Sawltak 2:24 - Tedim Bible

²⁴ Ahi zongin Pasian in misite lak panin amah hingkiksak a, sihna in amah lencip zo lo ahih manin sihna hanga gimna panin amah a suaktasak hi.

Tedim Bible Revision 2017

²⁴ Ahi zongin Pasian in misite lak panin amah hingkiksak a, sihna in amah lencip zo lo ahih manin sihna hanga gimna panin amah a suaktasak hi.

Sawltak 2:24 Referans Kwoze

1 KORIN MASA 6:14

Pasian in sihna panin Topa thokiksak hi. Tua mah bangin eite zong ama vangliatna tawh hong thokiksak ding hi.

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.

Kolose 2:12

Note tui na kiphum uh ciangin Jesuh tawh kiphum khawmin, misite’ lak panin Khrih a thosak Pasian’ vangliatna na up manun Khrih mah tawh tuiphumna panin a thokhawm leuleu na hi uh hi.

Sawltak 2:32

Pasian in sihna panin hih Jesuh hingkiksak a, kote khempeuh pen hih thu a thei teci vive ka hi uh hi.

Johan 10:18

Kuamah in ka nuntakna hong laksak thei lo a, keima utthu tawh ka piak hizaw hi. Ka nuntakna piakkhiat theih nading le lakkik theih nading thu ka Pa in kei tungah a hong piak ahi hi,” a ci hi.

2 KORIN NIHNA 4:14

Topa Jesuh a hingkik sakpa in Jesuh mah tawh kote zong hong hingkiksak khawmin note tawh ama omna-ah hong paipih khawm ding hi, ci-in ka thei uh hi.

ROM (Romans) 8:11

Sihna panin Jesuh a thokiksak Pasian’ Kha Siangtho note sungah hong om leh sihna panin Khrih a hingkik sakpa mah in note sungah a om ama Kha Siangtho mah tawh a sithei pumpi a hong nungtasak ding hi.

ROM (Romans) 6:4

I Pa’ vangliatna tawh sihna panin Khrih a kithawhkiksak mah bangin eite zong nuntakna thak i nuntak theih nadingin tui i kiphum ciangin amah tawh kiphum khawmin a sikhawm ihi hi.

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesuh pen sihna panin a thokiksak, eite tungah nopsakna a hong pia Pasian in,

1 THESALONIKA MASA 1:10

a hong tung ding Pasian’ hehna panin eite a hong honkhia, sihna panin Pasian in a thawhsakkik a Tapa Jesuh, van panin a hong pai ding ngak dingin milim paisanin Pasian’ lamah na kiheina uh thute mi khempeuh in gen belin a nei uh hi.

ROM (Romans) 10:9

Jesuh pen Topa hi, ci-in mite kiangah genin, Pasian in sihna panin amah hingkiksak zo hi, ci-in na lungsim sung uhah na up taktak uhleh hotkhiatna na ngah ding uh hi.

ROM (Romans) 4:24

Sihna panin i Topa Jesuh a hingsak pa a um eite khempeuh zong i upna hangin mihoihin hong kisang ding hi, ci-in eite a dingin zong a kigelh ahi hi.

Sawltak 17:31

Amah in leitung mi khempeuh thu a mantakin ama teel mipa a hong khensak nading ni a sehkhol khinzo hi. Tua a ngaihsutna a man taktak hi, ci-in mi khempeuh tungah a hong lah nadingin a teel mipa, sihna panin a hingkiksak zo hi,” ci-in thu a hilh hi.

Sawltak 13:30

Ahi zongin Pasian in sihna panin amah hingkiksak a,

Sawltak 3:15

Tua ahih ciangin mite tungah nuntakna a piapa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.

Galati 1:1

Mihingte’ hong sehna le hong sawlna tawh sawltak na a sem hi loin, Jesuh Khrih le sihna panin tua Jesuh a thosakkik Pasian’ hong sawlna tawh sawltak na a sem keimah Paul in Galati gam a om pawlpi tuamtuamte tungah lai ka hong khak hi.

Sawltak 3:26

Eite khempeuh i gitlohna panin kikheelin thupha a hong piaktheih nadingin Pasian in a Nasem dingin Jesuh teelin, eite kiangah a hong sawl masa ahi hi,” ci-in thu a gen hi.

1 KORIN MASA 15:15

Tua bek zong hi lo lai-in, misite a kihingkiksak lo ding hileh Pasian in Khrih hingkiksak hi, ci-in teci pang ka hih manun, mite kiangah Pasian’ thu a man lopi-in a gen ka suak ding uh hi.

Sawltak 13:37

Ahi zongin Pasian in sihna panin a hinkiksak Jesuh in muatna thuak lo hi.

Sawltak 4:10

note in singlamteh tungah na thah uh, Pasian in sihna panin a thawhkiksak Nazareth khuami Jesuh Khrih min vangliatna tawh hih mipa a ci damin hih lai-ah ding ahihna thu, note le Israel mi khempeuh in na theih dingun a kilawm thu khat ahi hi.

Johan 20:9

(Sihna panin thokik ding hi, ci-in Lai Siangtho in a genna thu a theithei nai lo uh ahi hi.)

Late 116:16

Topa aw, kei pen nangma nasem ka hi hi. Nangma nasem ka hi a, na nasemnu’ ta ka hi hi. Keimah hong kikhihnate nong sutkhiatsak zo hi.

Mangmuhna 1:18

a nungta mipa zong ka hi hi. Kei ka si ngei hi. Ahi zongin tu-in hong en in, a nungta tawntung ka hi hi. Sihna le misite omna gam keima khutnuai ahi uh hi.

1 KORIN MASA 15:12

Tu-in gen penin a kinei thu in: Sihna panin Khrih kihingkiksak hi, cihna thu ahih manin, bang hangin note pawlkhat in, misite thokik lo ding hi, ci thei na hi uh hiam?

ROM (Romans) 14:9

Hih thu hangin Khrih pen a site le a hingte’ Topa ahih theih nadingin hong si-in hong nungtakik hi.

ROM (Romans) 8:34

Tua ahih manin kua in amaute tungah thu khenthei nawn ding ahi hiam? Eite a dingin a hong thumsak pa pen Pasian’ taklamah a tu, a sih khit ciangin sihna panin a kihingkiksak Khrih Jesuh hi lo ahi hiam?

Johan 12:39

Tua ahih manin amaute in um nuam lo uh hi. Bang hang hiam cih leh Isaiah mah in,

Isaiah 26:19

Nangma mi a sisate hingkik ding uh a, amau’ pumpi thokik ding hi. Han sungah a lum mite aw, tho-in lungdamin la sa un! Bang hang hiam cih leh zing daitui in leitung a nosakkik bangin sawtpi-a a sisa mite Topa in hingkiksak ding hi.

Isaiah 25:8

Amah in sihna beimangsak ding a, maitang khempeuh panin khitui nul ding hi. Leitung khempeuh panin ama mite a kizahkona lakhia ding hi. Bang hang hiam cih leh Topa in hih thu gen khinzo hi.

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a sukgawp theih nadingin Jesuh in mihing pianzia mah hong nei phot hi.

Mattiu 27:63

“Topa aw, hih mi khem pa in a nuntak lai-in, ‘Ni thum khit ciangin ka hingkik ding hi,’ ci-in a thugenna ka thei uh hi.

Isaiah 53:10

Ahih hangin amah a kisatnim ding pen Topa’ deihna ahi hi. Amah in natna thuaksak hi. Mawhna hangin ama pumpi a kipiak ciangin amah in a suanlekhakte mu ding a, ama khan a sau ding hi. Topa’ deihna ama khut sungah pung ding hi.

Johan 10:35

Lai Siangtho sungah a kigelh thute a tawntungin a thuman hi a, Pasian’ thu a ngah mite pen Pasian in, ‘pasian-te,’ na ci hi.

Hosea 13:14

Leinuai-a misite’ omna-ah a pai nading uh panin honin, sih nading panin suaktasak ding ka hi hiam? Sihna aw, gimna na piakna-ah amaute ka hehpih kei hi. Leinuai-a misite’ gam aw, na suksiatna-ah amaute ka khasiat kei hi.

Sawltak 1:16

“Lawmte aw, Jesuh a mante lam a lak Judas thu, Kha Siangtho in David’ kam panin a genkholhna Lai Siangtho sung thu a tun ding kisam hi.

Isaiah 10:7

Ahih hangin a kumpipa in tua bang bek sawm lo a, a lungsim in zong tua bang bek ngaihsun lo hi. Ama lungsim sungah minam tampi suksiat nopna thu om hi.

Sawltak 5:30

Note in singlamteh tungah Jesuh khai-in na thah khit uh ciangin i pu i pate’ Pasian in sihna panin amah hingkiksak khinzo hi.

1 KORIN MASA 15:4

kivui a, Lai Siangtho sungah a kigelh mah bangin a ni thum ni-in Pasian in hingkiksak hi.

1 KORIN MASA 15:20

Ahi zongin a thuman taktak ci lehang, a sisa mite zong hingkik takpi ding hi cih a kitel theih nadingin sihna panin Khrih kihingkiksak khinzo hi.