Sawltak 19:18 - Tedim Bible

¹⁸ Thu a um midang tampi tak zong hong pai uh a, mipi’ zakin a gamtatnasate khempeuh uh hong pulak uh hi.

Tedim Bible Revision 2017

¹⁸ Thu a um midang tampi tak zong hong pai uh a, mipiʼ zakin a gamtatna sate khempeuh uh hong pulak uh hi.

Sawltak 19:18 Referans Kwoze

ROM (Romans) 10:10

Bang hang hiam cih leh i lungsim ah i up taktakna hangin Pasian tawh kipawl theihna kingah a, i kamin i genna hangin hotkhiatna a kingah ahi hi.

Mattiu 3:6

Amaute in a mawhnate uh hong pulak uh a, Johan in Jordan Gun sungah amaute a tuiphum hi.

Late 32:5

Keima khialhnate nangma tungah kong pulak a, ka mawhna ka im kei hi. “Ka khialhnate khempeuh Topa’ tungah ka pulak ding hi,” ka ci hi. Tua ciangin ka mawhna nin nong maisak hi.

1 JOHAN MASA 1:9

Ahi zongin Pasian kiangah i mawhnate va pulak lehang, amah citakin thuman ahih manin, i mawhnate hong maisakin i hoih lohnate khempeuh hong siangsak ding hi.

Ezekiel 36:31

Na gamtatnasa uh na gitlohnate uh le na hoih lohnate uh na phawk kik ding uh a, na mawhna uh le na khialhnate uh hangin nomau mahmah na kimudahtawm ding uh hi.

Ezekiel 16:63

Na gamtatnasa khempeuh kong maisak khit ciangin na gamtatnasa khempeuh na phawkkik ding a, maizum lua-in cih nading mel thei loin na om ding hi, Topa Pasian in ci hi,” a hong ci hi.

Jeremiah 3:13

Na mawhna na phawk ding bek kisam hi. Topa na Pasian na langpanna, singliim nuai khempeuhah gamdang pasian-te tawh na khialh kawikawina le ka thu nong man lohnate pulak in, Topa in kong ci hi.

Paunak 28:13

A khialhna a im mite a dau pai lo ding a, a mawhna pulakin a kikheel mite in hehpihna ngah ding uh hi.

Siampi Laibu 26:40

“Ahih hangin kei tungah khemna tawh hong gamtatnasa uh le kei hong demna uh hangin amaute gawt bawlin, amau’ galte’ leitangah amaute ka paipihna hangin, amau’ mawhna le a pu a pate uh mawhna pulakin a lungsim uh niamkhiatin, amaute in a mawhna a kipuahphat uhleh,

Siampi Laibu 16:21

Aaron in keel hing lu tungah a khut tegel nga-in, Israel mite’ mawhna, amau’ thu palsatna, le amau’ khialhnate khempeuh, keel tungah pulak ding hi. Amah in keel lu tungah tuate suanin, a paikhiatpih dingin a kithawisa mipa tawh sehnel gamah sawlkhia ding hi.

Sawltak 19:17

Efesa khua-a om Jew mi le Gentail mi khempeuh in hih thu za-in lau mahmah uh a, Topa Jesuh’ min nakpitakin a kiphat semsem hi.

Sawltak 19:19

Ai a san ngei mi tampi tak in zong a aisanna laibute uh hong paipih uh a, mi khempeuh’ muhin a haltum uh hi. Tua laibu mante a gawm uh ciangin ngun peek then nga man bang ahi hi.

Jeim 5:16

Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihte’ thungetna in vang nei a, na lianpi semzo hi.