Sawltak 19:10 - Tedim Bible

¹⁰ Hih bangin kum nih sung tawntung thu gen niloh ahih manin Asia gam sunga om Jew mi le Gentail mi khempeuh in Topa’ thu a za uh hi.

Tedim Bible Revision 2017

¹⁰ Hih bangin kum nih sung tawntung thu gen niloh ahih manin Asia gam sunga om Jew mi le Gentail mi khempeuh in Topaʼ thu a za uh hi.

Sawltak 19:10 Referans Kwoze

Sawltak 20:31

Tua ahih ciangin limtakin kiging unla, kum thum sung tawntung khitui naptui tawh note khempeuh ka hong thuhilhna na ciamteh un.

2 TIMOTI NIHNA 1:15

Na theihsa bangin Asia gam sunga om mi khempeuh in kei hong nusia uh a, tuate lakah Figelas le Hermogenes-te zong kihel uh hi.

Kolose 3:11

Tua ahih manin Gentail mi le Jew mi, vun-at mi le vun-at loh mi, khuapi mi le khuaneu mi, sila le sila ahi lo, cih bangin a kilamdanna om lo a, Khrih pen mi khempeuh a’ ding hi thei a, thu khempeuh a’ ding hi thei a, thu khempeuhah amah bek ahi hi.

Galati 3:28

Tua ahih manin Jew mi le Gentail mi, sila le sila ahi lo, numei le pasal cih bangin kideidanna om nawn lo a, note khempeuh Khrih tawh na kipawlna hangun pawlkhat hi-in, a kibangkim na hi uh hi.

ROM (Romans) 10:18

Tua ahihleh amaute in thu za lo uh ahi hiam? Lai Siangtho sungah, “Amau’ awgingte leitung khempeuh ah kizel a, a thugente uh in mun khempeuh a ban hi,” ci-in a kigelh mah bangin amaute in thu za khinzo uh hi.

ROM (Romans) 10:12

Bang hang hiam cih leh Jew mi le Gentail mi a kideidanna om lo ahih manin Topa pen mi khempeuh’ Topa hi kim a, ama kiangah a ngen khempeuh tungah thupha tampi tak a pia hi.

ROM (Romans) 1:16

Lungdamna Thu ka muang mahmah hi. Tua thu pen a masa-in Jew mi, tua zomin minam dangte, thu um mi khempeuh a honkhiazo Pasian’ vangliatna ahi hi.

Sawltak 16:6

Asia gam sungah thu a hilh ding uh Kha Siangtho in phal lo ahih manin Frigia le Galatia gam sungtengah a zin uh hi.

Mangmuhna 1:11

“Na muhte khempeuh laibu sungah gelh inla, Efesa pawlpi, Smyrna pawlpi, Pergamum pawlpi, Thiatira pawlpi, Sardis pawlpi, Filadelfia pawlpi, Laodisia pawlpi, hih pawlpi sagihte kiangah khak in,” hong ci hi.

Mangmuhna 1:4

Johan in Asia gam sungah a om pawlpi sagihte tungah a khak lai ahi hi. A beisa hun, tuhun, le mailam hunah a om tawntung Pasian kiang pan le ama tokhom mai-ah a om Kha Siangtho sagihte tung pan le,

1 PETER MASA 1:1

Jesuh Khrih sawltak keimah Peter in Pontas gam, Galatia gam, Kappadosia gam, Asia gam, le Bithynia gamah kithehthangin peemta-in a om mite kiangah lai ka hong khak hi.

Sawltak 20:18

Efesa pawlpi upate hong tun ciangin Paul in amaute kiangah, “Asia gam sung kong tun ni a kipanin note tawh ka om sungteng ka nasepna khempeuh note in na thei uh hi.

Sawltak 19:22

Tua ahih manin amah a huh Timoti le Erastas, Masedonia gamah paisak a, amah in Asia gam sungah tawlkhat hun a zang hi.

Sawltak 19:8

Tua ciangin Paul in kikhopna inn sungah hangtakin kha thum sung thu hilh a, mite in Pasian’ Ukna thu a upzawh nadingun nakpitakin a gen hi.

Sawltak 18:11

Tua ahih manin tua khua-ah kum khat le alang sung omlai-in mite kiangah Pasian thu a hilh hi.

Sawltak 18:4

Sabbath ni simin kikhopna inn-ah limtakin thu gen a, Jew mi le Grik mite in thu a up nadingun a hanciam hi.

Sawltak 2:9

Eite pen Parthia gam, Media gam, Elam gam, Mesopotamia gam, Judea gam, Kappadosia gam, Pontas gam, Asia gam,

Sawltak 6:9

Ahi zongin mi pawlkhat in Stefen langpan’ uh hi. Tua mite pen mite in, “Sal Suakta Mite,” a cihte pawl uh hi a, Sairin khua le Alexandria khua panin a hong pai Jew mite ahi uh hi. Hih Jew mite, Silisia le Asia gam pan a hong pai Jew mite tawh kipawlin Stefen tawh thu kisel dingin hong kipan uh hi.

Sawltak 13:12

Gam ukpa in hih thupiang a muh ciang le Topa thu a kigente a zak ciangin lamdangsa mahmahin Pasian a um hi.

Sawltak 19:20

Tu-a bang danin Topa thu nakpitakin hong khangin hong kizel semsem hi.