Sawltak 19:22 - Tedim Bible

²² Tua ahih manin amah a huh Timoti le Erastas, Masedonia gamah paisak a, amah in Asia gam sungah tawlkhat hun a zang hi.

Tedim Bible Revision 2017

²² Tua ahih manin amah a huh Timoti le Erastas, Masedonia gamah paisak a, amah in Asia gam sungah tawl khat hun a zang hi.

Sawltak 19:22 Referans Kwoze

2 TIMOTI NIHNA 4:20

Erastas, Korin khua-ah omlai hi. Trofimas, Miletas khua-ah a cina-in ka nusia hi.

ROM (Romans) 16:23

Keima zintunna pa le pawlpite’ kikhopna inn nei pa zong ahi Gaias in zong hong hopih hi. Ka omna khuapi sumkem pa Erastas le i Khristian sanggam Kuartas in zong hong hopih uh hi.

Sawltak 19:29

Khuasung khempeuhah tua buaina hong kizel a, mihonte in Paul tawh a kikhawl Masedonia mi Gaias le Aristarkhas manin mihon kikhopna innpi-ah a kai uh hi.

Sawltak 19:10

Hih bangin kum nih sung tawntung thu gen niloh ahih manin Asia gam sunga om Jew mi le Gentail mi khempeuh in Topa’ thu a za uh hi.

Sawltak 18:5

Masedonia gam panin Silas le Timoti hong tun ciangin Paul in a hun neih khempeuh thuhilhna-in zang a, Jesuh pen Khrih ahi hi, ci-in Jew mite kiangah teltakin a gen hi.

Sawltak 16:3

Paul in Timoti tonpih nuam ahih manin a vun a atsak hi. Tua gam a om Jew mi khempeuh in Timoti’ pa pen Grik mi ahih lamtak theikim uh ahih manin tua bangin a atsak ahi hi.

Sawltak 16:1

Paul paisuak lai-in Derbe khua tung a, tua panin Lystra khua a tung hi. Tua Lystra khua-ah Timoti a kici thu um mi khat om a, a nu zong thu um Jew mi hi a, a pa pen Grik mi ahi hi.

Sawltak 13:5

Saipras tuikulh-a om Salamis khua a tun uh ciangin Jew mite’ kikhopna innte-ah Pasian thu a hilh uh hi. Tua a nasepna uhah a huh dingin Johan Marka zong amaute tawh a omkhawm hi.

1 THESALONIKA MASA 1:8

Note’ gamtatna ziate’ hangin Masedonia le Akhaia gam sungteng bekah Topa’ thu a kithei hi loin, note in Pasian na upna thu uh mun khempeuhah kiza ahih manin kote’ gen ding bangmah kisam nawn lo hi.

2 KORIN NIHNA 8:1

Sanggamte aw, Masedonia gam pawpite-ah Pasian’ hehpihna hangin a piang thute ka hong theisak nuam uh hi.

2 KORIN NIHNA 1:16

Masedonia gam ka pai ciangin hong nawk masa-in, Masedonia gam panin ka kilehkik ciangin zong Judea gam a ka paina dingah nong huh theih nadingun hong nawk leuleu dingin ka ngaihsun masa phot hi.

Sawltak 20:1

Hih buaina thu a ven’ ciangin Paul in thu um mite kaikhawmin, hanthotna kam genin amaute mangpha khak a, Masedonia gam a zuan dingin ding khia hi.

2 KORIN NIHNA 11:9

Note lakah na ka sep laitakin Masedonia gam panin a hong pai pawlpi mite in ka sapna khempeuh hong puak uh ahih manin note khat beek ka hong gimsak kei hi. A beisa hunah note ka hong gimsakkhak loh mah bangin mailam hunah zong ka hong gimsakkha het kei ding hi.

2 KORIN NIHNA 2:13

Ahi zongin tua lai-ah i sanggampa Titus na om lo ahih manin ka lungsim om thei nawn lo hi. Tua ahih manin tua lai-a om mite nusia-in Masedonia gamah ka paisuak hi.

Sawltak 19:21

Hih bang thuteng a piankhit ciangin Masedonia gam le Akhaia gamah Paul zinin Jerusalem-ah paisuak ding a ngaihsun hi. Tua khit ciangin Rom khua-ah zong pai ning, a ci hi.

Sawltak 20:34

Kei le ka kithuahpihte’ kisapna khempeuh ka ngahtheih nadingin keima khut mahmah tawh na ka sepna thu note in na thei uh hi.

2 KORIN NIHNA 8:19

Tua tham loin, Pasian’ minthan nading le midangte ka huhnopna uh a kilat nadingin hih bangin mi huh nading vaihawmin ka khualzinna peuh uhah a hong zui dingin pawlpite in teelin a seh pa uh zong ahi hi.