Sawltak 20:6 - Tedim Bible

⁶ Silngo Sawh loh Anlum Pawi a ven’ khit ciangin Filippi khua panin teembaw tawh ka ding uh a, ni nga khit ciangin Troas khua tungin amaute tawh ka kimu uh a, tua lai-ah nipikal khat sung ka taam uh hi.

Tedim Bible Revision 2017

⁶ Silngo Sawh loh Anlum Pawi a ven khit ciangin Filippi khua panin teembaw tawh ka ding uh a, ni nga khit ciangin Troas khua tungin amaute tawh ka kimu uh a, tua lai ah nipikal khat sung ka taam uh hi.

Sawltak 20:6 Referans Kwoze

Sawltak 12:3

Hih bangin thahna hangin Jew mite a lungdamna a theih ciangin Peter zong mansak leuleu hi. (Hih pen Silngo Sawh loh Anlum Pawi hunsung ahi hi.)

Sawltak 16:12

Tua khua panin khe tawh pai-in Masedonia gam sunga om Rom mite a tenna Filippi khua ka tung uh a, tua khua-ah ni tampi sung ka taam uh hi.

Paikhiatna 23:15

Silngo sawh loh anlum pawi na bawl ding uh hi. Keimah in note kong thupiak bangin Abib kha sung a kisehsa hun ciangin ni sagih sung silngo sawh loh anlum na ne ding uh hi. Bang hang hiam cih leh tua kha sungin Egypt panin note na paikhia uh hi. Khut hawmguak tawh keima mai-ah kuamah hong kilak lo ding hi.

2 TIMOTI NIHNA 4:13

Na hong pai ciangin Troas khua-ah Karpas kianga ka nusiat ka puantualpi hong pua inla, laibute zong, a diakdiakin savun laidalte tawh zong hong pua in.

Paikhiatna 34:18

“Silngo sawh loh anlum pawi na bawl ding uh hi. Abib kha, a kisehsa hun sungteng, nang kong thupiak mah bangin ni sagih sung silngo sawh loh anlum na ne ding uh hi. Bang hang hiam cih leh Abib kha sungin Egypt panin note na paikhia uh hi.

1 THESALONIKA MASA 2:2

Note in na theihsa uh mah bangin Thesalonika khua ka hong tun ma-un Filippi khua-ah simmawh bawlna le maizumna ka thuak uh hi. Tua bangin nakpitakin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.

Filippi 1:1

Jesuh Khrih’ sila keimah Paul le Timoti in Filippi khua-a om Khrih tawh a kipawl Pasian’ mite, siate, le upate khempeuh tungah lai ka hong khak uh hi.

Sawltak 28:14

Tua khua-ah thu um mi pawlkhat tawh ka kimu uh a, nipikal khat sung hong taam un, ci-in hong kho uh hi. Tua bang danin Rom khua ka tung uh hi.

Sawltak 21:8

A zing ciangin ding leuleu-in Sisaria khua ka tung uh a, Pasian thu a hilh Filip’ inn-ah tungin tua lai-ah ka taam uh hi. Tua pa pen Jerusalem khua-a a kiteel mi sagihte sungah a kihel ahi hi.

Sawltak 21:4

Tua khua-ah ka kan uhleh thu um mi pawlkhat na om uh a, amaute kiangah nipikal khat sung ka taam uh hi. Jerusalem khua-ah Paul a pai loh nadingin Kha Siangtho’ lamlahna tawh amaute in a gen uh hi.

Sawltak 16:8

Tua ahih manin Mysia gam nawkin pai uh a, Troas khua-ah a tung uh hi.

Sawltak 16:10

Paul in maang a muhkhit phetin, tua lai-a om mite kiangah Lungdamna Thu a hilh dingin Pasian in eite hong sam hi, ci-in ngaihsun ka hih manun Masedonia gamah a pai dingin ka kithawi pah uh hi.

Sawltak 20:5

Amaute na mapai uh a, Troas khua-ah kote hong ngak uh hi.

Sawltak 20:16

Paul in Jerusalem khua-ah Pentekos Pawi hun lapnuam ahih manin Asia gam sungah ban man dingin ngaihsun lo a, Efesa khua-ah taam sawm lo hi.