Sawltak 2:27 - Tedim Bible

²⁷ Bang hang hiam cih leh misite’ gamah kei nong nusiacip kei ding a, na nasem keimah muatna nong thuaksak kei ding hi.

Tedim Bible Revision 2017

²⁷ Bang hang hiam cih leh misiteʼ gamah kei nong nusiacip kei dinga, na nasem keimah muatna nong thuaksak kei ding hi.

Sawltak 2:27 Referans Kwoze

Late 16:10

Bang hang hiam cih leh Leinuai nong zuansak kei a, na mihoih pa Leihawmpi na musak kei hi.

Sawltak 2:31

Pasian in a sep ding thu David in mukhol ahih manin, ‘Mi site gam sungah amah kinusia lo a, a sa a muat kei hi,’ ci-in a gen ciangin, Khrih’ thawhkik nading thu a gengen ahi hi.

Mangmuhna 1:18

a nungta mipa zong ka hi hi. Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi.

Mangmuhna 20:13

Tuipi sungah a om misite, tuipi in hong pusuah a, Sihna le Misite’ Gam in zong amau sungah a om misite hong pusuah uh hi. Tua ciangin a vekpi-in amaute’ gamtatnasa tawh kizui-in thu a kikhen hi.

1 KORIN MASA 15:55

Sihna aw, na gualzawhna koi-ah om a, midangte na suksiat zawh nading na thahatna koi-ah omta ahi hiam?” na ci hi.

1 KORIN MASA 15:52

Peengkul nunung hong gin’ ciangin mitphiat kikal sungin i kikhelpak ding hi. Bang hang hiam cih leh peengkul hong gin’ ciangin misite a sithei nawn lo dingin hong tho ding a, i vekpi-in i kikheel ding hi.

Johan 11:39

A phual a tun ciangin, “Suangtum likkhia un,” ci-in thu a pia hi. Tua ciangin misi pa’ naunu Martha in, “Topa aw, a kivui zawh ni li phakhin ahih manin uihta ding hi,” a cih leh

Late 86:13

Bang hang hiam cih leh keimah na hong itna kip lian mahmah a, Leinuai thuk sung panin kei nong honkhia khin hi.

Mangmuhna 3:7

“Filadelfia khua pawlpi vantungmi kiangah lai gelh inla, David’ tawhtang kemin, ama honsa kong kuamah in a khak zawh loh, ama khaksa kong kuamah in a hon zawh loh, a thuman a siangthopa’ thugen in:

1 JOHAN MASA 2:20

Ahi zongin Khrih in note tungah Kha Siangtho hong piakhin ahih manin note khempeuh in a man na thei uh hi.

Luka 4:34

“Nazareth khuami Jesuh aw, kote tawh bang kisai ihi hiam? Kote a susia dingin hong pai na hi hiam? Pasian’ mi siangtho na hih lamtak ka hong thei uh hi,” a ci hi.

Luka 1:35

Vantung mi in, “Nangma tungah Kha Siangtho hong tung ding a, nangma tungah Pasian’ vangliatna hong om ding hi. Tua ahih manin a hong suak ding a siangtho naungek pen Pasian’ Tapa kici ding hi.

Marka 1:24

“Nazareth khuami Jesuh aw, kote tawh nang bang kisai ihi hiam? Kote a susia dingin hih lai-ah hong om na hi hiam? Pasian’ mi siangtho na hihlam kong thei hi,” ci-in a kiko hi.

Mattiu 11:23

Kapernaum khuapi mite aw, van a sangna munah hong kipahtawi ding sa na hi uh hiam? Hell khuk sungah hong kilawnsuk ding hi. Bang hang hiam cih leh note’ khuasunga hong kibawl na lamdangte, Sodom khua sungah kibawl hileh tuni dongin tua khua kip lai ding hi.

Jonah 2:6

Mualte’ bul tuipi taw dong ka va paisuk a, kong hong kikhaknelh tawntungna mun ka tun hangin tua Leihawmpi sung panin a nungta-in nong lato veve hi, Topa ka Pasian aw.

Late 116:3

Sihna khau in kei hong gakcip hi. Leinuai sihna in kei hong mancip a, natna le lungkhamna ka thuak hi.

Late 89:19

Hun lui lai-in na thuman mipa tungah mang sungah thu na gen a, “A vanglian khat pa tungah lukhu ka koih khinzo a, mite lak panin a kitengkhia mi khat ka liansakzo hi.

Late 49:15

Ahih hangin Pasian in Leinuai’ vangliatna panin kei hong honkhia ding hi; bang hang hiam cih leh amah in kei hong sang ding hi.

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khrih dingin na bawl, a siangtho na Nasempa Jesuh thah dingin a vaihawm uh hi.

Sawltak 3:14

Amah mi hoih mi siangtho hinapi-in, amah na nial zawsop uh a, mi that khat a khahkhiat nadingin Pilat kiangah na ngen uh hi.

Luka 16:23

Ahi zongin hell khuk sungah gimna thuakin a om hi. A khuadak leh, gamlapi mun khatah Abraham le Lazaras a omkhawm a galmuh hi.

Luka 24:44

Tua ciangin Jesuh in amaute kiangah, “Tu-a thupiang khempeuh pen note tawh kong omkhawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Sawltak 2:26

Tua ahih manin ka lungdam a, kei ka nuam hi. A si thei mihing ka hih lel hangin lungmuang takin ka om ding hi.

Sawltak 2:28

Nangmah in nuntakna lampi na hong lak khin a, nong ompihna tawh kei nong lungdamsak hi,’ ci hi.