Sawltak 19:13 - Tedim Bible

¹³ Dawi hawlkhia-in a vak kawikawi Jew mi aitawi pawlkhat in zong Topa Jesuh’ min zangin dawi hawlkhiat ding a sawm uh hi. Amaute in dawite kiangah, “Paul in a gengen Jesuh’ min tawh thu kong pia uh hi,” a ci uh hi.

Tedim Bible Revision 2017

¹³ Dawi hawl khia-in a vak kawikawi Jew mi aitawi pawl khat in zong Topa Jesuʼ min zangin dawi hawlkhiat ding a sawm uh hi. Amaute in dawite kiangah, “Paul in a gengen Jesuʼ min tawh thu kong pia uh hi,” a ci uh hi.

Sawltak 19:13 Referans Kwoze

Mattiu 12:27

Keimah in Beelzebul vangliatna tawh dawite hawlkhia ka hih leh na mipihte un a kua’ vangliatna tawh hawlkhia ahi uh hiam? Na mipihte un na ngaihsut khialhna uh hong kilangsak hi.

Marka 9:38

Johan in, “Sia aw, nangma min zangin dawi a hawlkhia mi khat ka mu uh hi. Amah, ei’ pawl hi lo ahih manin ka kham uh hi,” a ci hi.

Luka 11:19

Ke’n Beelzebul’ vangliatna tawh dawi hawlkhia ka hih leh, na mipihte un kua’ vangliatna tawh hawlkhia ahi uh hiam? Na ngaihsut khialhna uh amaute in hong langsak ding hi.

Luka 9:49

Tua ciangin Johan in, “Topa aw, nangma min tawh dawi a hawlkhia mi khat ka mu uh a, amah pen eima pawl sungah a om hi lo ahih manin ka kham uh hi,” a hong ci hi.

Marka 5:7

nakpitakin kiko-in, “A Lianpen Pasian’ Tapa Jesuh aw, kei bang hong nuammawh na hi hiam? Kei, gim hong pia kei in, ci-in Pasian’ min tawh kong thum hi,” a ci hi.

Mattiu 26:63

Jesuh pau loin a om hi. Tua ciangin siampi lianpen pa in, “Pasian’ Tapa, Khrih na hih leh na hihloh nong gen nadingin a nungta Pasian’ min tawh khauhtakin ka hong sawl hi,” a ci hi.

1 KUMPI MASATE 22:16

Ahih hangin kumpipa in ama kiangah, “Topa’ min tawh thudang gen loin thuman bek kei tungah nong gen nading bangzah vei hong thuhilh ding ka hi hiam?” a ci hi.

1 SAMUEL MASA 14:24

Israel mite tua ni-in lungkham uh hi; bang hang hiam cih leh Saul in mite tungah kiciamna khat koih a, “Tu nitak mateng le ka galte ka thukzawh matengin an a ne pa in samsiatna ngah ta hen,” a ci hi. Tua ahih ciangin mite khat beek in an ciam lo uh hi.

Joshua 6:26

Tua hun laitakin Joshua in amaute tungah thuciamna khat koih a, “Mi khat kipanin hih Jerikho khuapi a lamkik pa in Topa’ mai-ah samsiatna thuak tahen. A tacil luang khaamin tua khuapi bulpi phut ding a, a tapa neupen luang khaamin a kulhkongpite phut ding hi,” a ci hi.

Piancilna 4:14

En in, tuni-in nangmah in leitung panin kei nong hawlkhia a, nang kiang panin kei nong notkhia hi. Kei pen a galtai, leitungah a vakvai ka hi ding a, kei hong mu peuhmah in hong that ding hi,” a ci hi.

Piancilna 4:12

Lo na khawh ciangin nang a dingin an hong piangsak nawn lo ding hi. Nang pen a galtai, leitung a a vakvai na hi ding hi,” a ci hi.

Late 109:10

Ama tate vak kawikawi-in khut dawhin ngen hen la, a kisiasa a tenna mun panun kihawlkhia ta uh hen.

Sawltak 19:14

Siampi lianpen Skeva’ tapa sagihte in tu-a bang danin na sem uh hi.

2 KORIN NIHNA 11:4

Bang hang hiam cih leh kote’ hilh a hi lo adang Jesuh’ thu a hilh hong pai ciangin lungdam takin na sang pahpah uh a, kote’ hong hilh Kha Siangtho le lungdamna thu tawh a kibang lo kha thu le lungdamna thu hong hilh a om ciangin na sang pahpah uh hi.