Sawltak 22:25 - Tedim Bible

²⁵ Amaute in sat dingin a hen khit uh ciangin Paul in a gei-a ding galkap bupa kiangah, “Khial hi, ci-in thu nangawn a kisit nai lo Rom mi khat na sat ding uh ngeina ahi hiam?” a ci hi.

Tedim Bible Revision 2017

²⁵ Amaute in sat dingin a hen khit uh ciangin Paul in a gei-a ding galkap bupa kiangah, “Khial hi, ci-in thu nangawn a kisit nai lo Rom mi khat na sat ding uh ngeina ahi hiam?” a ci hi.

Sawltak 22:25 Referans Kwoze

Sawltak 16:37

Ahi zongin Paul in palikbute kiangah, “Kote in khialhna bangmah gamta lo napi-in mihon mai-ah hong kisatgawp hi. Kote pen Rom gammi hi ung! Hong kisat khit ciangin thong sungah hong kikoih lai hi. Tu-in kuama theih lohin kote hong khahsim nuam ahi uh hiam? Tua bang mawk hithei peuhmah lo ding hi. Rom thukhen uliante mahmah hih lai-ah hong pai uh hen la, kote hong khahkhia ta hen,” a ci hi.

Sawltak 25:16

Ahi zongin ke’n ka dawnna-ah, ‘Mi khat peuhpeuh in mawhsakna a thuak ciangin, mawhsakna a thuak pa le a mawhsakte maitang kimu-in thu kisel a, mawhsakna a thuak pa in amah a kiphel theih nading thugenna hun a ngah matengin, mawhsak thukhenna piak ding pen Rom ngeina hi lo hi,’ ka ci hi.

Sawltak 27:43

Ahi zongin galkap bupa in Paul suaktasak nuam ahih manin tua bangin a thah ding uh a kham hi. Tua ahih manin tuipeek thei khempeuh in teembaw panin a nawlah tui va peekin,

Sawltak 23:17

Tua ciangin Paul in galkapbute khat samin ama kiangah, “Galkap mangpa kiangah hih tangvalpa va paipih in. Amah in thugen ding khat a nei hi,” a ci hi.

Sawltak 27:3

A zing ciangin Sidon khua ka tung uh a, Paul tungah bu Julias dik mahmah ahih manin a lawmte tawh a kimu ding le a lawmte in a kisapnate a piaktheih nadingin a paikhiasak hi.

Sawltak 27:1

Italy gamah teembaw tawh ka pai ding uh thu a khenkhit uh ciangin Paul le thongkia dangte pawlkhat, “Kumpipa’ Galkapte,” a kici Rom galkapte a uk bu Julias’ khut sungah a ap uh hi.

Sawltak 10:1

Sisaria khua-ah Kornelias a kici mi khat om a, Rom galkap honte sung panin “Italy Galkapte,” a kici sungah galkapbu a sem ahi hi.

Mattiu 27:54

Jesuh enin a om galkap bupa le galkapte in zinlinna le a thupiangte a muh uh ciangin lamdangsa mahmah uh a, “Hih pa, Pasian’ Tapa taktak mah ahi hi,” a ci uh hi.

Mattiu 8:8

Ahi zongin galkap bupa in, “Topa aw, keima inn-ah nangpipi nong pai dingin kilawm lo ka hih manin a dam nadingin thu pia lel lecin zong ka nasempa dam ding hi.

Mattiu 10:17

Mi pawlkhatte in note hong manin zumah hong paipih ding uh a, amaute’ kikhopna inn sungah hong satgawp ding uh ahih manin hoihtakin kidawm un.

Sawltak 22:26

Galkap bupa in hih thu a zak ciangin galkap mangpa kiangah pai-in, “A bangci na hi hiam? Hua mipa, Rom gammi ahi hi,” a cih ciangin,

Sawltak 23:27

Jew mite in hih mipa manin that dektak uh hi. Rom gammi ahihlam ka theih ciangin ka galkapte tawh pai-in ka va honkhia hi.