Sawltak 22:5 - Tedim Bible

⁵ Hih ka thugente a man ahihna thu, siampi lianpen pa le upa khempeuh in hong genthei ding uh hi. Damaskas khua-a om i Jew mipihte ka lah dingin amaute in lai hong pia uh ahih manin, upate in gim a piaktheih nadingun tua khua-a om thu um mite manin sikkhau khihin Jerusalem khua-ah a ciahpih dingin ka va pai hi.

Tedim Bible Revision 2017

⁵ Hih ka thugente a man ahihna thu, siampi lianpen pa le upa khempeuh in hong gen thei ding uh hi. Damaskas khua-a om i Jew mipihte ka lah dingin amaute in lai hong pia uh ahih manin, upate in gim a piak theih nadingun tua khua-a om thu um mite manin sikkhau khihin Jerusalem khua ah a ciahpih dingin ka va pai hi.

Sawltak 22:5 Referans Kwoze

Luka 22:66

Khua a vak ciangin upate, siampi liante, le Thukham hilh siate hong kikhawm uh a, uliante mai-ah Jesuh hong kipaipih hi.

Sawltak 5:21

Ama gen mah bangin sawltakte zong zingsang ciangin biakinn-ah pai-in thuhilh ding a kipan uh hi. Siampi lianpen pa le ama kikholhpihte in ulian kikhopna a cingtaak khat a omtheih nadingin Jew mi upa khempeuh a kikhop nadingun a sam uh hi. Tua khit ciangin thong panin sawltakte va kai-in uliante mai-ah a hong paipih nadingun palikte a sawl uh hi.

1 TIMOTI MASA 4:14

Kamsangte’ thugennate le upate in na tungah a khut uh nga-in thu hong ngetsakna ahi nangma hihtheih siamnate na valkhongsak kei in.

Sawltak 28:21

Tua ciangin amaute in, “Judea gam panin nangma thu tawh kisai-in lai bangmah ka ngah kei uh a, tua gam panin a hong pai i mipihte tung panin zong nang hong kimawhsakna kam ahi zongin bangmah ka za kei uh hi.

Sawltak 26:12

“Hih thu hang mahin siampi liante tung panin thu ngahna lai tawh Damaskas khua-ah ka va pai hi.

Sawltak 26:10

Tua mah bangin Jerusalem khua sungah ka sempah a, siampi liante tung panin thu ngahna tawh Pasian’ mi tampi thong sungah ka khum hi. Tua mite a sih nadingun thu a kikhen ciangin zong a thukimpih pawl ka hi hi.

Sawltak 22:1

“Pate, ute, khangualte aw, hih thu-ah bangmah ka mawh lohna thu kong gen laitakin na ngai un,” a ci hi.

Sawltak 13:26

“Abraham’ suan ka behte le Pasian a bia Gentail mi khempeuh aw, hih hotkhiatna thu pen eite a dingin Pasian in a hong puak ahi hi.

Sawltak 9:14

Tu-in zong nangmah a hong bia mi khempeuh a mattheih nadingin siampi liante tung panin thu a ngahkhit ciangin Damaskas khua-ah a hong tung ahi hi,” a ci hi.

Sawltak 4:5

A zing ciangin Jew mi makaite, upate, le Thukham hilh siate, Jerusalem-ah hong kikhawm uh hi.

Sawltak 1:15

Tua khit a sawt loin thu um mi zakhat le sawmnih bang a kikhop khawm laitakun Peter hong dingin thu hong gen a,

Sawltak 2:29

“Sanggamte aw, note’ theih dingin i pupi David’ thu a teltakin kong gen ding hi. Amah si-in kivui a, a han zong tu mahmahin eite kiangah omlai hi.

Sawltak 3:17

“Tua ahih ciangin sanggamte aw, note le na makaite uh hih bangin Jesuh tungah na gamtatna uh na theih lohna hang uh hi, ci-in ka thei hi.

Sawltak 23:1

Paul in ulian kikhawmte limtakin enin, “Lawmte aw, tuni ciang dong ka nuntak sung tawntung, Pasian mai-ah kisuanna ka nei het kei hi,” a cih leh

Sawltak 23:6

Paul in tua uliante lakah Saddusi mi le Farisi mi a omlam a muh ciangin amaute kiangah, “Lawmte aw, kei pen Farisi mite’ suan ahi Farisi mi ka hi hi. Mi site hingkik ding hi, ci-in lamenin upna ka neih manin hih lai-ah thusitna ka thuak hi,” a ci hi.

Sawltak 26:11

Kikhopna inn khempeuhah amaute gim ka thuaksak zelzel a, a thu upnate uh ka khawlsak hi. Amaute tungah hehlua mahmah ka hih manin gamdang nangawnah pai-in thu umte ka bawlsia hi.

Sawltak 28:17

A tunzawh ni thum khit ciangin Paul in Jew makaite sam a, amaute hong kikhop ciangin amah in, “Ute naute aw, i mipihte tung ahi a, i pu i pate’ ngeina tawh kisai-in ahi zongin khialhna bangmah nei lo napi-in Jerusalem khua-ah hong kimanin thongah hong kikoih a, Rom kumpite’ khut sungah hong ki-ap hi.

Galati 1:13

Jew biakna sungah ka omlai hunin Pasian’ pawlpi tuamtuamte bawlsiat ding kin mahmahin, a beimang nading uh ka hanciamna,

Filippi 3:6

nak hahkatlua kisa-in pawlpite nangawn ka bawlsia hi. Thukham zuihna tawh midik kitang ding hileh paubaanna mahmah ka nei kei hi.