Sawltak 2:22 - Tedim Bible

²² “Ka mipih Israel-te aw, hih ka thugen na ngai un: Nazareth khuami Jesuh tungtawnin Pasian in lim le na lamdangte bawlin na hong sem ahih manin, Jesuh pen Pasian’ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Tedim Bible Revision 2017

²² “Ka mipih Israel-te aw, hih ka thugen na ngai un: Nazareth khuami Jesu tungtawnin Pasian in lim le nalamdangte bawlin na hong sem ahih manin, Jesu pen Pasianʼ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Sawltak 2:22 Referans Kwoze

Johan 3:2

Khatvei zan khuamial laitakin Jesuh kiangah va pai a, “Sia aw, mi khat peuhpeuh Pasian in ompih lo hileh hih na lamdangte kuamah in bawl thei lo ding ahih manin nang pen Pasian’ hong sawl siapa na hihna ka hong thei uh hi,” a ci hi.

Sawltak 4:10

note in singlamteh tungah na thah uh, Pasian in sihna panin a thawhkiksak Nazareth khuami Jesuh Khrih min vangliatna tawh hih mipa a ci damin hih lai-ah ding ahihna thu, note le Israel mi khempeuh in na theih dingun a kilawm thu khat ahi hi.

Luka 11:20

Note’ ngaihsut bang hi loin, ke’n Pasian’ vangliatna tawh dawite hawlkhia ka hih manin, note kiangah Pasian’ Ukna hun hong tungta ahihna phawk un.

Mattiu 12:28

Note’ ngaihsut bang hi loin, Pasian’ Kha in dawi hawlkhiat nading vangliatna kei tungah hong pia ahih manin note lakah Pasian’ ukna hun hong kipan khin ahihna hong kilang hi.

Mattiu 9:8

Mihonte in hih thu a theih uh ciangin lau mahmah uh a, Pasian in mihingte tungah hih bang vangliatna a piakna hangin ama min a phat uh hi.

Hebru 2:4

Amaute’ thugenna banah Pasian in vangliatna lim, le nalamdang a tuamtuamte bawlna tawh hong genbeh lai hi. Tua banah ama hoihsak bangin Pasian in Kha Siangtho zong hong hawm lai hi.

2 KORIN NIHNA 12:12

Sawltak man taktak ka hihna lim a kilangsak nate, note lakah lungduai takin hong kisem a, lim, nalamdang, le na a tuamtuamte note lakah hong kibawl hi.

Sawltak 26:26

“Kumpi Agrippa aw, hih thu khempeuh na theihsa ahih manin nangma mai-ah hangtakin thu ka gen ngam hi. Hih thu pen kuama theih lohna munsimtham a thupiang hi lo ahih manin, a vekpi-in theikhin dingin ka hong um hi.

Sawltak 26:9

“Nazareth khuami Jesuh’ min a siattheih nadingin langpangin nial ding hi, ci-in kei mahmah in ka ngaihsun ngei hi.

Sawltak 24:5

Hih mipa, buaina a piangsak, a kihtakhuai mi ahihna ka mu uh hi. Mun khempeuha om Jew mite lakah buaina piangsak a, Nazareth mi pawl a kicite a makai pa ahi hi.

Sawltak 22:8

Kei zong, ‘Topa aw, kua na hi hiam?’ ci-in ka dot ciangin, ‘Nangmah in na hong bawlsiat, Nazareth khuami Jesuh ka hi hi,’ a hong ci hi.

Sawltak 21:28

“Israel mite aw, hong huh un. Mun khempeuhah thu hilh kawikawi-in, Moses Thukham, le hih biakinn langpangin mi khempeuh kiangah Israel mite a hong gensia pa ahi hi. Tu-in Gentail mite nangawn biakinn sungah hong paipihin hih biakinn siangtho a ninsak hi,” ci-in a awng uh hi.

Sawltak 14:27

Antiok khua a tun uh ciangin amaute in pawlpi mite khawm uh a, a khualzinna uhah Pasian in na a seppihna khempeuh le Gentail mite in zong thu a uptheih nadingun Pasian in lam a honsaknate khempeuh a gen uh hi.

Sawltak 13:16

Tua ahih manin Paul hong ding a, a khut vanin thugen ding hong kipan a, “Israel mipihte le hih lai-ah Pasian a bia Gentail mite aw, ka thugen na ngai un.

Sawltak 6:14

Hih Nazareth khuami Jesuh in biakinnpi phelgawpin, Moses tung pek panin a hong kipan ngeina khempeuh khelmang ding hi, ci-in a thuhilhna ka za uh hi,” a cisak uh hi.

Sawltak 5:35

tua khit ciangin a lawm uliante kiangah, “Israel mite aw, hih mite na bawl nading uh tawh kisai-in limtakin kidawm un.

Sawltak 3:12

Peter in hih mite a muh ciangin amaute kiangah, “Ka mipih Israel mite aw, bang hangin hih thupiang lamdangsa a, bang hangin ko hong hici et na hi uh hiam? Hih mipa lam ka paisak theihna uh, komau’ vang le komau’ hoihna hang sa na hi uh hiam?

Johan 19:19

Pilat in lai khat gelhsakin, “Jew mite’ Kumpipa, Nazareth khuami Jesuh,” cisak a, singlamteh tungah a suangsak hi.

Johan 15:24

Kuamah in a bawl ngei loh na lamdangte amaute lakah a bawl lo hi leng amaute in mawh pualo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Johan 12:17

Jesuh in han sung panin Lazaras samin, sihna panin a thawhsakkik a mu mihonte in tua thu mah gen belin a nei uh hi.

Johan 11:47

Tua ahih manin siampi liante le Farisi mite in thu vaihawm uliante tawh kikupna khat nei uh a, “Hih mipa in nalamdang tampi bawl ahih manin bangcih ding ihi hiam?

Johan 10:37

Ka Pa’ na a sem lo hi leng na hong uploh mah ding uh ahi hi.

Johan 9:33

Tua ahih manin Pasian kiang panin hong pai hikeileh hih bang hih thei lo ding hi,” ci-in a dawng hi.

Johan 7:31

Ahi zongin mihon lak panin mi tampi mah in amah um uh a, “Khrih hong pai ciangin hih mipa sangin nalamdang tamzaw hong bawl tuan ding ahi hiam?” a ci uh hi.

Johan 6:27

A ningthei ante ngaihsutin nei masa kei unla, nuntak tawntungna an kan masa zaw un. Pa Pasian in tua an a pia dingin kei hong sehsa ahih manin keimah in note tungah nuntak tawntungna an ka hong pia ding hi,” ci-in a dawng hi.

Johan 6:14

Jesuh’ nalamdang bawl a muh uh ciangin tua lai-a om mihonpite in, “Leitungah kamsang hong pai ding a kici pa pen hih pa hi taktak hi,” a ci uh hi.

Johan 5:36

Ahi zongin Johan’ teci panna sangin a lianzaw teci khat ka nei a, tua in: Ka Pa in sep dingin a hong piak tu-a ka sep thute in kei a dingin teci a pang hi a, Pa in kei a hong sawl taktak ahihna hong kilangsak hi.

Johan 4:48

Jesuh in ama kiangah, “Note in lim le nalamdang lian ka bawl na muh kei uhleh Topa ka hihna thu na hong um kei ding uh hi,” a cih ciangin

Johan 1:45

Nethanel tawh a kituah ciangin Filip in, “Moses in Thukham laibu sungah a gelh mipa, le kamsangte in zong a gelh mipa ka mu khin uh hi. Amah Jesuh hi a, Nazareth khuami Josef’ tapa ahi hi,” a ci hi.

Luka 24:18

Tua ciangin amau tegel sung panin Kleopas a kici pa in, “Jerusalem-a hawhte lakah tusawng tenga tua lai-a thupiang a thei lo nang bek na hi ding hi,” ci-in a dawng hi.

Mattiu 2:23

Nazareth khua-ah a teng uh hi. Kamsangte in, “Amah pen Nazareth khuami kici ding hi,” ci-in a genkholhna a tun nadingin hih bangin a piang ahi hi.

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-te’ Siangtho Pa ahi hi.

Sawltak 2:19

Tua ciangin vantung le leitungah hilhkholhna lim le nalamdang ka bawl ding hi. Sisan kiluansakna, meikatna le meikhu sahpi hong om ding hi.

Sawltak 2:43

Sawltakte in lim le nalamdang tampi bawl uh a, mi khempeuh in lamdang sa mahmah uh hi.

Sawltak 3:6

Peter in ama kiangah, “Sum ka nei peuhmah kei hi; ahi zongin ka neih kong pia ding hi. Nazareth khuami Jesuh Khrih min tawh, dingin lam na pai nadingin thu ka hong pia hi,” a cih khit ciangin,

Luka 18:37

Mite in, “Nazareth khuami Jesuh hong pai hi,” a na ci uh hi.