Sawltak 23:21 - Tedim Bible

²¹ Ahi zongin lamkalah Paul a pangsim dingin mihing sawmli val bang om uh ahih manin amaute’ hong ngetna pia kei in. Tua mihing sawmlite in Paul a thahkhit mateng uh anletui a nekloh nadingun kiciamna khat bawlkhin uh hi. Amaute a kithawisa-in om uh a, nangma thupiak ding bek a ngak uh ahi hi,” a ci hi.

Tedim Bible Revision 2017

²¹ Ahi zongin lamkal ah Paul a pangsim dingin mihing sawm li val bang om uh ahih manin amauteʼ hong ngetna pia kei in. Tua mihing sawm lite in Paul a thah khit mateng uh anletui a nek loh nadingun kiciamna khat bawl khin uh hi. Amaute a kithawi sa-in om uh a, nangma thupiak ding bek a ngak uh ahi hi,” a ci hi.

Sawltak 23:21 Referans Kwoze

2 KORIN NIHNA 11:26

Khual ka zinzinna lamin tuikhang lauhuaina, misuamte lauhuaina, ka mipihte’ suk ding lauhuaina, Gentail mite’ suk ding lauhuaina, khuapi sung le gamlakah lauhuaina, tuipi tungah lauhuaina, lawm man lote’ hih ding lauhuaina a tuamtuamte ka phukha hi.

ROM (Romans) 9:3

Hi thei ding hileh amaute’ hoih nadingin keimah in Pasian’ samsiatna thuakin Khrih tawh kikhen nading ciang dong nangawnin amaute ka huhnuam hi.

Sawltak 20:19

Jew mite in kei hong thahsawmna hangin kiniamkhiatna le khitui naptui tawh haksapi-in Topa’ na ka sem hi.

Paikhiatna 23:2

Siatna a bawl dingin mihon na zui kei ding uh hi. Thutang a hei khia dingin mihonpi nung zui-in thu neihna-ah teci na pang kei ding uh hi.

Luka 11:54

a kampau khialhnate a mattheih nadingun thangsiahin a hanciam uh hi.

Sawltak 23:22

Tua ciangin galkap mangpa in tangvalpa kiangah, “Kei kiangah hih thu nong kohna thu kuamah theisak kei in,” ci-in a vaikhak khit ciangin a ciahsak hi.