Sawltak 21:9 - Tedim Bible

⁹ Amah in Pasian thu a hilh tanu-ngak li nei hi.

Tedim Bible Revision 2017

⁹ Amah in Pasian thu a hilh ta nungak li nei hi.

Sawltak 21:9 Referans Kwoze

Sawltak 2:17

‘Pasian in hih bangin gen hi: Nitawp ni ciangin, mi khempeuh tungah ka Kha ka sung ding a, na tanute uh le na tapate un keima thu taangko ding uh hi; na tangvalte un maang mu ding uh a, na puteekte un mang man ding uh hi.

Mangmuhna 2:20

Ahi zongin note ka hong mawhsak nading thu khat om hi. Kamsang numei ka hi, ci-in thu a gen Jezebel na nial kei uh hi. Ama thuhilhna hangin ka nasemte in numei-pasal paktatna gamta-in milim biakna ante a ne uh hi.

Luka 2:36

Tua laitakin Asher minamte sung panin Fanuel’ tanu Anna minnei kamsang numei khat a om hi. Amah a khangham mahmah khat hi a, a nungak laitakin a neih a pasal tawh kum sagih sung a tenkhop khit ciangin,

Joel 2:28

“Tua khit ciangin mi khempeuh tungah ka kha ka sung ding a, na puteekte un mang manin na tangvalte un maang mu ding uh hi.

Paikhiatna 15:20

Tua ahih manin Aaron’ sanggamnu Miriam in a khutah khuang khat tawi hi. Ama nungah numeite khempeuh laamin khuang tawh a zui uh hi.

Sawltak 13:1

Antiok khua pawlpi sungah kamsang pawlkhat le sia pawlkhat om uh hi. Tuate pen Barnabas, Mi Vom pa zong a kici Simon, Sairin khuami Lusias, gam ukpipa khutnuai-ah gam a uksawn Herod tawh a khangkhawm Manaen, le Saul ahi uh hi.

Nehemiah 6:14

Ka Pasian aw, amau’ sepnate’ hangin Tobiah le Sanballat thei inla, keimah lausak dingin a hanciam kamsangnu Noadiah le kamsang dang khempeuh zong thei in.

2 KUMPI NIHNATE 22:14

Tua ahih ciangin siampi Hilkiah, Ahikam, Akbor, Shafan, le Asaiah te zong Harhas tapa Tikvah, a tapa Shallum, biakinn puan a kem pa’ zi kamsangnu Huldah kiangah a pai uh hi (tua laitakin Jerusalem khuasung a Veng Nihna-ah tua nu teng hi); tua ciangin tua nu tawh amaute kiho uh hi.

Thukhente 4:4

Tua hun lai-in Lappidoth’ zi kamsang numei Deborah in Israel-te thu khen hi.

1 KORIN MASA 7:38

Tua ahih manin a neite zong hoih a, a nei loin a kikem zote hoihzaw lai hi.

Ezekiel 13:17

Tua ciangin Topa in, “Mihing ahi Ezekiel aw, na mite’ lakah a om, a thugen ding uh a phuaktawm numeite en in. Amaute’ gamtatna hangin mawhsakna thu gen inla,