Sawltak 21:40 - Tedim Bible

⁴⁰ Galkap mangpa in zong thu a gen ding phal ahih manin kahlei cial tungah Paul ding a, mite a gamdaih nadingin a khut a van hi. Mite a gamdaih khit ciangin Paul in Hebru pau-in mite tungah thu gen a,

Tedim Bible Revision 2017

⁴⁰ Galkap mangpa in zong thu a gen ding phal ahih manin kahlei cial tungah Paul dinga, mite a gamdaih nadingin a khut a van hi. Mite a gamdaih khit ciangin Paul in Hebru pau-in mite tungah thu gen a,

Sawltak 21:40 Referans Kwoze

Sawltak 12:17

Amaute a pau nawn loh nadingun Peter in a khut van a, thong sung panin Topa in amah a paikhiatpihna zia teng a gen hi. Tua ciangin, “James le pawlpi midangte kiangah hih thu na gen un,” ci-in a vaikhak khit ciangin mundangah a paikhia hi.

Sawltak 26:14

Ka vekpi-un leilakah ka puk uh a, tua laitakin kei kiangah Hebru pau tawh thu hong kigen a, ‘Saul, Saul aw, bang hangin kei hong bawlsia na hi hiam? Bawngtal in a hawlte’ ciangzum peek le na a sakzawk bangin kei’ thu nong nial manin nang a dingin nazaw hi,’ hong ci hi.

Sawltak 22:2

Hebru pau-in thu a genna mihonte in a zak uh ciangin amaute gamdaizaw kan uh ahih manin Paul in a thugen zomin,

Johan 5:2

Jerusalem khuasung Tuu Kongpi a kici gei-ah Hebru pau-in Bethzatha a kici bual khat om a, tua bual kimkotah talap nga a om hi.

Sawltak 21:35

Galkap huangsung lutna kahlei a tun uh ciangin mihonte in nehcip lua uh ahih manin galkapte in Paul laamto-in a paipih uh hi.

Sawltak 19:33

Jew mite in mihonpi mai-ah Alexander hong dingsak uh ahih manin, mi pawlkhat in hih thupiang ama hang hi, ci-in ngaihsun uh hi. Alexander in mihonte a gamdaih nadingin a khut hong van a, a mawh lohna uh thu a gen dingin hong kipan hi.

Mangmuhna 16:16

Tua khate in Hebru pau-in Armageddon a kici munah kumpite a kaikhawm uh hi.

Mangmuhna 9:11

Amaute in tua kuahawm thukpi a uk vantungmi pen kumpi-in nei uh a, tua vantungmi a min pen Hebru pau-in Abaddon hi a, Grik pau-in Apollion hi a, “A Susia pa,” a cihnopna ahi hi.

Sawltak 13:16

Tua ahih manin Paul hong ding a, a khut vanin thugen ding hong kipan a, “Israel mipihte le hih lai-ah Pasian a bia Gentail mite aw, ka thugen na ngai un.

Sawltak 6:1

Tua khit ciangin thu um mi hong tam tektek a, Jew mite le Grik pau a zang Jew mite kikalah kiphunsanna thu hong om hi. Grik pau a zang Jew mite in, “Annek tuidawn, sumlepai hawmna-ah ka meigong numeite uh hong kipiaksak lo hi,” ci-in lungkim lo uh hi.

Johan 19:20

Jesuh a kikhaina mun pen Jerusalem khuapi tawh kinai ahih manin Judea gammi tampi in hih lai kigelh a sim uh hi. Tua lai pen Hebru lai, Latin lai, le Grik lai-in a kigelh hi.

Johan 19:17

Tua ahih manin amaute in Jesuh la-in paikhiatpih uh a, ama kikhai nading singlamteh mah puasakin Hebru pau-in Golgotha a kici Lutang Guh mualah a paipih uh hi.

Johan 19:13

Pilat in hih bangin mite’ kikona a zak ciangin Jesuh paikhiatpih a, Hebru pau-in Gabbatha a kici Suangphahpek tunga thukhenna tokhom tungah a tu hi.

Luka 23:38

“Jew Mite’ Kumpipa hi,” ci-in a kigelh lai zong ama tung sanah kisuang hi.

2 KUMPI NIHNATE 9:13

Tua ciangin nawhsa-in mi khempeuh in a puan uh la-in ama din nadingin kahlei tungah phah uh a, tua ciangin amaute in peengkul tumin, “Jehu, kumpi hi,” ci-in a taangko uh hi.

Sawltak 1:19

Jerusalem khuasunga teng mi khempeuh in hih thu za uh a, amau’ pau-in tua lo pen ‘Akeldama,’ ci uh hi. Akeldama a khiatna in, ‘Mi Thahna Lo,’ a cihna ahi hi.)