Sawltak 20:3 - Tedim Bible

³ tua gamah kha thum sung a tam hi. Syria gam manawh dingin a kithawi laitakin tua gam a om Jew mite in lamkalah amah a thahsawmna thu za ahih manin Masedonia gam tawn kikin khualzin ding a ngaihsun hi.

Tedim Bible Revision 2017

³ tua gamah kha thum sung a taam hi. Syria gam manawh dingin a kithawi laitakin tua gam a om Jew mite in lamkal ah amah a thahsawmna thu za ahih manin Masedonia gam tawn kikin khualzin ding a ngaihsun hi.

Sawltak 20:3 Referans Kwoze

Sawltak 20:19

Jew mite in kei hong thahsawmna hangin kiniamkhiatna le khitui naptui tawh haksapi-in Topa’ na ka sem hi.

2 KORIN NIHNA 11:26

Khual ka zinzinna lamin tuikhang lauhuaina, misuamte lauhuaina, ka mipihte’ suk ding lauhuaina, Gentail mite’ suk ding lauhuaina, khuapi sung le gamlakah lauhuaina, tuipi tungah lauhuaina, lawm man lote’ hih ding lauhuaina a tuamtuamte ka phukha hi.

2 KORIN NIHNA 7:5

Masedonia gam ka tunkhit uh ciang nangawnin tawldam cih om thei tuan lo a, a koimah peuhah kitotna le lungkhamna om kawikawi ahih manin lungsim patauhna hi tawntung hi.

Galati 1:21

Tua lai panin Syria le Silisia gamah ka pai hi.

2 KORIN NIHNA 1:15

Tu-a bangin piang taktak ding ci-in teltheih ka hih manin note in hamphatna nihvei na ngah nadingun ka geel a,

Sawltak 21:3

Saipras tuikulh a kigal muhna mun ka tun uh ciangin tua tuikulh leitaw lampang kantanin Syria gam lam manawhin ka paisuak uh a, Taia khua ka tun uh ciangin teembaw in a van puakte suah ahih manin teembaw tung pan ka tuakkhia uh hi.

Sawltak 19:21

Hih bang thuteng a piankhit ciangin Masedonia gam le Akhaia gamah Paul zinin Jerusalem-ah paisuak ding a ngaihsun hi. Tua khit ciangin Rom khua-ah zong pai ning, a ci hi.

Sawltak 18:18

Korin khua-ah ni tampi sung thu um mite tawh Paul omkhawm lai a, tua khit ciangin amaute mangpha khakin Syria gam a zuan dingin Prisilla le Aquila tawh teembaw a tuang uh hi. Paul in Pasian tungah thuciamnasa nei ahih manin teembaw a tuan ma-un Korin khuapi teembaw khawlna Kenkhrea munah a sam a metsak hi.

Sawltak 16:9

Troas khua-ah a tunni zanin Paul in maang mu a, Masedonia gammi khat in ama kiangah, “Masedonia gamah hong pai inla, kote hong huh in,” ci-in a thum hi.

Jeremiah 5:26

“Ka mite’ lakah migilote kihel uh a, vasa thangsiah bangin mite thangsiahin a man uh hi.

Paunak 1:11

Amaute in, “Hong pai in, mi khatpeuh va that ni! Mi ommuang khat va muansuam ni!

Ezra 8:31

Tua ciangin Jerusalem a zuan dingin kha masa a ni sawm le nih ni-in Ahava lui panin ka ding khia uh hi. I Pasian in kote hong ompih ahih manin lamkalah galte le pansimna a tuamtuamte tawh hong kipelhsak hi.

Mattiu 4:24

Syria gam sung khempeuhah ama thu kizel ahih manin dawivei mi, sibup mi, khutzaw khezaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Sawltak 16:12

Tua khua panin khe tawh pai-in Masedonia gam sunga om Rom mite a tenna Filippi khua ka tung uh a, tua khua-ah ni tampi sung ka taam uh hi.

Sawltak 20:1

Hih buaina thu a ven’ ciangin Paul in thu um mite kaikhawmin, hanthotna kam genin amaute mangpha khak a, Masedonia gam a zuan dingin ding khia hi.

Sawltak 20:2

Hih gam sungah khualzinin hanthotna tampi a genkhit ciangin Grik gamah pai a,