Sawltak 2:13 - Tedim Bible

¹³ Ahi zongin mi pawlkhatte in hih Jesuh a umte simmawhbawl uh a, “Zukham ahi uh hi,” ci-in a zahko uh hi.

Tedim Bible Revision 2017

¹³ Ahi zongin mi pawl khatte in hih Jesu a umte simmawh bawl uh a, “Zukham ahi uh hi,” ci-in a zahko uh hi.

Sawltak 2:13 Referans Kwoze

1 KORIN MASA 14:23

Tua ahih manin pawlpi mi khempeuh na kikhopna uhah na vekpi-un pau lamdangin pau-in, mi mawkmawkte ahih kei leh thu um lo mite in hong mu zenzen leh, note pen mihai hontang hi, hong ci ding hi lo ahi uh hiam?

Sawltak 2:15

Tuhun pen zingsang nai kua hi pan ahih manin, note’ ngaihsut bangin hih mite zukham hi lo uh hi.

1 SAMUEL MASA 1:14

Tua ahih ciangin Eli in ama kiangah, “Bang tanvei zu kham ding na hi hiam? Na leenggahzu nek khawl in,” a ci hi.

Zekhariah 10:7

Israel mite, galkap hatte bang ding uh a, zukham lungnuam, bang ding uh hi. A suan a khakte un hih gualzawhna phawkin lungdam ding uh a, Topa’ bawlna hangin kipak ding uh hi.

Zekhariah 9:15

Vanglian Topa in ama mite hu ding a, ama mite in a galte uh susia ding hi. Galdona sungah zukham bangin awng gawp ding uh a, a galte uh’ sisan luangsakgawp ding uh hi. Biakna site, biakna tau tungah hai a sun tawh kibangin a luangsak ding uh hi.

Isaiah 25:6

Vanglian Topa in hih mual tungah mi khempeuh a dingin anlim nekna pawi, a ciil mahmah leenggahzu nekna pawi, guhngek tawh a kidim an nekna, a siangtho leenggahzu ciil nekna pawi bawl ding hi.

Solomon la 7:9

Na kam, leenggahzu bangin khum zungzung hi. Ka ngaihno tungah leenggahzu khum luang hen la, a muk a ha tawk kim hen.

JOB (Job) 32:19

Thugen theih nading hun a nei lo hi leng, leenggahzu thak a kithun leenggahzu um bangin ka puakkham ding hi.

Efesa 5:18

Zu in mi siasak thei ahih manin zu ne kei unla, Kha Siangtho tawh a kidimin omzaw un.

Zekhariah 9:17

Tua thu bangzah takin hoihin nuam ding ahi hiam? Anlim nekna in tangvalte thahatsak ding a, zulim nekna in nungakte thadimsak ding hi.