Sawltak 2:2 - Tedim Bible

² Tua laitakin huihpi nung bangin huging khat hong tungvat a, amaute’ kikhopna innsung khempeuh hong dim hi.

Tedim Bible Revision 2017

² Tua laitakin huihpi nung bangin huging khat hong tung vat a, amauteʼ kikhopna inn sung khempeuh hong dim hi.

Sawltak 2:2 Referans Kwoze

Sawltak 4:31

Tua bangin thu a nget khit uh ciangin amaute’ kikhopna mun hong kilinggawp hi. Amaute khempeuh Kha Siangtho tawh kidim uh a, hang takin Pasian’ thu gen ding a kipan uh hi.

1 KUMPI MASATE 19:11

Tua ciangin amah in, “Paikhia inla, mualtung, Topa’ mai-ah ding in,” a ci hi. Tua ciangin Topa in hong nawk a, a lian a khauh huihpi in mualte semkhamin Topa’ mai-ah suangtumte sukham a, ahih hangin huihpi sungah Topa om lo hi. Huihpi nun’ a daih khit ciangin zin ling a, ahih hangin zinling sungah Topa om lo hi.

Late 18:10

Kherub khat tungah amah tuangin hong leeng a, huih khate tungah manlang takin hong leeng hi.

Johan 3:8

Huih zong a utna peuhpeuhah nung a, a huging na zaktheih hangin koi lam panin hong nung a, koi lamah nung ahi hiam, cih na mu thei kei hi. Kha tawh a suak mite zong tua mah bang ahi hi,” ci-in a dawng hi.

Isaiah 65:24

Amaute in hong sap ma-in ke’n ka dawng ding a, amaute in thu a gen laitakin ke’n ka za ding hi.

Malakhi 3:1

Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawlkhol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Solomon la 4:16

Saklam huih aw, hong nungsuk inla, khanglam huih aw, hong nungto in. Ka huan sungteng hong namtuisak un. Ka ngaihno, ka huanah hong paisak unla, a gah limci pente hong nesak un.

Luka 2:13

Tua khit phetin tua vantungmi tawh vantung mihonpite thakhatin hong omin Pasian phatna la sa uh a,

Sawltak 2:3

Tua ciangin leii tawh a kibang meikuang bang pian amaute lakah hong kithehthang a, tuate in mi khempeuh sukha kim hi.

Sawltak 2:6

Hih huging a zak uh ciangin mihon tampi tak hong kikhawm uh a, hih Jesuh a um mite’ thugen pen amau’ pau ciatin za uh ahih manin lamdang a sa mahmah uh hi.

1 PETER MASA 1:12

Vantung panin a hong kisawl Kha Siangtho’ vangliatna tawh thu a gen thupuakte’ tung panin na zak uh Thute mah kamsangte in a gen laitakun, tua a thugente uh amaute a’ ding hi loin note a’ ding ahihna thu, Pasian in tua kamsangte tungah a na genzo hi. Vantung mite nangawn in hih thute a theihtelnop khat uh ahi hi.