Sawltak 23:14 - Tedim Bible

¹⁴ Siampi liante le upate kiangah pai uh a, “Paul ka thahkhit mateng uh anletui ka nekloh nadingun khauhtakin thuciamna khat ka nei khin uh hi.

Tedim Bible Revision 2017

¹⁴ Siampi liante le upate kiangah pai uh a, “Paul ka thah khit mateng uh anletui ka nek loh nadingun khauh takin thuciamna khat ka nei khin uh hi.

Sawltak 23:14 Referans Kwoze

Sawltak 23:12

A zing ciangin Jew mite pawlkhat kikhawm uh a, Paul i thahkhit ciang bekin anne tuidawn pan ding hi hang, ci-in kiciamna a nei uh hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawnkhia ding uh hi, Topa in kong ci hi.

Micah 7:3

A sia lama gamtat ding siam mahmah uh a, uliante le thukhente in sumgolh ngenin, miliante in amau’ deihteng pulak uh a, kipawlin vaihawm khawm uh hi.

Hosea 4:9

Mite’ thuak dingin a kilawm gimna mah siampite in zong thuak ding uh a, amau’ gamtatna bangin gim pia-in amau’ siatna bangin ka thukkik ding hi.

Isaiah 3:9

Amau’ maiput in amau’ langah teci pang hi. Sodom bangin amaute a langtangin gamta uh a, amaute in im lo uh hi. Amaute in gimna ngah ta hen! Bang hang hiam cih leh amaute in amau’ tung mahah siatna kitun uh hi.

Jeremiah 6:15

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site’ lak mahah amaute zong si ding uh a, gim ka piak ni ciangin a kilawnkhia ding uh hi,” Topa in hong ci hi.

Sawltak 23:13

Hih bangin a vaihawm mihing sawmli val bang a pha uh hi.

Sawltak 23:20

Tangvalpa in, “Uliante in Paul’ thu a cingin a theinuam kineihin, zing ciangin amaute kiangah Paul na paisak nadingin Jew mi aana neite in nget ding a thukim uh hi.

Sawltak 23:21

Ahi zongin lamkalah Paul a pangsim dingin mihing sawmli val bang om uh ahih manin amaute’ hong ngetna pia kei in. Tua mihing sawmlite in Paul a thahkhit mateng uh anletui a nekloh nadingun kiciamna khat bawlkhin uh hi. Amaute a kithawisa-in om uh a, nangma thupiak ding bek a ngak uh ahi hi,” a ci hi.