Sawltak 24:10 - Tedim Bible

¹⁰ Paul in thu a gen nadingin menzipa in a khut tawh a lah ciangin Paul in, “Hih minamte tungah thukhenin sauveipi na omkhitna thu ka hong thei hi; kei hong kimawhsaknate nangma mai-ah pheltheih nading hun ngah ka hih manin ka nuam mahmah hi.

Tedim Bible Revision 2017

¹⁰ Paul in thu a gen nadingin menzipa in a khut tawh a lah ciangin Paul in, “Hih minamte tungah thukhenin sau veipi na om khitna thu ka hong thei hi; kei hong kimawhsaknate nangma mai ah phel theih nading hun ngah ka hih manin ka nuam mahmah hi.

Sawltak 24:10 Referans Kwoze

1 PETER MASA 3:15

Na lungsim sung uhah Khrih zahtakbawl unla, amah Topa-in nei un. Note’ lametna thu a hong dong a omkhak leh hoihtakin a genthei dingin kiging tawntung unla, ahi zongin lungnemna le zahtakna lim tawh gen un.

Sawltak 26:1

Tua ciangin Agrippa in Paul kiangah, “Tu-in thugen theih nading hun na nei hi,” ci-in a gen ciangin Paul in a khut zanin a kiphel nading thu hong gen a,

Sawltak 23:24

Paul’ tuan nading sakol pawlkhat zong keng unla, Menzipa Feliks kiangah hoihtakin va tunpih un,” a ci hi.

Sawltak 21:40

Galkap mangpa in zong thu a gen ding phal ahih manin kahlei cial tungah Paul ding a, mite a gamdaih nadingin a khut a van hi. Mite a gamdaih khit ciangin Paul in Hebru pau-in mite tungah thu gen a,

Sawltak 19:33

Jew mite in mihonpi mai-ah Alexander hong dingsak uh ahih manin, mi pawlkhat in hih thupiang ama hang hi, ci-in ngaihsun uh hi. Alexander in mihonte a gamdaih nadingin a khut hong van a, a mawh lohna uh thu a gen dingin hong kipan hi.

Sawltak 18:15

Ahi zongin hih thu pen kam zatzia, min le na ngeina uh a kituh na hih manun nomau mah in khentawm un. Tua bang thute keimah in ka hong khen kei ding hi,” a cih khit ciangin,

Sawltak 13:16

Tua ahih manin Paul hong ding a, a khut vanin thugen ding hong kipan a, “Israel mipihte le hih lai-ah Pasian a bia Gentail mite aw, ka thugen na ngai un.

Sawltak 12:17

Amaute a pau nawn loh nadingun Peter in a khut van a, thong sung panin Topa in amah a paikhiatpihna zia teng a gen hi. Tua ciangin, “James le pawlpi midangte kiangah hih thu na gen un,” ci-in a vaikhak khit ciangin mundangah a paikhia hi.

Luka 18:2

“Khuapi khat sungah Pasian a zahtak lo, mi zong a don lo thukhen mang khat a om hi.

Luka 12:14

Ahi zongin Jesuh in a mipa kiangah, “No unau’ gamh a hawm dingin kua in kei hong seh ahi hiam?” ci-in a dawng hi.

1 SAMUEL MASA 2:25

Mi khat midang khat tungah a khialh le ama a dingin thukhente in palai sem ding hi. Ahih hangin mi khat Topa’ tungah khial leh ama a dingin kua in va thumsak ding ahi hiam?” a ci hi. Ahih hangin amaute in a pa’ thu ngai lo uh hi. Bang hang hiam cih leh tua pen amaute a thah nadingin Topa’ deihna ahi hi.

Luka 12:11

Thusitna a thuak dingin kikhopna inn-ah ahi a, hausa zumah ahi zongin hong paipih uh ciangin bang gen ding a, bangci kihut ding ka hi hiam, ci-in lunghimawh kei un.