Sawltak 2:11 - Tedim Bible

¹¹ Jew mite le Gentail mi Jew biakna a zuite ihi a, pawlkhatte pen Krete gam le Arabia gam pan ihi hi. Tua bang hinapi-in, Pasian’ sep na lamdang liante a kigenna eima pau ciatin i za hi,” a ci uh hi.

Tedim Bible Revision 2017

¹¹ Jew mite le Gentail mi Jew biakna a zuite ihi a, pawl khatte pen Krete gam le Arabia gam pan ihi hi. Tua bang hi napi-in, Pasianʼ sep nalamdang liante a kigenna eima pau ciatin i za hi,” a ci uh hi.

Sawltak 2:11 Referans Kwoze

1 KORIN MASA 12:10

Adang khat tungah nalamdang bawl theihna, adang khat tungah Pasian’ thu hilh ding siamna, adang khat tungah Kha Siangtho piak siamna ahi leh ahi lo khentheih nading siamna, adang khat tungah pau lamdang pau theihna, adang khat tungah tua pau lamdang tuamtuam paunate a khiatna gentheihna hong pia hi.

Paikhiatna 15:11

“Topa aw, pasian-te’ lakah kua, nang tawh kibang ahi hiam? Kua, nang tawh kibangin, sianthona-ah lianin, minthang nasepna-ah kihtakhuai-in, nalamdang sem ahi hiam?

Hebru 2:4

Amaute’ thugenna banah Pasian in vangliatna lim, le nalamdang a tuamtuamte bawlna tawh hong genbeh lai hi. Tua banah ama hoihsak bangin Pasian in Kha Siangtho zong hong hawm lai hi.

Titu 1:12

Amau Krete gam mite sung panin a kamsang uh khat in, “Krete gam mite a zuauthei tawntung, ganhing bangin a gilo, a thadah a uisan mi ahi uh hi,” na ci hi.

Jeremiah 25:24

Arabia kumpite khempeuh; sehnel gam sunga teng minam kigawm khawmte’ kumpite khempeuh;

Late 26:7

Lungdam kohna la a gingin sa-in, nangma nasep a lamdangte ka gen kawm hi.

JOB (Job) 9:10

Amah in kuama theih zawh loh na lian tampi bawl a, kuama simzawh loh nalamdang tampi sem hi.

Titu 1:5

Krete Tuikulh gam sung tengah a manin puahphat ding a kisam lai a omte a sem ding le khua simah pawlpi upa a koih dingin tua gamah a hong nusia ka hi hi. Nang tungah ka hong gensa thute hoihtakin na phawk in:

Sawltak 27:12

Phalbi hun sungteng tua ka khawlna mun uh belh dingin hoih lo ahih manin, mi tampite’ ngaihsutna-ah, paikhia-in ahih theih le Foenik teembaw khawlna ciang tunzawh nading hanciam ding hoihsa uh hi. Tua lai mun pen Krete tuikulh-ah teembaw khawlna khat hi a, khang nitumna pan sak nitumna lam a nga teembaw khawlna ahih manin phalbi hun sungteng nuamtakin tua lai-ah a ki-om thei ding ahi hi.

Sawltak 27:7

Tua lai panin ni tampi sung damdamin ka pai uh a, haksapipi-in Nidas khuapi santak ka tung uh hi. Tua lai panin ka paisuaknop uh hangin huih kiphuzo nawn lo ahih manin Krete tuikulh beelin ka sukpai uh a, Salmone leidawk gei tawnin ka paisuak uh hi.

Jeremiah 3:2

Khuadak inla mualsang dawnte en dih in. Hong kilup khoppih lohna mun koi laitakah om ahi hiam? Arab mite in a suam dingun gamlakah mi a ngak uh bangin lam gei-ah tu-in na luppih ding mi na ngak hi. Na paktatna le na gitlohna tawh hih gam na ninsakzo hi.

Isaiah 28:29

Hih zong Vanglian Topa’ kiang pan a hong pai thu ahi hi. Amah pen thu lamlahna-ah lamdang mahmah a, pilna-ah lian mahmah hi.

Isaiah 25:1

Topa aw, nang pen keima Pasian na hi hi. Nangmah kong liansak ding a, nangma min ka phat ding hi. Bang hang hiam cih leh a lamdang nate na sem khin a, tanglai peka na geelnate a kip a kho takpi ahi hi.

Isaiah 13:20

Khang tawntungin tua lai-ah kuamah teng lo ding a, tua lai-ah kuamah om ngei nawn lo ding hi. Arabia mite kuamah in tua lai-ah a puanbuk lam lo ding a, tuucingte kuamah in tua lai-ah a tuute lumsak lo ding hi.

Late 136:4

Na lamdang lian a bawl amah bek Pasian ahipa tungah, bang hang hiam cih leh ama itna kip tawntung hi.

Late 111:4

Amah in phawk tawntung dingin a lamdang nasepnate hong bawl a, Topa dikin hehpihna nei hi.

Late 107:21

Ama itna kip le mihing tate tungah a lamdang a nasepnate hangin amaute in Topa tungah lungdamna ko ta uh hen.

Late 107:15

Ama itna kip le mihing tate tungah a lamdang a nasepnate hangin amaute in Topa tungah lungdamna ko ta uh hen.

Late 107:8

Ama itna kip le mihing tate tungah a lamdang ama sepnate hangin amaute in Topa’ tungah lungdamna ko ta uh hen.

Late 96:3

Ama minthanna minamte lakah gen unla, ama nalamdang septe mi khempeuh lakah pulak un.

Late 89:5

Topa aw, na nasepna a lamdangte, vantungte phatsak inla, mi siangthote’ kikhopna sungah na thumanna phatsak in.

Late 78:4

Hih thute, i tate tungah eite in im loin, a hong piang lai ding khang thakte tungah, Topa’ minthang nasepna, ama vangliatna, ama sepsa na lamdangte i gen ding hi.

Late 77:11

Topa’ sepnate ka lungsimah ka phawk ding a, hun lui lai-a nangma na lamdangte ka ciamteh ding hi.

Late 71:17

Pasian aw, ka khangno lai a kipanin nong thuhilh a, a lamdang na nasepnate ka gengen lai hi.

Late 40:5

Topa ka Pasian aw, na sep a lamdangte le ko a dingin na ngaihsutnate tampi tak na phasak a, kuamah dang tawh tehtheih na hi kei hi. Tuate pulakin gen ding hi leng, genkhit zawh ding hi lo hi.

2 KHANG TANGTHU NIHNATE 26:7

Filistia mite, Gurbaal-ah a teng Arab mite, le Meunim mite a dona-ah Pasian in amah huh hi.

2 KHANG TANGTHU NIHNATE 17:11

Filistia mite pawlkhat in Jehoshafat tungah letsongte, le siah dingin ngun a puak uh hi. Tua ciangin Arab-te in zong ama tungah tuutal tulsagih le zasagih, le keeltal tulsagih le zasagih mah a puak uh hi.

Galati 4:25

Arabia gam a om Sinai Mual lim ahi Hagar pen tu laitakin a mite tawh salin a om Jerusalem khuapi a cihnopna ahi hi.

Galati 1:17

keima hun ma-in sawltak na a sem khinsa mite tawh a kimu dingin zong Jerusalem khua-ah ka pai tuan kei hi. Arabia gamah ka paizaw a, tua lai panin Damaskas khua-ah ka kileh hi.

Isaiah 21:13

Arabia gam tawh kisai thu hih bangin gen hi: Dedan mi khualzin honte aw, Arabia gamlakah na giak ding uh hi.

1 KORIN MASA 12:28

Tua ahih manin Pasian in pawlpi sungah mi khempeuh ama panmun ciat dingah a hong bulh hi. A masa-in sawltakte, a nihna-ah kamsangte, a thumna-ah laihilhte, tua ciangin nalamdang bawltheite, cina damsak theite, midang a huhtheite, thu vaihawm a siamte, le pau lamdang a pau theite ahi uh hi.

Sawltak 2:10

Frigia gam, Pamfilia gam, Egypt gam, le Sairin khuapi gei-a om Libya gamte pan ihi a, pawlkhatte Rom gam pan ihi hi.

Sawltak 2:12

Amaute in lamdangsa-in lungmang mahmah uh a, “A bangci thu ahi hiam?” ci-in khatlekhat a kidong uh hi.

Sawltak 27:13

Leitaw lam panin huih hong nun’ hiauhiau ciangin ei’ deihna bang hi, ci-in ngaihsun uh ahih manin teembaw khihna sikkawipi kaikhiato uh a, Khawlmun Nuam panin Krete tuikulh a kineh thei zahzahin nehkawmin ka pai uh hi.