Sawltak 2:31 - Tedim Bible

³¹ Pasian in a sep ding thu David in mukhol ahih manin, ‘Mi site gam sungah amah kinusia lo a, a sa a muat kei hi,’ ci-in a gen ciangin, Khrih’ thawhkik nading thu a gengen ahi hi.

Tedim Bible Revision 2017

³¹ Pasian in a sep ding thu David in mukhol ahih manin, ‘Misite gam sungah amah kinusia lo a, a sa a muat kei hi,’ ci-in a gen ciangin, Khrisʼ thawhkik nading thu a gengen ahi hi.

Sawltak 2:31 Referans Kwoze

Sawltak 2:27

Bang hang hiam cih leh misite’ gamah kei nong nusiacip kei ding a, na nasem keimah muatna nong thuaksak kei ding hi.

Late 16:10

Bang hang hiam cih leh Leinuai nong zuansak kei a, na mihoih pa Leihawmpi na musak kei hi.

Sawltak 13:35

Tua mah bangin Late a gelh pa in zong, ‘Nang tungah a hong thuman na nasempa muatna na thuaksak kei ding hi,’ a ci hi.

Mattiu 11:23

Kapernaum khuapi mite aw, van a sangna munah hong kipahtawi ding sa na hi uh hiam? Hell khuk sungah hong kilawnsuk ding hi. Bang hang hiam cih leh note’ khuasunga hong kibawl na lamdangte, Sodom khua sungah kibawl hileh tuni dongin tua khua kip lai ding hi.

1 KORIN MASA 15:4

kivui a, Lai Siangtho sungah a kigelh mah bangin a ni thum ni-in Pasian in hingkiksak hi.

Galati 3:8

Jew mite mah bangin Gentail mite in zong a upna uh hangin amah tawh a kipawlthei dingin Pasian in a bawl nading thu, Lai Siangtho in na ma theih hi. Tua ahih manin Lai Siangtho in Abraham tungah Lungdamna Thuthak na ma hilhkhol a, “Pasian in leitung mi khempeuh thupha a piak nadingin nangmah hong zang ding hi,” na ci hi.