Sawltak 24:22 - Tedim Bible

²² Tua ciangin tua Thu paizia teltakin a thei Feliks in a thusitna hialbawl a, “Galkap mangpa Lysias hong tun ciangin na thu uh kong khensak ding hi,” ci-in a genkhit ciangin,

Tedim Bible Revision 2017

²² Tua ciangin tua Thu paizia teltakin a thei Feliks in a thusitna hial bawl a, “Galkap mangpa Lysias hong tun ciangin na thu uh kong khensak ding hi,” ci-in a gen khit ciangin,

Sawltak 24:22 Referans Kwoze

Sawltak 26:3

Nangmah in Jew mite’ nuntakzia le amau’ thu kituh theihna thute khempeuh limtakin na theih khitsa ahih manin hampha ka kisa diak hi. Tua ahih manin lungduai takin ka thugente nong ngaih nadingin ka hong thum hi.

Sawltak 25:26

Ahi zongin kumpipa tungah bangteng taktak gelh ding cih ka thei kei hi. Tua ahih manin ama thu a kikan khit ciangin ka gelh ding thu ka theih nadingin note mai-ah, a diakdiakin kumpipa Agrippa mai-ah amah kong paipih hi.

Sawltak 24:24

Tua zawh a sawt loin Feliks le Jew mi ahi a zi Drusilla, Paul a kikhumna-ah hong pai-in amah samkhiasak uh a, Paul in Jesuh Khrih upna thu a gennate a nupa-un a ngai uh hi.

Sawltak 24:14

Ahi zongin nangma kiangah kong pulaknop thu in: Amaute in man lo hi, a cih uh tua Thu zui-in kote’ pu le pate’ Pasian ka bia hi. Moses’ Thukham laibu sunga a kigelh thu khempeuh le kamsangte’ laibu sunga a kigelhte khempeuh zong ka um hi.

Sawltak 24:10

Paul in thu a gen nadingin menzipa in a khut tawh a lah ciangin Paul in, “Hih minamte tungah thukhenin sauveipi na omkhitna thu ka hong thei hi; kei hong kimawhsaknate nangma mai-ah pheltheih nading hun ngah ka hih manin ka nuam mahmah hi.

Sawltak 24:6

Biakinn nangawn thusim loin min siatsak sawm ahih manin amah ka man uh hi. (Komau’ thukham tawh kizui-in ama tungah thu khen ka sawm uh hi.

Sawltak 18:20

Thu um mi pawlkhatte in ni tampi sung Paul a taam nadingin gen uh a, ahi zongin amah taam nuam lo hi;

Thu-hilhkikna 19:18

Thukhente in limtakin kan ding uh a, teci pa pen zuau teci hi-in, a man lopi-in a sanggampa a mawhsak ahihleh,

Mattiu 2:7

Tua ciangin Herod in tua mipilte samsim a, aksi a kilat hun teltakin a dot khit ciangin,

Sawltak 9:2

Topa’ thu a zui mi numei pasal a muh peuhpeuh manin Jerusalem khua-ah a ciahpih theih nadingin Damaskas khua-a Jew mi kikhopna inn ukte kiangah a lah dingin lai a ngen hi.

Sawltak 19:40

Tuni-a thupiang hangin eite buaina piangsak, ci-in hong kimawhsak khak ding lauhuai hi. Hih bangin buaina a om nading bangmah a thu om lopi hi a, i siksan ding bangmah thu om het lo hi,” a ci hi.