Sawltak 21:16 - Tedim Bible

¹⁶ Sisaria khua panin thu um mi pawlkhat in zong hong zui uh a, ka tun nading uh Mnason’ inn-ah hong paipih uh hi. Mnason pen Saipras tuikulh gammi hi a, sawt pek a kipanin thu um mi a na hi khinsa ahi hi.

Tedim Bible Revision 2017

¹⁶ Sisaria khua panin thu um mi pawl khat in zong hong zui uh a, ka tun nading uh Mnasonʼ inn ah hong paipih uh hi. Mnason pen Saipras tuikulh gam mi hi a, sawt pek a kipanin thu um mi a na hi khin sa ahi hi.

Sawltak 21:16 Referans Kwoze

Paunak 16:31

A teekte’ sam kang minthanna lukhu hi a, thumanin nuntakna tawh a ngah ahi hi.

Sawltak 21:8

A zing ciangin ding leuleu-in Sisaria khua ka tung uh a, Pasian thu a hilh Filip’ inn-ah tungin tua lai-ah ka taam uh hi. Tua pa pen Jerusalem khua-a a kiteel mi sagihte sungah a kihel ahi hi.

Late 92:14

Topa thutang hi, ci-in a lah nadingun amaute teek napi-in gah lailai uh a, amaute tui kiuhkeuhin hing sitset uh hi. Amah pen kei hong hupa hi a, ama sungah thuman lohna om lo hi.

Filemon 1:9

Hih bangin ka hong genna pen itna i neihna hang ahi hi. Tu lai takin Khrih taangmi ahi keimah Paul zong, Khrih Jesuh hangin thongkia-in a om ka hi hi.

ROM (Romans) 16:7

Jew mipih ahih banah ka thongkiatpih ahi Andronikas le Junias zong na hopih sak un. Amaute pen kei’ Khristian suahma pekin a na suak khinsate na hi uh a, sawltakte khempeuh in a theihkim uh mite ahi uh hi.

Sawltak 15:39

Hih thu hangin amau tegel nakpitakin kinial uh ahih manin kikhenlawh uh a, Barnabas in Johan Marka zawnin Saipras tuikulh gam a zuan dingin teembaw tawh a pai hi.

Sawltak 11:19

Stefen a kithah huna bawlsiatna hangin thu um mite tampi kithehthang uh hi. Mi pawlkhatte Foenisia gam, Saipras gam, le Antiok khua ciang dong tung uh a, Jew mite kiang bekah Pasian’ thu a hilh uh hi.

Sawltak 10:48

Jesuh Khrih min tawh amaute tui a kiphum nading uh a sawl hi. Tua ciangin amaute kiangah Peter a tam lai nadingin a thum uh hi.

Sawltak 10:24

A zing ciangin Sisaria khua a tung uh hi. Kornelias in zong amaute’ tun ding lamen ahih manin, a beh a phungte le a lawm itteng a inn-ah a na samkhol hi.

Sawltak 8:40

Tua ciangin Filip pen Azotas khua-ah a om ahih lamtak amah kiphawk a, tua khua a kipanin Sisaria khua a tun dongin khua khempeuhah Lungdamna Thu a hilh hi.

Sawltak 4:36

Tua hi a, Saipras tuikulh-a suak, Levi mi Josef, sawltakte in Barnabas (Hanthawn Siampa a cihnopna) min a phuah pa in,

Sawltak 15:7

Sauveipi a kisel khit uh ciangin Peter hong ding a, “Lawmte aw, Gentail mite in Pasian’ thu za-in a uptheih nadingun amaute tungah Lungdamna Thu a hilh dingin sawtpi lai pekin note lak panin Pasian in kei hong teelkhiatna thu na thei uh hi.