Sawltak 2:10 - Tedim Bible

¹⁰ Frigia gam, Pamfilia gam, Egypt gam, le Sairin khuapi gei-a om Libya gamte pan ihi a, pawlkhatte Rom gam pan ihi hi.

Tedim Bible Revision 2017

¹⁰ Frigia gam, Pamfilia gam, Egypt gam le Sairin khuapi gei-a om Libya gamte pan ihi a, pawl khatte Rom gam pan ihi hi.

Sawltak 2:10 Referans Kwoze

Sawltak 16:6

Asia gam sungah thu a hilh ding uh Kha Siangtho in phal lo ahih manin Frigia le Galatia gam sungtengah a zin uh hi.

Zekhariah 8:23

Tua hun ciangin minam tuamtuamte sung panin mi sawm, Jew mi khat kiangah hong pai-in, ‘Pasian in nang hong ompihna thu za ka hih manun na nung hong zuisak in,’ ci-in thum ding uh hi,” a ci hi.

Sawltak 18:23

Antiok khua-ah tawlkhat a taam khit ciangin Galatia gam le Frigia gam sungah pai-in thu um mi khempeuh a va thakhauhsak hi.

Sawltak 15:38

ahi zongin Johan Marka in a khualzin masakun a tawp dongin zui loin Pamfilia gam panin ciahsan ahih manin Paul in hoihsa lo hi.

Sawltak 13:43

Kikhopna inn panin a ciahkhiat uh ciangin Jew mi tampite le Jew biakna a zui Gentail mi tampite in Paul le Barnabas zui uh a, amau tegel in zong tua mite hanthawnin, Pasian’ hehpihna suangin kiptakin a om nadingun a gen uh hi.

Sawltak 13:13

Tua ciangin Pafos khua panin Paul le a lawmte teembaw tuangin Pamfilia gam Perga khua a tung uh hi. Tua khua panin Johan Marka in amaute nusia-in Jerusalem khua-ah a ciahkik hi.

Zekhariah 8:20

Vanglian Topa in hih bangin ci hi: “Minam liante le khuapi liante panin Jerusalem-ah mi hong pai hun hong tung ding hi.

2 TIMOTI NIHNA 1:17

Rom khua hong tun ciangin kei hong muh matengin hong zong pah hi.

ROM (Romans) 1:15

Rom khua-a a om note tungah zong Lungdamna Thu hilh ding ka lawp mahmah hi.

Sawltak 27:5

Silisia le Pamfilia gam tawh a kizom tuipi kantanin ka pai uh a, Lysia gam Myra khua ka tung uh hi.

Sawltak 14:24

Pisidia gam a khenkhit uh ciangin Pamfilia gam a tung uh hi.

Sawltak 11:20

Ahi zongin Saipras gammi le Sairin khuami thu um mi pawlkhatte Antiok khua-ah pai uh a, Topa Jesuh hanga Lungdamna Thu, Gentail mite kiangah zong a gen uh hi.

Marka 15:21

Tua bangin a pai laitakun, Alexander le Rufas’ pa, Sairin khuami Simon a kici mi khat, gam sung panin khuapi sunga hong pai tawh kituak uh a, Jesuh’ singlamteh a pua dingin lammat uh hi.

Mattiu 27:32

Tua bangin a pai laitakun Sairin khuami Simon kici mi khat tawh kituak uh a, amah lammatin Jesuh’ singlamteh a puasak uh hi.

Hosea 11:1

Israel a neu lai-in ka it mahmah a, Egypt gam panin ka tapa ka samkhia hi.

Daniel 11:43

Amah in Egypt gam sunga kiseel ngun le kham le a neihsa uh na manphateng khempeuh a la ding hi. Amah in Libya le Ethiopia gam zong a zo ding hi.

Ezekiel 30:5

“Tua galpi in Ethiopia gam, Put gam, Lud gam, Arabia gam, le Libya gam panin a kicial galkap khempeuh that ding a, keima mite’ lak pana galkapte nangawn si ding uh hi.

Jeremiah 46:9

Sakolte aw, mai nawt un; sakol leengte aw, hat un! Lum a tawi Ethiopia mite le Put mite aw, thal tawi a siam Lud mite aw, na galkapte uh kuansak un.

Piancilna 12:10

Kanaan gam sungah kialpi tung hi. Tua kialpi nasia ahih manin tawlkhat sung a om dingin Egypt-ah Abram a paisuk hi.

Mangmuhna 11:8

singlamteh tungah amaute’ Topa a kithahna mun Sodom ahih kei leh Egypt minkhem a pua khuapi kongzingah a luanghawm uh kipaidak ding hi.

ROM (Romans) 1:7

Tua ahih manin Pasian in hong it a, ama mi dingin a hong sap, no Rom khua-a a om Khristiante khempeuh tungah lai ka hong khak hi. I Pa Pasian le Topa Jesuh Khrih in note tungah dikna le nopsakna thupha hong tungsak tahen.

Sawltak 28:15

Rom khua-a om ulenaute in kote’ thu na za uh ahih manin pawlkhat in, “Appias Sumbuk,” ciang dong hong dawn uh a, pawlkhat in “Ansai Thumna,” ciang hong ban uh hi. Paul in amaute a muh ciangin Pasian tungah a lungdamna ko a, a lungsim hong nuam mahmah hi.

Sawltak 18:2

Tua lai-ah Pontas gam a suak, Jew mi Aquila a kici mi khat tawh a kimu hi. Gam uk Kumpipa in Jew mi khempeuh Rom khua panin a taikhiat nadingun thu pia ahih manin Aquila le a zi Prisilla pen Italy gam panin Korin khua a hong tun uh a sawt nai lo ahi hi. Tua nupate tawh a kimu dingin Paul zong a inn uhah va hawh a,

Sawltak 13:1

Antiok khua pawlpi sungah kamsang pawlkhat le sia pawlkhat om uh hi. Tuate pen Barnabas, Mi Vom pa zong a kici Simon, Sairin khuami Lusias, gam ukpipa khutnuai-ah gam a uksawn Herod tawh a khangkhawm Manaen, le Saul ahi uh hi.

Sawltak 6:9

Ahi zongin mi pawlkhat in Stefen langpan’ uh hi. Tua mite pen mite in, “Sal Suakta Mite,” a cihte pawl uh hi a, Sairin khua le Alexandria khua panin a hong pai Jew mite ahi uh hi. Hih Jew mite, Silisia le Asia gam pan a hong pai Jew mite tawh kipawlin Stefen tawh thu kisel dingin hong kipan uh hi.

Sawltak 6:5

A vekpi-un sawltakte’ thugente thukimpih uh ahih manin, Kha Siangtho tawh kidimin upna a nei Stefen, Filip, Prokhoras, Nikanor, Timon, Parmenas, le Antiok khua pan Gentail mi ahi Jew biakna a zui Nikolas a teel uh hi.

Mattiu 2:15

Herod a sih hun ciang dong tua gamah a va om uh hi. Kamsangpa tungtawnin Topa in, “Egypt gam panin ka Tapa ka samkhia hi,” ci-in a genna thu a tun nadingin hih bangin a piang ahi hi.

Jeremiah 9:26

Egypt mite, Judah mite, Edom mite, Ammon mite, Moab mite le a sam uh a mettom sehnel gam a omte khempeuh zong gim ka pia ding hi. Bang hang hiam cih leh hih gamte khempeuh in a vun uh at lo uh a, Israel mi khempeuh zong a lungsim sung uhah vun at lohpi ahi uh hi,” a ci hi.

Esther 8:17

Kumpipa’ thupiakna a tunna gam le khua khempeuhah Jew mite a dingin lungdamna le kipahna, pawi bawlna le nasep khawlin zum khakna a om hi. Tua hi a, midangte in Jew mite kihta uh ahih manin tua gam a om mi tampi tak in Jew mi ka hi uh hi, a ci uh hi.

Sawltak 23:11

Tua zanin Paul kiangah Topa hong ding a, “Hang takin om in. Hih Jerusalem khua sungah keima thu genin teci na pan’ mah bangin Rom khuapi-ah zong keima thu genin teci na pang ding hi,” a ci hi.

Mattiu 23:15

“Mihoih a kineihkhem, no Thukham hilh siate le Farisi mite in gimna na thuak ding uh hi. Note in mi khat bek nangawn na ngah zawh nading uh na hanciamna un leitung tuitung lumletin khual na zin uh a, na ngahsunte uh zong note zah nihin a siahuai, hell khuk tung ding mi na suah uh hi.

Sawltak 2:11

Jew mite le Gentail mi Jew biakna a zuite ihi a, pawlkhatte pen Krete gam le Arabia gam pan ihi hi. Tua bang hinapi-in, Pasian’ sep na lamdang liante a kigenna eima pau ciatin i za hi,” a ci uh hi.

Sawltak 17:21

(Athen khuamite le tua khua-a om gamdang mite in thu thak la thak ngaihsunin kikup ding simloh thudang ngaihsutin nei lo uh hi.)