Sawltak 24:1 - Tedim Bible

¹ Tua khit ni nga ciangin siampi lianpen pa Ananias le upate, amau’ thu a gensak ding Tertullas a kici mipa tawh Jerusalem khua panin Sisaria khua-ah hong tung uh a, menzipa Feliks kiangah pai-in Paul a mawhsakna uh thute a va gen uh hi.

Tedim Bible Revision 2017

¹ Tua khit ni nga ciangin siampi lianpen pa Ananias le upate, amauʼ thu a gensak ding Tertullas a kici mipa tawh Jerusalem khua panin Sisaria khua ah hong tung uh a, menzipa Feliks kiangah pai-in Paul a mawhsakna uh thute a va gen uh hi.

Sawltak 24:1 Referans Kwoze

Sawltak 24:11

Nangmahmah in na theih ding mah bangin, Jerusalem khua-ah Pasian bia dingin ka paina pen ni sawm le ni nih khawng pha pan hi.

Sawltak 23:2

siampi lianpen pa Ananias in Paul gei-a omte kiangah, “A muk na betsak un,” a ci hi.

Sawltak 25:2

Tua lai panin siampi liante le Jew upate in Paul a mawhsakna thu uh ama kiangah na gen uh hi. Amaute in lamkalah Paul thatlum nuam uh ahih manin Jerusalem khua-ah Paul a paisak nadingin Festas kiangah nakpitakin a thum uh hi.

Sawltak 23:35

“Na langte hong tun ciangin thu kong sit ding hi,” ci-in a gen khit ciangin, Herod in a lam inn sungah Paul koihin a cin nadingun thu a pia hi.

Sawltak 23:30

Jew mite pawlkhat in amah a thahsawmna thu hong kikoh ciangin nangma kiangah puak dingin ka ngaihsun hi. Amah a mawhsakte in nangma mai-ah thu a hong gen nadingun amaute kiangah ka gen hi,” ci-in a gelh hi.

Sawltak 23:24

Paul’ tuan nading sakol pawlkhat zong keng unla, Menzipa Feliks kiangah hoihtakin va tunpih un,” a ci hi.

Sawltak 21:27

Tua ni sagih hunsung a bei dektak ciangin Asia gam panin a hong pai Jew mite pawlkhat in, biakinn sungah Paul a omna a mu uh hi. Amaute in mihonte sosuahin Paul man uh a,

Late 11:2

bang hang hiam cih leh, en in, migilote in khuamial sung panin lungsim thutangte a kap dingin a thalkhau uhah thaltang bulhin a thal uh a keek uh hi.

1 KORIN MASA 2:4

thu ka hong hilh ciangin zong leitung mipilte’ zat kammalte le siamnate ka zang kei a, Pasian’ Kha Siangtho vangliatna tawh thu ka hong hilh hi.

1 KORIN MASA 2:1

Sanggamte aw, Pasian’ thu hilhin note kiangah kong pai lai-in, mipilte’ zat kam thukpipi le pilna kamte ka zang kei hi.

Sawltak 25:15

Jerusalem khua-ah ka va pai ciangin Jew siampi liante le upate in amah a mawhsakna uh thu tampi gen uh a, amah mawhsakin thu ka khen nading hong gen uh hi.

Sawltak 12:21

Kumpipa in a thugen hun ding a ciamkholh ni a tun ciangin a kumpi puan silhin a kumpi tokhom tungah tu a, mite tungah thu a gen hi.

Isaiah 3:3

mi sawmnga a ukpa le zalian a nei pa, thu lamlak pa le mitphial siampa, le bum siamte a lakhia hi.

Sawltak 23:33

Amaute in Sisaria khua-ah Paul tunpih uh a, menzipa kiangah a lai puak uh pia-in, ama tungah Paul a ap uh hi.

Sawltak 24:2

Thugen dingin Tertullas a kisawl ciangin hih a nuai-a bangin mawhsakna thu a gen hi: “A Lian Menzipa! Nangma hong makaih siamna hangin hun saupi sung nuamtakin ka omkhin uh a, kote’ gam sung a hoih nadingin puahphatna zong tampi tak kibawl khin hi.