu uh ama kiangah na gen uh hi. Amaute in lamkal ah Paul that lum nuam uh ahih manin Jerusalem khua ah Paul a paisak nadingin Festas kiangah nakpi takin a thum uh hi.

Sawltak 25:2 Referans Kwoze

Sawltak 25:15

Jerusalem khua-ah ka va pai ciangin Jew siampi liante le upate in amah a mawhsakna uh thu tampi gen uh a, amah mawhsakin thu ka khen nading hong gen uh hi.

Sawltak 24:1

Tua khit ni nga ciangin siampi lianpen pa Ananias le upate, amau’ thu a gensak ding Tertullas a kici mipa tawh Jerusalem khua panin Sisaria khua-ah hong tung uh a, menzipa Feliks kiangah pai-in Paul a mawhsakna uh thute a va gen uh hi.

Paunak 4:16

Migilote in a sia khatpeuh a sep mateng uh lum thei lo uh a, mi khatpeuh a sukzawh mateng uh ihmu thei lo uh hi.

JOB (Job) 31:31

Zin le leengte limtakin ka do tawntungna thu ka na a hong sepsak mi khempeuh in a thei uh hi.

Sawltak 25:24

Tua ciangin Festas in, “Kumpi Agrippa le hih lai-a om mi khempeuh aw, hih lai khua hitaleh Jerusalem khua-ah hitaleh Jew mi khempeuh in kei tungah amah mawhsakna thu hong gen uh hih mipa na mu uh hi. Hih mipa hinkhawi ding kilawm lo hi, ci-in amaute awnggawp uh hi.

Sawltak 28:17

A tunzawh ni thum khit ciangin Paul in Jew makaite sam a, amaute hong kikhop ciangin amah in, “Ute naute aw, i mipihte tung ahi a, i pu i pate’ ngeina tawh kisai-in ahi zongin khialhna bangmah nei lo napi-in Jerusalem khua-ah hong kimanin thongah hong kikoih a, Rom kumpite’ khut sungah hong ki-ap hi.

1 THESALONIKA MASA 2:16

Gentail mite tungah hotkhiatna thu ka gen ding uh hong khaktan uh ahih manin amau’ mawhnasate a behlap niloh a suak uh hi. Ahi zongin a tawpna-ah Pasian’ hehna amaute tungah a tungta hi.