Sawltak 21:19 - Tedim Bible

¹⁹ Paul in amaute hopih a, Pasian in amah Paul tungtawnin Gentail mite lakah na a sepna khempeuh a banbanin a cingtakin a gen hi.

Tedim Bible Revision 2017

¹⁹ Paul in amaute hopih a, Pasian in amah Paul tungtawnin Gentail mite lakah na a sepna khempeuh a banbanin a cing takin a gen hi.

Sawltak 21:19 Referans Kwoze

Sawltak 14:27

Antiok khua a tun uh ciangin amaute in pawlpi mite khawm uh a, a khualzinna uhah Pasian in na a seppihna khempeuh le Gentail mite in zong thu a uptheih nadingun Pasian in lam a honsaknate khempeuh a gen uh hi.

Sawltak 1:17

Judas pen eite tawh na a semkhawm dingin a kiteelkhia ahih manin eima pawl mi ahi hi.

1 KORIN MASA 15:10

Tua bang hitaseleh Pasian’ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpitakin ka sem zawsop hi. Tua ka sepzawhna pen keima hatna hang hi loin Pasian’ hong hehpihna hang ahi hi.

Sawltak 20:24

Ahi zongin Topa Jesuh in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna-ah bangbang hong piang taleh a thupi-in ka ngaihsun kei hi.

Kolose 1:29

Hih bang a tangtun theih nadingin Khrih in kei tungah a hong piak ka thahatna khempeuh zangin, nakpitakin na semin ka hanciam hi.

2 KORIN NIHNA 12:12

Sawltak man taktak ka hihna lim a kilangsak nate, note lakah lungduai takin hong kisem a, lim, nalamdang, le na a tuamtuamte note lakah hong kibawl hi.

2 KORIN NIHNA 6:1

Tua bangin Pasian tawh na semkhawmin om ka hih manun Pasian’ hong hehpihna thu a mawkna na suahsakkhak loh nadingun ka hong thum uh hi.

Sawltak 15:12

Tua ciangin Barnabas le Paul in Gentail mite lakah amau tungtawnin Pasian in lim le nalamdang a bawlnate khempeuh a gen laitakun mi khempeuh pau loin a om uh hi.

Sawltak 15:4

Jerusalem khua a tun uh ciangin sawltakte, upate, le pawlpite in limtakin zin na do uh a, Pasian in na a seppihna thu, amaute kiangah a gen uh hi.

Mattiu 23:7

Mihon lakah mite in hopihin, ‘Sia aw,’ a cih ding uh a ut uh hi.