Sawltak 23:1 - Tedim Bible

¹ Paul in ulian kikhawmte limtakin enin, “Lawmte aw, tuni ciang dong ka nuntak sung tawntung, Pasian mai-ah kisuanna ka nei het kei hi,” a cih leh

Tedim Bible Revision 2017

¹ Paul in ulian kikhawmte limtakin enin, “Lawmte aw, tu ni ciang dong ka nuntak sung tawntung, Pasian mai ah kisuanna ka nei het kei hi,” a cih leh

Sawltak 23:1 Referans Kwoze

Sawltak 24:16

Tua ahih manin Pasian mai le mite mai-ah lungsim kisuanna a om het lo dingin a tawntungin ka gamta hi.

2 TIMOTI NIHNA 1:3

A sun a zanin ka thungetna-ah nang ka hong phawk tawntung a, ka pu ka pate’ sep mah bangin kisuanna lungsim om hetloin a na ka sep Pasian tungah ka lungdamna ka ko hi.

2 KORIN NIHNA 1:12

Kote’ kisialhpih thu in: hih leitung a ka gamtatnate uh le a diakdiakin note tungah kong gamtatnate uhah, mihingte’ pilna a zang hi loin Pasian hehpihna vang tawh, Pasian’ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

Hebru 13:18

Kote a dingin thu hong ngetsak niloh un. A tawntungin na a manin sepnopna lungsim nei ka hih manun ka lungsim uhah kisuanna om loin siang mahmah hi.

1 KORIN MASA 4:4

Ka kisuan nading thu bangmah ka thei het kei hi. Ahi zongin tua pen ka dik hi, cihna hi pah lo hi. Keima thu a hong khen ding pa pen Topa ahi hi.

Sawltak 22:5

Hih ka thugente a man ahihna thu, siampi lianpen pa le upa khempeuh in hong genthei ding uh hi. Damaskas khua-a om i Jew mipihte ka lah dingin amaute in lai hong pia uh ahih manin, upate in gim a piaktheih nadingun tua khua-a om thu um mite manin sikkhau khihin Jerusalem khua-ah a ciahpih dingin ka va pai hi.

2 KORIN NIHNA 4:2

Ka thuhilhna uhah mite khembawl loin, Pasian thu zong a man lopi-in ka gen kei uh a, tua bang a zumhuai simtham tatnate ka zang hetkei uh hi. Pasian muhna-ah a langtangin thuman takin ka gamta uh a, mi khempeuh a lungkim theih nadingin ka hanciam uh hi.

Sawltak 23:6

Paul in tua uliante lakah Saddusi mi le Farisi mi a omlam a muh ciangin amaute kiangah, “Lawmte aw, kei pen Farisi mite’ suan ahi Farisi mi ka hi hi. Mi site hingkik ding hi, ci-in lamenin upna ka neih manin hih lai-ah thusitna ka thuak hi,” a ci hi.

Paunak 28:1

Kuama delh lohpi-in migilote taimang a, mithumante ahihleh humpinelkai bangin a hang uh hi.

1 PETER MASA 3:16

Khrih nungzui na hihna hangun na gamtat hoihna uh hong gensia-in hong simmawhbawl a om ciangin a maizum theih nadingun na lungsim uhah kisuanna a om het lo dingin na siangtho om un.

Sawltak 22:30

Jew mite in bang hangin Paul mawhsak ahi uh hiam, ci-in teltakin galkap mangpa in theinuam ahih manin a zing ciangin Paul a khihsakna sikkhaute sutsak a, siampi liante le upate thu kikupna a nei dingin a samsak hi. Tua ciangin Paul paikhiatpihin uliante mai-ah a dingsak hi.

Sawltak 6:15

Ulian kikhopna sunga a kihel mi khempeuh in Stefen en uh a, a maitang pen vantungmi maitang tawh kibang hi, ci-in a mu kim uh hi.

Sawltak 22:1

“Pate, ute, khangualte aw, hih thu-ah bangmah ka mawh lohna thu kong gen laitakin na ngai un,” a ci hi.

Mattiu 5:22

Ahi zongin ke’n note kiangah kong genin-ah: A sanggampa tungah a heh mi in thukhenna thuakkha thei ding hi. A sanggampa kiangah, ‘Bangmah a kimang lo,’ ci-in a ko bawl mi in uliante mai-ah thusitna thuak thei ding a, a sanggampa kiangah, ‘Mi hai,’ ci-in a simmawh mi in hell meikuang sungah khulna thuak thei ding hi.

Sawltak 23:15

Tu-in note le uliante in galkap mangpa tungah thu zasak unla, Paul’ thu a cingin a theinuam kineihin, note kiangah Paul hong paipihsak nadingin na ngen un. Hih lai mun hong tunma-in kote in lamkalah ka na that ding uh hi,” a ci uh hi.

Sawltak 23:20

Tangvalpa in, “Uliante in Paul’ thu a cingin a theinuam kineihin, zing ciangin amaute kiangah Paul na paisak nadingin Jew mi aana neite in nget ding a thukim uh hi.

Sawltak 23:28

Amaute’ mawhsakna bang thu ahi hiam, ci-in theinuam ka hih manin thusit dingin amau’ uliante kiangah ka paipih hi.