Sawltak 20:1 - Tedim Bible

¹ Hih buaina thu a ven’ ciangin Paul in thu um mite kaikhawmin, hanthotna kam genin amaute mangpha khak a, Masedonia gam a zuan dingin ding khia hi.

Tedim Bible Revision 2017

¹ Hih buaina thu a ven ciangin Paul in thu um mite kaikhawmin, hanthotna kam genin amaute mangpha khak a, Masedonia gam a zuan dingin ding khia hi.

Sawltak 20:1 Referans Kwoze

2 KORIN NIHNA 7:5

Masedonia gam ka tunkhit uh ciang nangawnin tawldam cih om thei tuan lo a, a koimah peuhah kitotna le lungkhamna om kawikawi ahih manin lungsim patauhna hi tawntung hi.

Sawltak 19:21

Hih bang thuteng a piankhit ciangin Masedonia gam le Akhaia gamah Paul zinin Jerusalem-ah paisuak ding a ngaihsun hi. Tua khit ciangin Rom khua-ah zong pai ning, a ci hi.

1 TIMOTI MASA 1:3

Masedonia gam lam manawhin ka pai lai-in Efesa khua-ah na om ding ka hong sawl mah bangin tu-in zong tua khua mahah na omlai inla, thu upna man lo a hilh mite, a thuhilh a khawl nadingun thu na pia in.

1 THESALONIKA MASA 5:26

Thu uppih mi khempeuh khatlekhat a siangtho ki-itna lungsim tawh kinamin na kihopih un.

1 KORIN MASA 16:20

Hih lai-ah a om thu upna sungah i sanggamte khempeuh in zong hopihna kam hong khak uh hi. A siangtho kinapna tawh note khatlekhat na kihopih un.

1 KORIN MASA 16:5

Masedonia gam nawkin khualzin sawm ka hih manin tua gam sung ka zin khit ciangin no kiangah ka hong pai ding hi.

ROM (Romans) 16:16

Sanggam ki-itna taktak tawh note khatlekhat kinamin na kihopih un. Khrih pawlpi khempeuh in zong hopihna kam hong khak uh hi.

Sawltak 20:37

Amaute a kikhen dingin mangpha a kikhak uh ciangin khatlekhat kilen kikawi-in a kap uh hi.

Sawltak 20:10

Paul zong va kumsukin tangvalpa tungah bokin kikhuangin kawi a, “Lunghimawh kei un, hinglai hi,” a ci hi.

Sawltak 16:9

Troas khua-ah a tunni zanin Paul in maang mu a, Masedonia gammi khat in ama kiangah, “Masedonia gamah hong pai inla, kote hong huh in,” ci-in a thum hi.

Sawltak 11:26

Saul a muh ciangin Antiok khua-ah a paipih hi. Kum khat sung tawntung tua lai-a om pawlpi mite tawh amau tegel omkhawm uh a, mi tampi tak thu a hilh uh hi. Thu um mite pen Khristian ci-in min a kiphuah masakna mun in Antiok khua ahi hi.

Piancilna 48:10

Tu-in Israel’ mitte a khanghamna hangin maang a, amah in khua mu thei lo hi. Tua ahih ciangin Josef in ama kiangah amaute paipih hi. Amah in amaute namin a kawi hi.

2 KORIN NIHNA 13:12

Unau ki-itna tawh khatlekhat kihopihin na kinam un.

Sawltak 16:12

Tua khua panin khe tawh pai-in Masedonia gam sunga om Rom mite a tenna Filippi khua ka tung uh a, tua khua-ah ni tampi sung ka taam uh hi.

Sawltak 20:2

Hih gam sungah khualzinin hanthotna tampi a genkhit ciangin Grik gamah pai a,

Sawltak 20:3

tua gamah kha thum sung a tam hi. Syria gam manawh dingin a kithawi laitakin tua gam a om Jew mite in lamkalah amah a thahsawmna thu za ahih manin Masedonia gam tawn kikin khualzin ding a ngaihsun hi.