Sawltak 19:11 - Tedim Bible

¹¹ Pasian in Paul’ tungtawnin nalamdang lianpipi a bawl hi.

Tedim Bible Revision 2017

¹¹ Pasian in Paulʼ tungtawnin nalamdang lian pipi a bawl hi.

Sawltak 19:11 Referans Kwoze

Sawltak 5:12

Sawltakte in mite lakah lim le nalamdang tampi a bawl uh hi. Thu um mi khempeuh Solomon’ Talap-ah kikhawmin a om uh hi.

Hebru 2:4

Amaute’ thugenna banah Pasian in vangliatna lim, le nalamdang a tuamtuamte bawlna tawh hong genbeh lai hi. Tua banah ama hoihsak bangin Pasian in Kha Siangtho zong hong hawm lai hi.

Sawltak 8:13

Simon mahmah in zong um a, tui a kiphum khit ciangin Filip zui tawntung a, lim le nalamdang lianpipite a bawl a muh ciangin lamdang a sa mahmah hi.

Sawltak 16:18

Tua bangin ni tampi sung awng ngitnget ahih manin a sawtna ciangin Paul in nawngkaisa ahih manin kihei-in a dawi kiangah, “Hih numei sung panin na paikhiat nadingin Jesuh Khrih min tawh thu kong pia hi,” a cihkhit phetin, tua numei sung panin dawi a paikhia pah hi.

Galati 3:5

Note in Thukham na zuihna hangun Pasian in Kha Siangtho hong pia-in nalamdang hong bawl ahi hiam, ahih kei leh lungdamna thu za-in na upna hang uh hizaw ahi hiam?

Sawltak 15:12

Tua ciangin Barnabas le Paul in Gentail mite lakah amau tungtawnin Pasian in lim le nalamdang a bawlnate khempeuh a gen laitakun mi khempeuh pau loin a om uh hi.

Sawltak 14:3

Tua lai-ah sawltakte sauveipi tam uh a, Topa Jesuh thu hangtakin a hilh uh hi. Ama dikna thu a hilhnate uh man hi, ci-in a lah nadingin Topa in amaute tungah lim le nalamdang bawltheih nading vangliatna a pia hi.

Johan 14:12

A mantakin ka hong genin-ah, kei hong umte in keima sep nate mah sem ding hi. Pa kiangah kei ciah ding ka hih manin keima sep sangin zong a lianzaw sem lai ding uh hi.