Sawltak 23:9 - Tedim Bible

⁹ Amau’ kitotna awging hupha semsem a, Farisi mite pawlsung a om Thukham hilh siate pawlkhat hong dingin nakpitakin hong pau uh a, “Hih mipa tungah khialhna themkhat zong om lo hi. Vantung mi ahi a, Pasian’ sawl khat peuhpeuh in ahi zongin ama tungah thu a gen hi khathei ding hi,” a ci uh hi.

Tedim Bible Revision 2017

⁹ Amauʼ kitotna awging hupha semsem a, Farisi mite pawl sung a om Thukham hilh siate pawl khat hong dingin nakpi takin hong pau uh a, “Hih mipa tungah khialhna them khat zong om lo hi. Vantungmi ahi a, Pasianʼ sawl khat peuhpeuh in ahi zongin ama tungah thu a gen hi kha thei ding hi,” a ci uh hi.

Sawltak 23:9 Referans Kwoze

Sawltak 22:7

Leilakah pukin ka om laitakin awging khat ka za a, ‘Saul, Saul! Bang hangin kei hong bawlsia na hi hiam?’ hong ci hi.

Johan 12:29

Tua kiima ding mihonte in a awging za uh a, “Vanging bang hi,” a ci uh hi. Pawlkhatte in, “Vantung mi in amah hopih hi,” a ci uh hi.

Sawltak 26:31

Amaute a paikhiat khit uh ciangin, “Hih mipa in thongkiat nading ahi a, sih nading ahi zongin a thuak nadingin bangmah om lo hi,” a kici uh hi.

Sawltak 25:25

Ahi zongin sihna thuak nadingin ama gamtat khialhna bangmah ka mu het kei hi. Amahmah in gam uk kumpipa tungah a zu khan khin ahih manin kumpipa kiangah puak dingin ka ngaihsutsa ahi hi.

Sawltak 23:29

Thong khiat nading le sihna thuak nadingin khialhna a bawlna bangmah ka mu kei hi. A mawhsaknate uh amau’ thukham ngeina tawh kisai hi lel hi.

Marka 2:16

Hih thukham khialte le siahdongte tawh Jesuh in an a nekkhopna Farisi mite sung panin Thukham hilh siate pawlkhat in a muh uh ciangin a nungzuite kiangah, “Bang hangin hih bang mite tawh an nekhawm ahi hiam?” ci-in a dong uh hi.

Paunak 16:7

Topa’ deih bangin gamtatna pen galte nangawn lawma kaihzawhna ahi hi.

1 KORIN MASA 10:22

A nih tuakah kihelkhawm lehang Topa a heh nadingin a gamta ihi ding a, eite pen Topa sangin i hatzaw het kei hi.

Sawltak 27:23

Bang hang hiam cih leh kei tawh a kipawl ka biak Pasian’ vantungmi, tuzanin ka kiangah hong pai a,

Sawltak 23:8

(Bang hang hiam cih leh Saddusi mite in mi a sih khit ciangin hingkik nawn lo ding hi. Vantung mi ahi a, kha ahi zongin om lo hi, ci uh hi. Ahi zongin Farisi mite in hih thu thumte om hi, ci-in a um uh hi.)

Sawltak 11:17

Eite in Topa Jesuh Khrih i up ciangin eite tungah hong piak mah bangin Pasian in hih Gentail mite tungah zong a kibangin a piakna teltakin kithei ahih manin, hih Pasian’ nasepna a khaktanzo dingin kei kua ka hi hiam?” ci-in a gen hi.

Sawltak 9:4

Saul, leilakah puksuk a, tua laitakin awging khat in ama kiangah, “Saul, Saul aw, bang hangin kei hong bawlsia na hi hiam?” a ci hi.

Sawltak 5:39

Ahi zongin Pasian kiang panin a hong pai thu ahihleh na zo zo ngei kei ding uh hi. Pasian tawh a kido na hi ding uh hi,” ci-in a gen hi.

Luka 23:22

Tua ciangin amaute tungah a thumveina thu gen a, “Amah in bang mawhna bawl ahi hiam? Sihna a thuak nadingin ama gamtatna bangmah ka mu kei hi. Tua ahih manin amah satin ka khah ding hi,” a ci hi.

Luka 23:4

Tua ciangin Pilat in siampi liante le mihonte kiangah, “Hih mipa mawhsak nading thu bangmah ka mu kei hi,” a ci hi.

Luka 5:30

Farisi mite le amau sung panin Thukham hilh siate, nungzuite tungah phun uh a, “Bang hangin siahdongte le thukham khial mite tawh an nekhawm na hi uh hiam?” a ci uh hi.

1 SAMUEL MASA 24:17

Amah in David kiangah, “Nang pen kei sangin na thuman zaw hi. Keimah in nang tungah a sia kong bawl laitakin nang in kei tungah a pha nong bawl hi.

1 SAMUEL MASA 12:5

Tua ciangin amah in amaute kiangah, “Note in kei tungah bangmah na muh lohna thu uh Topa pen note’ langkhatah teci hi a, ama sathau nilh pa zong tuni-in teci ahi hi,” a ci hi. Tua ciangin amaute in, “Hi mah hi; Topa, i teci ahi hi,” a ci uh hi.

Jeremiah 26:16

Tua ciangin kumpi uliante le mi khempeuhte in siampite le kamsangte tungah, “Hih pa in eite’ Topa Pasian’ min tawh thu hong gen ahih manin thah ding kilawm lo hi,” a ci uh hi.

Sawltak 22:6

“Damaskas khua a zuan dingin pai-in ka tun dektak sunkim pawl laitakin, thakhatthu-in van panin ka kimkot hong taangzaih hi.