Sawltak 2:23 - Tedim Bible

²³ Pasian in thu a ma theihkholhna le ama geelna tawh kizui-in note’ khut sungah tua Jesuh a hong piak ding a ngaihsutsa hi a, note in singlamteh tungah khai-in migilote’ khut tawh amah na that uh hi.

Tedim Bible Revision 2017

²³ Pasian in thu a ma-theih kholhna le a ma-geelna tawh kizui-in noteʼ khut sungah tua Jesu a hong piak ding a ngaihsut sa hi a, note in singlamteh tungah khai-in migiloteʼ khut tawh amah na that uh hi.

Sawltak 2:23 Referans Kwoze

Luka 22:22

Bang hang hiam cih leh Pasian’ sehsa bangin Mihing Tapa si ding a, ahi zongin amah a lehhek pa in gimna thuak ding hi,” a ci hi.

Sawltak 4:28

Nangmah in na deihna bangin a piang dingin na vangliatna tawh na khensatsa thu khempeuh a sem dingin amaute kikhawm uh hi.

Sawltak 3:18

Ama Khrih in a thuak nading thu, Pasian in tanglai pekin kamsangte khempeuh tungtawnin genkhol a, tu-in hih bangin a thugen kholhna a hong tungsak ahi hi.

Piancilna 50:20

Note in ahihleh, kei’ tungah a sia dingin na ngaihsun uh hi. Ahih hangin Pasian in tuhuna mah bangin mi tampite a nuntak theihna a pian nadingin a hoih dingin a ngaihsut ahi hi.

1 PETER MASA 1:20

Pasian in hih bang dingin leitung pianma pekin Khrih a teelsa hi a, note a hong khualna-in tuhun nunung ciangin Pasian in note kiangah amah a hong lakkhia pan ahi hi.

Sawltak 13:27

Jerusalem khua-a a teng mite le a makaite un Jesuh pen Honpa ahih lamtak na thei lo uh a, Sabbath nisimin a kisim niloh kamsangte’ thu zong na tel lo uh hi. Amaute in Jesuh na mawhsak uh ahih manin kamsangte’ thugente a manin hong tung hi.

Mattiu 26:24

Mihing Tapa ahihleh Lai Siangtho sungah a kigelhsa mah bangin a si ding ahi hi; ahi zongin Mihing Tapa a lehhek pa in gimna thuak ding hi. Tua mipa pen a piang vet lo hileh ama a dingin hoihzaw ding hi,” a ci hi.

ROM (Romans) 4:17

Lai Siangtho sungah zong, “Minam tampite’ pupi dingin ka hong bawl khin hi,” ci-in a kigelh hi. Tua hi a, bangmah a om nai lopi a thupiakna tawh a omsak thei, a site a hingsak thei, Abraham in a up Pasian’ muhna-ah hih thuciamna kipin a kizang ahi hi.

Sawltak 5:30

Note in singlamteh tungah Jesuh khai-in na thah khit uh ciangin i pu i pate’ Pasian in sihna panin amah hingkiksak khinzo hi.

Daniel 4:35

Amah in leitung mite bangmahin a sim kei a, vantung mite le leitung mite ama khutnuai ahi hi. Ama deihna kuamah in nial thei lo a, a bawlnate kuamah in a hang a kan thei kei hi.

Late 76:10

Mihingte’ hehna in nang hong kiphatna ding piangsak ding a, na hehna panin a suakta mite in nangmah pahtawina pawi a bawl ding uh hi.

Mangmuhna 13:8

Tua ahih manin a kigo Tuuno laibu sungah a nungta ding mite’ min, leitung pianma pekin a kikhumna-ah a kihel lo leitung mi khempeuh in tua ganhing bia ding uh hi.

Juda 1:4

Bang hang hiam cih leh Pasian’ thu a ngaihsun lo mi pawlkhat, eite lakah kuama phawk lohin hong lutsim uh a, amaute’ mawh gamtat ngamnate a seelna-un Pasian’ hehpihna thupha a lehlamin hei-in, eite in khat bek i neih i Mangpa le i Topa ahi Jesuh Khrih a nial uh hi. Hih bang mite’ gimthuak ding thu tanglai pekin Lai Siangtho in a gensa thu ahi hi.

1 PETER MASA 1:2

Pa Pasian in ama ngimnasa bangin note hong teel a, note in Jesuh Khrih’ thu mangin, ama sisan tawh sianthona a ngah dingin a Kha Siangtho tawh note mi siangtho-in a hong bawl hi. Note tungah hehpihna le nopsakna thupha hong tam tun semsem tahen.

Luka 24:20

Ahi zongin ka siampi liante uh le ka uliante un sihna thukhenna a thuak dingin Pilat tungah ap uh a, singlamteh tungah kithat hi.

Luka 22:37

Bang hangin hih bangin hong gen ka hi hiam cih leh, Lai Siangtho in, ‘Mawhneite lakah amah kihelsak hi,’ ci-in keima thu a genna pen hong tung ding hi,” a ci hi.

Sawltak 7:52

I pu i pate in kamsang a bawlsiat loh khat beek om lo hi. Pasian’ deihna bangin a gamta a Nasempa a hong pai nading thu a genkhol Pasian’ kamtaite na that uh a, tu-in note in tua nasempa lehhekin na that leuleu uh hi.

Johan 19:24

Ahi zongin amaute in, “Hih puan balkek kei ni. A ngah ding i theih nadingin ai san ni,” a kici uh hi. Lai Siangtho sungah, “Amaute in ka puante hawm uh a, ka puantualpi ngah nadingin ai a san uh hi,” ci-in a kigelhna a tun nadingin hih bangin galkapte a gamta ahi uh hi.

1 PETER MASA 2:8

a cihna leh, “Hih suang pen mite’ hoina suak ding a, hih suangpi pen a pukna uh suak ding hi,” a cihna bang hi ding hi. Amaute in lungdamna thu um lo uh ahih manin a puk uh ahi hi. Pasian in a tuaci ding mahin a deih ahi hi.

Isaiah 37:26

“‘Sawt pek a kipan ka ngaihsutsa ahih lamtak za ngei nai lo na hi hiam? Nang in khuapi muanhuaite susia gawpin ninbulomtang na suahsakna ding, a sunga teng mite a thahatna uh bei-in, lungkia-in a ommawkna ding, amaute pen lolai-a om kungnote le lopa ngeekte, innkhum zangah a po, a khankhit ma-in a keutum lopate tawh a kibatna ding, tu-in ka tunsak ding thute pen tanglai pek panin ka ngaihsutsa thu ahi hi.

Mattiu 20:19

Gentail mite in simmawh bawlin, satin, singlamteh tungah a khai dingin amaute khut sungah a pia ding uh hi. Ahi zongin a ni thum ni-in kihing kiksak ding hi,” ci-in a tuamin thu a hilh hi.

Mattiu 27:35

Singlamteh tungah Jesuh a khai khit uh ciangin a puante kua in a koi ngah ding cih a theih nadingun suang lawnin ai san uh a, a puan teng a hawm uh hi.

Marka 15:24

Tua ciangin singlamteh tungah amah khai uh a, a puante kua in a koi ngah ding cih a theih nadingun suang lawnin ai san uh a, amauteng in a puante a hawm uh hi.

Luka 23:33

“Lutang Guh,” a kicihna mun a tun uh ciangin singlamteh tungah Jesuh kilhcip uh a, tua mi that mi nihte zong, Jesuh’ taklamah khat, a veilamah khat kilhcip uh hi.

Johan 19:18

Tua lai mun panin singlamteh tungah khai uh a, ama langtuakah zong midang khat tuak mah khai-in a laizangah Jesuh a kikhai hi.

Sawltak 2:36

“Tua ahih ciangin singlamteh tungah na thah uh hih Jesuh pen Pasian in Topa le Khrih in a bawl khitna thu, Israel mi khempeuh in teltakin thei ta un,” a ci hi.

Sawltak 5:28

“Hih mipa’ min tawh thu na hilh nawn loh nadingun khauhtakin thu kong pia uh hi. Tu-in na gamtatnasate uh thei un. Jerusalem khuasung khempeuhah thu na genthang uh a, ama sihna pen kote nong ngawh nuam uh hi,” a ci hi.

ROM (Romans) 2:12

Moses Thukham a nei lo Gentail mite a khialh uh ciangin thukham nei lopi mahin siatna thuak uh a, Moses Thukham a nei Jew mite a khialh uh ciangin tua thukham tawh kizui-in amaute tungah thu kikhen hi.

1 THESALONIKA MASA 2:15

Tua Jew mite in Topa Jesuh le kamsangte that uh a, kote zong hong bawlsia uh hi. Pasian’ lungkim loh nadingin gamta uh a, mi khempeuh langbawl uh hi.