Sawltak 2:40 - Tedim Bible

⁴⁰ Tua ciangin Peter in amaute tungah thu tampi genthuahin hanthawn a, “Hih migilote’ gimthuak ding na tuahkhak loh nadingun nomau mah in na suahtak nading uh lampi zong ciat un,” a ci hi.

Tedim Bible Revision 2017

⁴⁰ Tua ciangin Peter in amaute tungah thu tampi gen thuahin hanthawn a, “Hih migiloteʼ gimthuak ding na tuah khak loh nadingun nomau mah in na suahtak nading uh lampi zong ciat un,” a ci hi.

Sawltak 2:40 Referans Kwoze

Filippi 2:15

Tua hileh a lungsim kawi, a hoih lo leitung mite lakah paubaanna a nei lo a siangtho, Pasian’ tate na hi ding uh a, nuntakna thu na genna uh hangin leitung mite lakah khuavak bangin na hoihna uh a kilang mite na hi ding uh hi.

Thu-hilhkikna 32:5

Ama tungah amaute gamtat sia uh a, amaute’ sitbaanna hangin ama tate hi nawn lo uh hi. Amaute pen a lampial, a lungsim kawi khang mite ahi uh hi.

1 TIMOTI MASA 4:16

Na gamtatna le na thuhilhnate-ah hoihtakin kidawmin om lecin nangmah a kipan na thugen a za mite a dingin phattuamna om ding ahih manin na nasepna-ah hoihtakin om in.

Efesa 4:17

Tu-in Topa’ min tawh limtakin note kiangah ka hong gennop thu in: Thu um lo dawibiate bangin gamta nawn kei un. Amaute’ thu ngaihsutte a kimang bangmah om lo a,

2 KORIN NIHNA 6:17

Tua ahih manin Vanglian Topa keimah in kong genin-ah: Amaute tawh kikhenin amaute kiang panin paikhia unla, a siang lo peuhmah sukha kei un. Tua hileh note ka hong ngai ding hi.

Mattiu 17:17

Jesuh in, “Upna nei lo, a ngaihsun khial mite aw, note bang tanvei hong ompih ding a, bang tanvei hong kikholhpih ding ka hi hiam? A naupang hong paipih un,” a ci hi.

Mattiu 16:4

Tulai hun mite giloin, Pasian tawh kipawl lo uh hi. Lim a nget uh hangin Jonah lim simloh a dang kilaklo ding hi,” ci-in a dawng hi. Tua ahih manin amaute nusia-in a paisan hi.

Galati 5:3

Vun-atna a zang mi khempeuh in Thukham dang khempeuh zong a vekpi-in a zuih ding a tavuan ahihna thu teltakin phawk ta uh hen.

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasian’ Ukna thu gentel a, Jesuh’ thu man hi, ci-in a uptheih nadingun Moses Thukham le kamsangte’ laigelhte siksanin a gen hi.

Mattiu 23:33

Gul a bang mite’ suanlekhak mite aw, hell khuk tun nading thukhenna panin a suakta dingin bangci-in kilamen thei na hi uh hiam?

1 PETER MASA 5:12

Thu upna sungah mi citakin ka ngaihsut Silas’ huhna tawh hih lai tomno gelhin amah ka hong puasak hi. Hih thute pen Pasian’ hong hehpihna taktak hi, ci-in teci pangin note ka hong hanthawn hi. Tua ahih manin hih thute-ah kipin om un.

1 THESALONIKA MASA 2:11

Pa in a tate a bawl bangin note ka hong bawlna uh na thei uh hi.

2 KORIN NIHNA 5:20

Tua ahih ciangin kote pen Khrih tangin nasem ka hi uh a, Pasian in kote zangin note tungah thu a hong gen ahi hi. Pasian tawh kilemin pawlkhatin na om nadingun Khrih tangin a hong thum ka hi uh hi.

Sawltak 20:24

Ahi zongin Topa Jesuh in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna-ah bangbang hong piang taleh a thupi-in ka ngaihsun kei hi.

Luka 21:36

Hih thupiang khempeuh thuakzawh nading thahatna na neih nading uh, le Mihing Tapa mai-ah na dintheih nadingun a tawntungin thu ngenin vil niloh un,” a ci hi.

Marka 8:38

Pasian thei loin a gilo hih mite lakah keima hang le ka thuhilhte hangin maizumin kei hong pulak ngam lo mi peuhmah, a Pa’ minthanna vang le a siangtho vantung mite tawh a minthangin hong paikik ciangin Mihing Tapa zong ama hangin maizumin pulak ngam lo ding hi,” a ci hi.

Sawltak 20:21

Jew mi le Gentail mite a mawhna panun Pasian’ lamah kihei-in i Topa Jesuh a up nadingun thu ka gen khinzo hi.

Johan 21:25

Jesuh in a sep thute tampi tak omlai hi. A sep khempeuh a ban banin laibu sungah a kigelh hileh a laibute pen leitungah ta zo lo ding hi, ci-in ka um hi.

Sawltak 20:11

Tua ciangin inn dawl tungnungah kahto kikin anlum balnenin thu um mite tawh a nekhawm hi. Zingsang khuavak dong amaute tawh thu kikum uh a, tua ciangin a ding khia hi.

Sawltak 20:9

Tawlet gei-ah Eutikhas a kici tangval khat tu a, Paul in a thugen zomzom ahih manin tua tangvalpa a ihmut suakin lusu a, a sawtna ciangin ihmusip kha-in inn dawl thumna panin leilakah a kiasuk hi. Amaute in a va phot uh ciangin amah na si khinta hi.

Sawltak 20:2

Hih gam sungah khualzinin hanthotna tampi a genkhit ciangin Grik gamah pai a,

Sawltak 15:32

Judas le Silas zong kamsangte mah hi uh a, thu um mite tawh sauveipi thu kikum uh a, amaute’ lungsim thanuam sakin a thahatsak uh hi.

Sawltak 10:42

Kote in mite kiangah thu ka hilh nading uh le mihing le misite tungah thu a khen dingin Pasian in amah a sehna thu teci a pang dingin a hong sawl hi.

Mattiu 12:34

Gul bangin ngian a zang note aw, migilo na hih uh ciangin bangci-in thuhoih genthei mah ding na hi uh hiam? Bang hang hiam cih leh lungsim sunga thu om pen kam in a genkhia hi bek hi.

Paunak 9:6

Thu thei lote taisanin khansau unla, pilna lampi zui un,” cisak hi.

Jeremiah 51:45

Ka mite aw, amaute lak pan hong paikhia un. A lauhuai Topa’ hehna panin mi khempeuh kisuahtak ciat un.

Luka 16:28

Inn-ah nau pasal nga ka nei lai a, ke’n gim ka thuakna hih lai munah hong tunkhak loh teitei nadingun kei’ gamtat bangin a gamtat loh nadingun hong hilhsak hen,’ a ci hi.

Sawltak 4:36

Tua hi a, Saipras tuikulh-a suak, Levi mi Josef, sawltakte in Barnabas (Hanthawn Siampa a cihnopna) min a phuah pa in,