Sawltak 2:14 - Tedim Bible

¹⁴ Tua ciangin sawltak sawm le khatte tawh a omkhawm Peter hong dingto-in, mihonte tungah nakpitakin thu hong gen a, “Ka mipih ahi Jew mite le Jerusalem khuasunga om mi khempeuhte aw, hih thupiang hong gen ding ka hih manin limtakin na ngai un.

Tedim Bible Revision 2017

¹⁴ Tua ciangin sawltak sawm le khatte tawh a om khawm Peter hong ding to-in, mihonte tungah nakpi takin thu hong gen a, “Ka mipih ahi Jew mite le Jerusalem khua sunga om mi khempeuhte aw, hih thupiang hong gen ding ka hih manin limtakin na ngai un.

Sawltak 2:14 Referans Kwoze

Isaiah 51:7

“Thuman a thei, na lungsim sung uhah keima thu a vom mite aw, ka thu ngai un. Mihingte’ kosiatna kihta kei unla, amaute’ hong simmawhna hangin lungkia kei un.

Sawltak 5:35

tua khit ciangin a lawm uliante kiangah, “Israel mite aw, hih mite na bawl nading uh tawh kisai-in limtakin kidawm un.

Hosea 8:1

Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Isaiah 58:1

Na aw siit hetloin nakpitakin kiko inla, peengkul aw bangin gingsak in. Ka mihingte tungah amau’ khialhnate gen inla, Jakob innkuan tungah amau’ mawhnate gen in.

Isaiah 51:1

Topa in, “Hotkhiat ding a ut, Topa a zongte aw, ngai un. Note hong ki-eu khiatna suangpi, note hong kitawhkhiatna khuk en un.

Thu-hilhkikna 27:9

Tua ciangin Moses le Levi siampite in Israel-te khempeuh tungah, “Israel-te aw, gamdai unla ngai un: Tuni-in Topa note’ Pasian’ mi na suak uh hi.

Sawltak 21:28

“Israel mite aw, hong huh un. Mun khempeuhah thu hilh kawikawi-in, Moses Thukham, le hih biakinn langpangin mi khempeuh kiangah Israel mite a hong gensia pa ahi hi. Tu-in Gentail mite nangawn biakinn sungah hong paipihin hih biakinn siangtho a ninsak hi,” ci-in a awng uh hi.

Sawltak 7:2

Stefen in, “Ute pate aw, ka thugen hong ngai un. I pupi Abraham, Haran khua-ah a tenma, Mesopotamia gamah a om lai-in, ama kiangah a minthang Pasian kilang a,

Sawltak 2:22

“Ka mipih Israel-te aw, hih ka thugen na ngai un: Nazareth khuami Jesuh tungtawnin Pasian in lim le na lamdangte bawlin na hong sem ahih manin, Jesuh pen Pasian’ sawl nasem ahihna teltakin na thei uh hi. Hih thu pen note lakah a piang thu ahih manin nomau mahmah in na thei uh hi.

Sawltak 1:26

Tua ciangin a teel nadingun lai ai san uh a, Matthias in ngah ahih manin sawltak sawm le khatte tawh a kisim khawm pah hi.

Isaiah 55:2

An ahi lo nate lei nadingin bang hangin na sum uh zang a, hong gilvahsak thei lo nate ngah nadingin bang hangin na sem na hi uh hiam? Keima thu limtakin ngai-in a limci an ne unla, anlimte ah nuamsa-in om un.

Isaiah 52:8

Ngai un, na galvilte un a aw uh sangsak a, amaute in lungdamin la sa khawm uh hi. Bang hang hiam cih leh Zion-ah Topa hong paikikna amaute in maitang kituahin a mu uh hi.

Isaiah 51:4

“Ka mite aw, ka thugen hong ngai un. Minamte tungah thu ka hilh a, keima thukham in amaute tungah khuavak tun ding hi.

Paunak 8:32

“Tate aw, tu-in ka thugen hong ngai unla, kong gente zui le-uhcin lungdamna na ngah ding uh hi.

Jeim 2:5

Sanggamte aw, hoihtakin na ngai un. Pasian a it mite tungah piak dingin a ciam vantung gam a ngah ding le upna thu-ah mihau a suak dingin Pasian in leitung mizawngte a teel hinapi-in,

Sawltak 13:16

Tua ahih manin Paul hong ding a, a khut vanin thugen ding hong kipan a, “Israel mipihte le hih lai-ah Pasian a bia Gentail mite aw, ka thugen na ngai un.

Isaiah 40:9

Jerusalem aw, mual sang dawnah kahto-in lungdamna thu kiko in. Zion aw, nakpitakin awng inla, lungdamna thu taangko in. Nakpi takin kiko inla, lau kei in. Judah gam khuapite tungah, “Na Pasian uh hong pai ta hi,” ci-in gen ta un.

Mattiu 2:1

Herod in Judea gamah kumpi a sep hun laitakin tua gam sung Bethlehem khua-ah Jesuh a suak hi. A suah khit phetin aksi thu lamsang a siam mi pawlkhat, nisuahna lam panin Jerusalem-ah hong tung uh a,