Sawltak 22:14 - Tedim Bible

¹⁴ Tua ciangin amah in, ‘I pu i pate’ Pasian in ama deihna a thei ding, a thuman a Nasempa a mu ding, le ama kam mahmah tawh a thugen a za dingin nang hong teel khinzo hi.

Tedim Bible Revision 2017

¹⁴ Tua ciangin amah in, ‘I pu i pateʼ Pasian in ama deihna a thei ding, a thuman a Nasem pa a mu ding le ama kam mahmah tawh a thugen a za dingin nang hong teel khinzo hi.

Sawltak 22:14 Referans Kwoze

Galati 1:12

Mi khatpeuh tung panin ka ngah hi lo a, mi khatpeuh in hong hilh zong hi lo hi. Jesuh Khrih in kei tungah a hong lahna hang bekin hih thu a thei ka hi hi.

1 KORIN MASA 15:8

A tawpna penah, kei pen a ngeina bangin a suak lo naungek tawh a kibang hinapi-in kei tungah zong hong kilang hi.

1 KORIN MASA 9:1

Kei pen sawltak ka hi a, mihingte’ khutnuai-a nasem ka hi kei hi. I Topa Jesuh tawh a kimu mi ka hi a, Topa a dingin na ka sepna hangin note pen thu um a suak na hi uh hi.

Sawltak 26:16

Tu-in tho-in na khe-in ding in. Keima na a sem dingin a hong sawl dingin nang tungah a hong kilang ka hi hi. Tuni-a kei nong muhna thuteng le nang tungah ka hong lah lai ding thu khempeuh, midangte tungah a gen ding na hi hi.

Sawltak 9:15

Ahi zongin Topa in Ananias kiangah, “Gentail mite, kumpite, le Israel mite tungah keima min a kitheisak ding, keima na a sem dingin teelkhin ka hih manin ama kiangah va pai in.

1 JOHAN MASA 2:1

Ka itte aw, note na khialhkhak loh nading uh ka deihna-in hih lai a hong gelh ka hi hi. Ahi zongin mi khatpeuh a khialh ciangin eite a dingin Pa Pasian kiangah a hong thumsak dingin a thuman Jesuh Khrih i nei hi.

ROM (Romans) 1:1

Pasian kiang panin a hong pai Lungdamna Thu a hilh dingin Pasian’ teelna tawh sawltak ahi, Jesuh Khrih’ sila keimah Paul in lai ka hong khak hi.

Sawltak 9:17

Tua ahih manin Ananias zong pai a, inn sungah a lutkhit ciangin Saul lu tungah a khut nga a, “Sanggam Saul aw, hih lai-ah nong pai lai-in nangma tungah a hong kilang Jesuh mahmah in kei hong sawl hi. Nangmah in khua muthei kikin, Kha Siangtho tawh na kidim theih nadingin nangma kiangah a hong paisak ahi hi,” a ci hi.

Sawltak 7:52

I pu i pate in kamsang a bawlsiat loh khat beek om lo hi. Pasian’ deihna bangin a gamta a Nasempa a hong pai nading thu a genkhol Pasian’ kamtaite na that uh a, tu-in note in tua nasempa lehhekin na that leuleu uh hi.

1 KORIN MASA 11:23

Bang hang hiam cih leh note kiangah ka hong gen thu pen Topa kiang panin ka ngah thu hi a, tua thu in: Topa Jesuh a kilehhek ding nitakin anlum la-in,

Sawltak 24:14

Ahi zongin nangma kiangah kong pulaknop thu in: Amaute in man lo hi, a cih uh tua Thu zui-in kote’ pu le pate’ Pasian ka bia hi. Moses’ Thukham laibu sunga a kigelh thu khempeuh le kamsangte’ laibu sunga a kigelhte khempeuh zong ka um hi.

Sawltak 22:18

Tua ka maang sungah Topa in kei kiangah, ‘Hih lai-a om mite in keima thu na gennate hong um lo ding uh ahih manin Jerusalem khua panin kuankhia mengmeng in,’ hong ci hi.

Sawltak 13:17

Hih Israel mite’ biak Pasian in ko Israel mite’ pu le pate na na teel a, Egypt gamah peemta-in a om sungun minam lian khatin a na bawl hi. Pasian in ama vangliatna tawh Egypt gam panin amaute na paikhiatpih a,

Sawltak 5:30

Note in singlamteh tungah Jesuh khai-in na thah khit uh ciangin i pu i pate’ Pasian in sihna panin amah hingkiksak khinzo hi.

Johan 15:16

Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Daniel 2:23

Nang pen ka pu ka pate’ Pasian na hi a, ka hong phat a, ka hong zahtak hi. Nangmah in pilna le thahatna na hong piazo hi. Ka thungetna nong za a, kumpipa kianga ka gen ding thu nong lakzo hi,” a ci hi.

Jeremiah 1:5

“Gil sungah kong bawl ma-in nang kong thei khinzo hi. Na suah ma-in nang kong teelkhia khinzo a, minam dangte tungah kamsang dingin kong koih khinzo hi,” hong ci hi.

Ezra 7:27

Tua ciangin Ezra in, “Jerusalem-a om Topa’ biakinn tua bangin a minthangsak thuah dingin kumpipa lungsimah suak a, kumpipa le a thu lamlakte le a uliante kei tungah a thunuam dingin a bawl i pu i pate’ Pasian ahi Topa in thupha ngah ta hen!” a ci hi. Tua hi a, Topa ka Pasian in kei hong ompihna thei ka hih manin ka lungsim hong hang a, kei hong zui dingin Israel makaite ka khawm hi.

1 KHANG TANGTHU MASATE 29:18

Ka pute uh Abraham, Isaac, le Israel Pasian, Topa aw, na mite’ lungsim sungah tua bang ngimnate le ngaihsutnate omsak tawntung inla, amaute’ lungsim nangma lamah kai in.

Paikhiatna 15:2

Topa, kei a hong hupa hi a, keimah hong honkhia pa ahi hi. Amah, keima Pasian hi a, amah ka phat ding hi. Ka pa’ Pasian hi a, amah ka liansak ding hi.

Titu 1:1

Pasian’ sila, le Jesuh Khrih’ sawltak ahi keimah Paul in, Thuzuau a gen ngei lo Pasian in tangtawng pekin thu hong ciamin, a hunhoih a tun ciangin thuhilhna tawh a hong kilatsak nuntak tawntungna thu lametna tawh, Pasian’ teel mite’ upna le thuman thutak a theihna uhah biakna thu tawh kituakin a khan semsem nading thu a hilh dingin eite hong Hon Pasian’ thupiakna tawh nasep hong kipia ahih manin,

2 TIMOTI NIHNA 1:1

Khrih Jesuh tawh i kipawlna hangin hong kipia ding nuntakna thu a gen dingin Pasian’ deihna tawh Khrih Jesuh’ sawltak nasep a sem dingin a hong kisawl keimah Paul in

Galati 1:15

Ahi zongin Pasian in a hong hehpihna tawh ka suahma pekin kei hong teelin ama na a sem dingin hong sam khin hi. Keimah in ama Tapa hanga lungdamna thu, Gentail mite lakah ka hilhtheih nadingin kei tungah a Tapa hong kilatsak hun laitakin kuama kiangah thu dongin ka pai kei a,

2 KORIN NIHNA 5:21

Khrih tawh i kipawlna hangin eite zong Pasian tawh a kibangin midik i suahtheih nadingin mawhna a nei lo Khrih pen eite’ tang dingin Pasian in mawhnei mi a suaksak hi.

1 KORIN MASA 15:3

Kei tungah a hong kihilh a thupi pen note tungah ka hong gensawn a, tua in: Lai Siangtho sungah a kigelh mah bangin eite’ mawhna tang dingin Khrih hong si-in

2 KHANG TANGTHU NIHNATE 30:19

biakinn sianthona ngeina om bangin lungsim tak tawh nang hong biate khempeuh’ mawhna maisak in,” a ci hi.

2 KHANG TANGTHU NIHNATE 28:25

Amah in pasian dangte tungah paknamtui hal nadingin Judah khuapi khempeuhah mual dawna biakpiaknate bawl a, a pu a pate’ Pasian, Topa a heh nadingin a phin hi.

1 KHANG TANGTHU MASATE 12:17

Amaute a dawntuah dingin David paikhia-in amaute kiangah, “Kei kiangah kilawmtatna tawh keimah a huh dingin hong pai na hih uhleh note tawh ka lungsim kihual khawm ding hi. Ahih hangin keimah in bangmah khialhna nei lo napi-in ka langte tungah kei a hong lehhek dingin a hong pai na hih uhleh, i pu i pate’ Pasian in thei hen la, note hong tai ta hen,” a ci hi.

2 KUMPI NIHNATE 21:22

Amah in a pu a pate’ Pasian, Topa nusia a, Topa’ lampi tawn lo hi.

1 PETER MASA 2:22

Khialhna bangmah gamta lo a, zuau a gen lam zong kiza ngei lo hi.

Sawltak 22:15

Tua ahih manin na muhsa le na zaksa thu khempeuh, mi khempeuh tungah genin teci a pang ding na hi hi.