Sawltak 19:19 - Tedim Bible

¹⁹ Ai a san ngei mi tampi tak in zong a aisanna laibute uh hong paipih uh a, mi khempeuh’ muhin a haltum uh hi. Tua laibu mante a gawm uh ciangin ngun peek then nga man bang ahi hi.

Tedim Bible Revision 2017

¹⁹ Ai a san ngei mi tampi tak in zong a aisanna laibute uh hong paipih uh a, mi khempeuhʼ muhin a hal tum uh hi. Tua laibu mante a gawm uh ciangin ngun peek then nga man bang ahi hi.

Sawltak 19:19 Referans Kwoze

Sawltak 13:8

Ahi zongin tua mitphial siampa Elymas (a Grik min) in Barnabas le Saul na nial a, gam ukpa in Pasian’ thu a up theih loh nadingin a na hanciam hi.

Paikhiatna 32:20

Amah in amaute’ bawlsa bawngno la-in mei tawh hal a, gawivui-in tui tungah theh a, Israel mite a tui dawnsak hi.

Piancilna 35:4

Tua ahih ciangin amaute in Jakob’ tungah amau’ neih gamdang pasian khempeuh le a bil uha om bilbahte a pia uh hi. Jakob in Shekhem khua gei-a tawsaw nuai-ah tuate a seel hi.

Sawltak 13:6

Tua tuikulh tung khempeuhah zin kawikawi-in Pafos khua a tun uh ciangin mitphial a bawl, kamsang a kineih, Barjesuh min nei Jew mi khat a tuak uh hi.

Daniel 2:2

Tua ahih ciangin bang mang man cih a hilh dingin mitphial siamte, mibum theite, le khongkhai siamte a samsak hi.

Isaiah 30:22

Tua ciangin note in ngun tawh a kizut na milimte uh le kham a kiluan, a kisung na milimte uh na ninsak ding uh hi. Nin bangin tuate na thehthang ding uh a, tuate tungah, “Beimang ta un!” na ci ding uh hi.

Hebru 10:34

Note in a hoihzaw, a kipzaw nate a nei na hihlam uh kithei na hih manun thongkia mite thuakpih ngamin, na neihsa uh hong kilaksak hangin zong lungdam takin na om thei veve lai uh hi.

Luka 14:33

Tua mah bangin mi khat in a neih khempeuh a piakkhiat ngam kei leh keima nungzui suak thei lo ding hi.

Isaiah 8:19

Amaute in note kiangah, “Phun suausuau-in a pau mualmual vankah theite le aisan theite kiangah thu dong un. Mite in amau’ pasian-te thu dongin, mihingte’ thu pen misite dot ding mah hi lo ahi hiam?” hong ci ding uh hi.

2 KHANG TANGTHU NIHNATE 33:6

Tua ciangin amah in Hinnom’ tapa’ kuamah biakna-in a tapate hal a, aisanna le mailam thugenkholhna le khongkhaina zang a, vankah theite le aisante tawh na semkhawm hi. Amah in Topa’ muhna-ah siatna tampi bawl a, amah hehsak hi.

1 KHANG TANGTHU MASATE 10:13

Tua ahih ciangin Saul a thuman lohna hangin a si hi. Amah in Topa’ thupiakna a zuih lohna, le vankah khat thu dongin a lamlah ding a zonna,

Paikhiatna 7:22

Ahih hangin Egypt mitphial siamte in amau’ siamna tawh tua bangmah bawl thei uh hi. Tua ahih ciangin Faro’ lungsim a khauh ngei mahin khauh a, Topa’ gensa bangin amah in amaute’ thu ngai lo hi.

Paikhiatna 7:11

Tua ciangin Faro in a mipilte le a aisan siamte a sam hi. Egypt mitphial siamte in zong amau’ siamna tawh tua bang teek mahin a bawl thei uh hi.

Luka 15:8

Tua ciangin Jesuh in tua ahih kei leh zong, “Numei khat in sum peek sawm a neih sung panin khat mansuah leh bangcih ding ahi hiam? Meivak vakin, a innsung teng phiatin, a muh matengin mun khempeuh limtakin zong ding hi.

Sawltak 19:18

Thu a um midang tampi tak zong hong pai uh a, mipi’ zakin a gamtatnasate khempeuh uh hong pulak uh hi.

Siampi Laibu 13:52

Amah in a puan hal ding hi. Tua natna pen puan a tung a phei-ah hitaleh, samul puan saihadial puan hitaleh savun tawh a kibawl na khat peuhpeuh tungah a om leh hal ding hi. Bang hang hiam cih leh tua pen a lauhuai phaknatna ahih manin mei sungah kihal ding hi.