Sawltak 2:4 - Tedim Bible

⁴ Amaute khempeuh Kha Siangtho tawh kidim uh a, tua Kha in minam dangte’ pau tawh amaute a pau theisak hi.

Tedim Bible Revision 2017

⁴ Amaute khempeuh Kha Siangtho tawh kidim uh a, tua Kha in minam dangteʼ pau tawh amaute a pau theisak hi.

Sawltak 2:4 Referans Kwoze

Marka 16:17

A um mite tungah hih vangliatna limte kipia ding hi: Keima hangin dawi hawlkhia thei ding uh a, pau dangte pau thei ding uh hi.

Sawltak 13:52

Antiok khua-a om thu um mite ahihleh Kha Siangtho tawh kidimin lungdam mahmahin a om uh hi.

Sawltak 4:31

Tua bangin thu a nget khit uh ciangin amaute’ kikhopna mun hong kilinggawp hi. Amaute khempeuh Kha Siangtho tawh kidim uh a, hang takin Pasian’ thu gen ding a kipan uh hi.

Efesa 5:18

Zu in mi siasak thei ahih manin zu ne kei unla, Kha Siangtho tawh a kidimin omzaw un.

1 KORIN MASA 12:10

Adang khat tungah nalamdang bawl theihna, adang khat tungah Pasian’ thu hilh ding siamna, adang khat tungah Kha Siangtho piak siamna ahi leh ahi lo khentheih nading siamna, adang khat tungah pau lamdang pau theihna, adang khat tungah tua pau lamdang tuamtuam paunate a khiatna gentheihna hong pia hi.

Johan 14:26

Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh ding a, note tungah ka hong gensa thu khempeuh zong hong phawksakkik ding hi.

Sawltak 19:6

Paul in amaute tungah a khut a ngakkhit ciangin amaute tungah Kha Siangtho hong tung hi. Amaute in pau lamdang hong paupah uh a, Pasian’ thu zong a gen uh hi.

Sawltak 10:46

Bang hang hiam cih leh amaute in pau lamdang pau-in Pasian’ liatna a phatnate uh amau bil mahmah tawh a za uh hi. Tua ciangin Peter in,

Sawltak 9:17

Tua ahih manin Ananias zong pai a, inn sungah a lutkhit ciangin Saul lu tungah a khut nga a, “Sanggam Saul aw, hih lai-ah nong pai lai-in nangma tungah a hong kilang Jesuh mahmah in kei hong sawl hi. Nangmah in khua muthei kikin, Kha Siangtho tawh na kidim theih nadingin nangma kiangah a hong paisak ahi hi,” a ci hi.

Sawltak 7:55

Ahi zongin Stefen ahihleh Kha Siangtho tawh kidimin vantung lam ento a, Pasian’ minthanna vang le Pasian’ taklamah Jesuh a ding mu ahih manin,

Sawltak 1:5

Johan in tui sungah mite phum a, ahi zongin a sawt loin Pasian in Kha Siangtho tawh note hong kidimsak ding hi,” ci-in thu a pia hi.

1 KORIN MASA 13:8

Itna pen a tawntungin a kip ahi hi. Thuhilh siamna a om tei hangin tawlkhat sung bek kimangin, pau lamdang pautheih siamnate a om hangin bei ding a, thutheih siamna a om hangin maimang ding hi.

1 KORIN MASA 13:1

Keimah in mihingte pau a tuamtuamte le vantung mite’ pau nangawn ka pautheih hangin itna ka neih kei leh a bil-aphuai zam le daltuah kitum tawh a kibang lel ka hi hi.

Sawltak 13:9

Tua ciangin Saul (Paul zong a kici pa) Kha Siangtho tawh kidimin tua mipa limtakin en a,

Sawltak 2:11

Jew mite le Gentail mi Jew biakna a zuite ihi a, pawlkhatte pen Krete gam le Arabia gam pan ihi hi. Tua bang hinapi-in, Pasian’ sep na lamdang liante a kigenna eima pau ciatin i za hi,” a ci uh hi.

Luka 12:12

Bang hang hiam cih leh a hun a tun ciangin Kha Siangtho in na gen dingteng uh hong hilh ding hi,” a ci hi.

1 KORIN MASA 14:18

Note khempeuh sangin pau lamdang pau theizaw ka hih manin Pasian tungah ka lungdam hi.

ROM (Romans) 15:13

Kha Siangtho’ huhna tawh note’ lametna a khan semsem theih nadingin, lametna a hong piathei Pasian in, amah na upna uh hangin lungdamna le nopsakna tawh note hong kidimsak tahen.

Sawltak 4:8

Tua ciangin Kha Siangtho tawh kidimin Peter in dawng a, “Makaite le upate aw,

Johan 20:22

Tua khit ciangin amaute lamah a hu sang a, “Kha Siangtho na sang un.

Luka 4:1

Kha Siangtho tawh a kidimin Jordan gun panin Jesuh hong ciahkik a, Kha Siangtho in gamlakah paipihin,

1 PETER MASA 1:12

Vantung panin a hong kisawl Kha Siangtho’ vangliatna tawh thu a gen thupuakte’ tung panin na zak uh Thute mah kamsangte in a gen laitakun, tua a thugente uh amaute a’ ding hi loin note a’ ding ahihna thu, Pasian in tua kamsangte tungah a na genzo hi. Vantung mite nangawn in hih thute a theihtelnop khat uh ahi hi.

1 KORIN MASA 14:5

Note khempeuh pau lamdang na pautheih ding uh kong deihsak hangin Pasian’ thu hilh ding siamna na neih ding uh ka hong deihsakzaw hi. Pawlpi in phattuamna a ngahtheih nadingin note lakah a khiatna a genthei pah ding om ahih kei buang leh, pau lamdang a paute sangin Pasian’ thu a hilhte a lianzaw ahi hi.

Sawltak 11:15

Tua thu gen dingin ka kipat laitakin eite in Kha Siangtho i ngah cil huna mah bangin amaute tungah Kha Siangtho hong tung hi.

Sawltak 6:5

A vekpi-un sawltakte’ thugente thukimpih uh ahih manin, Kha Siangtho tawh kidimin upna a nei Stefen, Filip, Prokhoras, Nikanor, Timon, Parmenas, le Antiok khua pan Gentail mi ahi Jew biakna a zui Nikolas a teel uh hi.

Sawltak 6:3

Tua ahih ciangin sanggamte aw, note lak panin pilna le Kha Siangtho a nei mihing sagih hong kitengkhia unla, hih thute a vaihawm dingin i koih ding hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khuasung, Judea gam sung, Samaria gam sung, le leimong dongin note in keima thu na gen ding uh hi,” ci-in a dawng hi.

Luka 1:15

Topa’ muhna-ah amah milian khat hi ding hi. Amah in leenggahzu ahi a, khamtheihzu khat peuhpeuh ahi zongin ne lo ding hi. A suah phet a kipanin Kha Siangtho tawh kidim ding hi.

Isaiah 59:21

“Note tawh hih bangin thuciamna ka bawl hi: Keima vangliatna tawh keima thukhamte le ka thuhilhnate note tungah ka hong pia khin a, tu a kipanin a tawntungin note in tua thute zui-in na suanlekhakte uh na hilh ding uh a, a khang khangin na maimangsak kei ding uh hi,” a ci hi.

Isaiah 28:11

A mantakin, note in ka thugen na ngaih kei uhleh Topa in a pau na theih loh uh gamdang mite, note tungah thu hong hilhsak ding hi.

2 SAMUEL NIHNA 23:2

“Topa’ kha in kei tungtawnin thu hong gen a, ka kam sungah ama thugente om hi.

Efesa 6:18

Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh a dingin thu na ngetsak un.

Efesa 3:19

Khrih hong itna a kicing takin theihkhit zawh loh ding ahi ta zongin note in thei-in, Pasian thu a cingin na theih nadingun thu ka hong ngetsak hi.

Sawltak 11:24

Barnabas pen mihoih mahmah, upna nei-in, Kha Siangtho tawh a kidim mi khat ahi hi. Mi tampi in Pasian a um uh hi.

Sawltak 6:8

Pasian in Stefen’ tungah thupha tampi tak pia-in vangliatna lianpi neisak a, amah in mite lakah lim le nalamdang lianpipi a bawl hi.

Luka 21:15

Bang hang hiam cih leh tua hun ciangin note’ gen ding thu le pilna kong guan ding a, na galte uh khat beek in note’ thugen hong nialzo loin, zong hong sel zo lo ding uh hi.

Luka 1:67

Tua ciangin Johan’ pa Zekhariah, Kha Siangtho tawh kidimin Pasian’ thu gen a,

Luka 1:41

Elizabeth in Mary’ hopihna awging a zak ciangin a sunga a naupaii a hong diang hi. Elizabeth zong Kha Siangtho tawh hong kidim a,

Micah 3:8

Ahi zongin kei ahihleh, Israel mite tungah a mawhna uh a genkhia dingin Topa’ kha le a vang tawh ka kidim a, thutang gen ngamna ding lungsim ka nei hi.

Mattiu 10:19

Tua bangin thusitna a thuak dingin hong kipaipih ciangin, bang gen ding ihi hiam, ci-in lunghimawh kei un. A hun a tun ciangin na gen ding teng uh hong kihilh ding hi.

1 SAMUEL MASA 10:10

Gibeah-ah amaute a tun uh ciangin, kamsang honkhat in amah na dawn hi. Pasian’ kha in khauhtakin amah hong man takpi a, amah zong amaute’ lakah laamin a awng hi.

2 PETER NIHNA 1:21

Bang hang hiam cih leh mihingte in a deih manin mailam thugenkholh theihna a kingah hi lo a, Kha Siangtho’ sawlna tawh Pasian’ kiang panin a hong pai thute a kigen ahi zaw hi.

Ezekiel 3:11

Tua ciangin amaute in na thu hong ngai a, hong ngai kei zongin, salin a om na mipihte kiangah va pai inla, nang tungah kong thugen khempeuh amaute tungah va gen in,” a hong ci hi.

Jeremiah 6:11

Tua ahih ciangin Topa aw, kei zong ka heh mahmah a, ka thuakzo nawn kei hi,” ka ci hi. Tua ciangin Topa in kei hong hopih a, “Kei’ tang dinga na hehna kongzing lak a naupangte tungah buakhia inla, tangvalte’ kikhopna-ah zong buakhia in. Papite le nupite zong kilakhia ding a, piteek puteekte zong kipaikhiatpih ding hi.

1 SAMUEL MASA 1:14

Tua ahih ciangin Eli in ama kiangah, “Bang tanvei zu kham ding na hi hiam? Na leenggahzu nek khawl in,” a ci hi.

Sawltak 2:3

Tua ciangin leii tawh a kibang meikuang bang pian amaute lakah hong kithehthang a, tuate in mi khempeuh sukha kim hi.

Sawltak 8:17

Peter le Johan in amaute lu tungah a khut uh a ngak khit uh ciangin Kha Siangtho a ngah uh hi.

Sawltak 10:47

“Eite mah bangin hih mite in zong Kha Siangtho ngah uh hi. Tui sungah a kiphum ding uh kua’n kham thei ding ahi hiam?” ci-in a gen khit ciangin,

Sawltak 15:8

Mihingte’ lungsim sungthu a thei Pasian in Gentail mite in zong thu a uptheih ding mah hi, cih a lahna-in eite tungah a hong piak mah bangin amaute tungah zong Kha Siangtho a pia hi.