Sawltak 2:17 - Tedim Bible

¹⁷ ‘Pasian in hih bangin gen hi: Nitawp ni ciangin, mi khempeuh tungah ka Kha ka sung ding a, na tanute uh le na tapate un keima thu taangko ding uh hi; na tangvalte un maang mu ding uh a, na puteekte un mang man ding uh hi.

Tedim Bible Revision 2017

¹⁷ ‘Pasian in hih bangin gen hi: Nitawp ni ciangin, mi khempeuh tungah ka Kha ka sung dinga, na tanute uh le na tapate un keima thu taangko ding uh hi; na tangvalte un maang mu ding uh a, na puteekte un mang man ding uh hi.

Sawltak 2:17 Referans Kwoze

Isaiah 44:3

“Bang hang hiam cih leh a dangtak leitang tungah tui ka sung ding a, lei keu tungah luitui ka luangsak ding hi. Na suanlekhakte tungah ka kha ka sung ding a, na tu na tate tungah ka thupha ka pia ding hi.

Sawltak 10:45

Gentail mite tungah zong Pasian in a Kha Siangtho a piakkhongna thu a muh uh ciangin Joppa khua panin Peter tawh a hong paikhawm Jew mi thu umte in lamdang a sa mahmah uh hi.

Johan 7:39

Jesuh in hih bang a gen ciangin amah a umte in a ngah ding Kha Siangtho thu a genna hi a, tua hun laitakin Pasian’ pianzia nei-in sihna panin Jesuh kithokiksak nai lo ahih manin Kha Siangtho kipiakhia nai lo hi.

Zekhariah 12:10

“David’ suanlekhakte le Jerusalem khuamite’ tungah hehpihna lungsim le thungetna lungsim ka guan ding hi. Amaute in a sutlup uh mipa enin, ta khat neihsun a sihsuah mite bangin kap ding uh a, tacil a khuaisuahte bangin nakpitakin kapin thum ding uh hi.

Ezekiel 11:19

Amaute tungah lungsim thak le ngaihsutna thak ka pia ding hi. Amaute’ suang lungtang paihkhiat sakin mihing lungtang ka guan ding hi.

Hebru 1:2

Ahi zongin tuhun nunung ciangin leitung vantung na khempeuh a bawlin a zat, a tawpna-ah na khempeuh a luah dingin a seh a Tapa zangin eite tungah thu hong gen hi.

1 KORIN MASA 12:28

Tua ahih manin Pasian in pawlpi sungah mi khempeuh ama panmun ciat dingah a hong bulh hi. A masa-in sawltakte, a nihna-ah kamsangte, a thumna-ah laihilhte, tua ciangin nalamdang bawltheite, cina damsak theite, midang a huhtheite, thu vaihawm a siamte, le pau lamdang a pau theite ahi uh hi.

Luka 3:6

Mi khempeuh in Pasian’ hotkhiatna ngah ding uh hi,’” ci-in a kigelh hi.

Sawltak 21:9

Amah in Pasian thu a hilh tanu-ngak li nei hi.

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

2 PETER NIHNA 3:3

A masa penin na theih ding uh panin: Hun nunung lam ciangin amau pumpi deihna zui-in a gamta mi pawlkhat hong om ding a, amaute in note hong zahpih bawlin,

1 KORIN MASA 12:10

Adang khat tungah nalamdang bawl theihna, adang khat tungah Pasian’ thu hilh ding siamna, adang khat tungah Kha Siangtho piak siamna ahi leh ahi lo khentheih nading siamna, adang khat tungah pau lamdang pau theihna, adang khat tungah tua pau lamdang tuamtuam paunate a khiatna gentheihna hong pia hi.

ROM (Romans) 5:5

Pasian in eite tungah a hong piak a Kha Siangtho tawh eite sungah ama itna hong guang ahih manin hih lametna in eite hong lungkiasak ngei lo hi.

Ezekiel 39:29

Israel mite tungah ka kha ka sung ding a, amaute ka nungngat nawn kei ding hi. Topa Pasian in hih thu ka gen khin hi,” hong ci hi.

Isaiah 66:23

Khadet khat pan Khadet khat, keimah bia dingin Jerusalem-ah mi khempeuh hong pai ding uh hi, Topa in ci hi.

Zekhariah 2:13

Mi khempeuh aw, Topa’ mai-ah gamdai-in om un. Bang hang hiam cih leh a siangtho ama omna mun panin amah hong paikhia ta hi.

Isaiah 2:2

Nidang ciangin Topa’ inn a omna mual pen mual liante lakah a sangpenin kikipsak ding a, mual neute tungah kisangsak ding hi. Tua lai-ah minam khempeuh pai muamua ding uh a,

Paunak 1:23

Kong thuhilhna hong ngai un; ka ngaihsutna kong gen ding a, ka theihna kong zasak ding hi.

Late 72:6

Amah pen pawn lak lopa tungah a kia guah, lei a kawtsak guahzu tawh kibang tahen.

Johan 17:2

Bang hang hiam cih leh Tapa tungah na piak mi khempeuh tungah Tapa in nuntak tawntungna a piaktheih nadingin mi khempeuh tungah ukna aana a neih nadingin Tapa tungah na hong piaksa ahi hi.

Micah 4:1

Mailam hunah Topa’ biakinn a omna mual, a sangpen mual hong suak ding a, minam tampi in hong zuan ding uh hi.

Isaiah 40:5

Topa’ kam in gen khin ahih manin, Topa’ minthanna vang hong kilang ding a, mi khempeuh in mukhawm ding uh hi,” a ci hi.

Piancilna 49:1

Tua ciangin Jakob in a tapate sam a, “A hong tung ding hunte-ah note’ tunga hong tung ding thu kong gen theih nadingin note hong kikhawm un.

Isaiah 49:26

Nang hong nengniam mite pen amau’ satak mah ka nesak ding a, zukham bangin amau’ si mah a kham ding uh hi. Tua ciangin kei pen Jakob’ Vanglian Pa, nang hong Tankhiapa, nang hong Hon Topa ka hihna mi khempeuh in hong thei ding uh hi,” a ci hi.

Jeim 5:3

Na ngun le na khamte uh kekseu khinta hi. Hih kekseuna pen note langah teci suak a, mei in a kattum bangin na sa uh hong netum ding hi. Hih a hun nunung ciangin tu-a bangin a piang dingin neihsa a khol na hi uh hi.

Daniel 10:14

Mailam hunah na mipihte’ tunga hong tung ding thu a hilhkhol dingin a hong pai ka hi hi. Hih pen mailam a hong piang lai ding maangmuhna ahi hi,” a hong ci hi.

Piancilna 6:12

Pasian in leitung en a, a kisiagawp mu hi. Bang hang hiam cih leh leitungah mi khempeuh a sia-in a gamta lo kuamah om lo hi.

Late 65:2

Thungetna a zapa na hi a, mawhna hangin nangma kiangah mi khempeuh hong pai ding uh hi.

Sawltak 11:28

Amaute sung panin Agabas a kici kamsangpa hong ding a, leitung khempeuhah kialpi hong tung ding hi, ci-in Kha Siangtho sawlna tawh a genkhol hi. (Tua kialpi pen Klaudias in Gam uk Kumpi a sep laitakin a tung hi.)

Sawltak 2:16

Hih thupiang pen kamsang Joel in a gensa thu hi a, tua sungah,

Sawltak 2:18

Tua ni ciangin ka nasem numeite le ka nasem pasalte’ tung nangawnah ka Kha ka sung ding a, amaute in keima thu gen ding uh hi.

Sawltak 2:33

Amah in Pasian’ taklamah omna dongin liatna ngah a, ama tungah Pasian in a ciamsa Kha Siangtho zong a ngahkhin hi. Tu laitak a na muh na zak uh nate pen kote tungah a hong piak tua Kha Siangtho ahi hi.

Sawltak 11:27

Tua hun pawl laitakin Jerusalem khua panin Antiok khua-ah kamsang pawlkhat paisuk uh hi.