Sawltak 19:23 - Tedim Bible

²³ Tua hun laitakin Topa’ thu hangin Efesa khua-ah buaina lianpi khat a hong piang hi.

Tedim Bible Revision 2017

²³ Tua hun laitakin Topaʼ thu hangin Efesa khua ah buaina lianpi khat a hong piang hi.

Sawltak 19:23 Referans Kwoze

Sawltak 24:22

Tua ciangin tua Thu paizia teltakin a thei Feliks in a thusitna hialbawl a, “Galkap mangpa Lysias hong tun ciangin na thu uh kong khensak ding hi,” ci-in a genkhit ciangin,

Sawltak 19:9

Ahi zongin mi pawlkhat in kin hetloin um nuam lo uh a, mipi’ zakin Topa’ thu paiziate gensia gawp uh ahih manin Paul in amaute nusia-in thu um mite paikhiatpih a, Tirannas in thugenna-in a neih innpi sungah nisimin thugenna hun a zang hi.

Sawltak 9:2

Topa’ thu a zui mi numei pasal a muh peuhpeuh manin Jerusalem khua-ah a ciahpih theih nadingin Damaskas khua-a Jew mi kikhopna inn ukte kiangah a lah dingin lai a ngen hi.

2 KORIN NIHNA 6:9

mi khempeuh in hong theih hinapi-in theih loh mi bangin hong kibawl a, nong theih uh mah bangin kote a nungta hinapi-in misi bangin hong kingaihsun hi.

Sawltak 24:14

Ahi zongin nangma kiangah kong pulaknop thu in: Amaute in man lo hi, a cih uh tua Thu zui-in kote’ pu le pate’ Pasian ka bia hi. Moses’ Thukham laibu sunga a kigelh thu khempeuh le kamsangte’ laibu sunga a kigelhte khempeuh zong ka um hi.

Sawltak 22:4

Hih Thu a zui numei pasal a kuamah peuh manin thong sung ka denna a, sihna ciang dongin amaute ka bawlsia hi.

Sawltak 18:26

Amah in kikhopna inn sungah hangtakin thu hilh ding kipan a, Prisilla le Aquila in ama thuhilhna a zak uh ciangin a omna uh inn-ah Apollos ciahpihin, Pasian’ thu paiziate a mantakin a hilhtel uh hi.

2 KORIN NIHNA 6:5

Kote hong kisatin, thongah hong kikhia-in, mihonpi in hong hihgawp uh hi; nakpitakin na semin, an ne lo, ihmu lo liangin ka om uh hi.

2 KORIN NIHNA 11:26

Khual ka zinzinna lamin tuikhang lauhuaina, misuamte lauhuaina, ka mipihte’ suk ding lauhuaina, Gentail mite’ suk ding lauhuaina, khuapi sung le gamlakah lauhuaina, tuipi tungah lauhuaina, lawm man lote’ hih ding lauhuaina a tuamtuamte ka phukha hi.